العربيه بتشرق على السلانسيه

[khaled sabry]

السلام عليكم و رحمة الله
حصلت مشكله مره واحده عندى فى العربيه و هى ان العربيه بقيت بتشرق على السلانسيه
يعنى لو واقف فى اشاره او زحمة مرور الاقى الار بى ام بيوطى مع نفسه و العربيه تبدأء ترجرج جامد و تشرق و تقف
و كنت كل لما بفك مسمار الهواء الاقيه ينزل بنزين
الكلام ده كان قبل العيد بيومين
المهم روحت مركز الصفا اللى فى جسر السويس و الكربراتير و غيرلى بيك السلانسيه و ظبط العادم و كل حاجه بقيت تمام
فى العيد سافرت بيها اسيوط رايح جاى (يعنى 800 كيلو المشوار فقط ) و مافيش مشاكل و استهلاك البنزين مثالى
لما جيت بقى القاهره لاحظت ان المشكله دى رجعتلى تانى -- بس بمعدل اقل
يعنى فى الاول كانت العربيه بتشرق فى خلال 10 ثوانى من السلاسيه
دلوقتى بتشرق فى خلال 40 ثانيه مثلا - ده طبعا لو مالحقتهاش بدوسه بنزين قويه
بس بلاحظ ان المعدل ده بدء يقل تدريجيا و ترجع تشرق بسرعه زى زمان
و طبعا دلوقتى كل لما اطفى العربيه و اسيبها لازم لما ادورها تانى تبقى شرقانه
و لاحظت ان فيه تعريق بنزين كتير حولين الكربرايتر
من خلال بحثى على النت لاقيت ان ممكن سبب المشكله دى ان العوامه تكون مخرومه ... بس لما شوفت العوامه عندى مش ملاحظ خرم ظاهر فيها -- فهل توجد وسيله احترافيه للكشف عنها ؟؟

فياريت حد يساعدنى فى الموضوع ده

[khaled sabry]

معقوله مافيش حد يقدر يفيدني
اسمحولى اضيف معلومه ... معدل الشرقان مش بيزيد تدريجيا ... المعدل ثابت
و العربيه مش بتشرق لو ثبت rpm على 1000 لكن لو اقل من كده بتشرق بعد شويه
و طبعا بتشرق لما بطفى الموتور لفتره

[shoudy2005]

المشكلة منحصرة فى شيئين اولهم ابرة العوامة محتاجة تتنضف او تتغير ثانيآ العوامة مخرومة و انا ارجح ان الأبرة عاوزة تتغير و السبب ان هما لمل نضفوها رجعت كويسة لحد م لمت شوائب تانى نصيحتى هى ان اول م الأبرة تبتدى تعلق يفضل تغييرها

[khaled sabry]

المشكلة منحصرة فى شيئين اولهم ابرة العوامة محتاجة تتنضف او تتغير ثانيآ العوامة مخرومة و انا ارجح ان الأبرة عاوزة تتغير و السبب ان هما لمل نضفوها رجعت كويسة لحد م لمت شوائب تانى نصيحتى هى ان اول م الأبرة تبتدى تعلق يفضل تغييرها

اسف على التأخر فى الرد و شكرا على اهتمامك
المشكله راحت خلاص
لما رحت لميكانيكي علشان يظبطلى الكهرباء - هو لاحظ حكاية الشرقان دى
فسألنى حد لعب فى الكربراتير قريب - فحكتيله الحكايه و مرواحى لمركز الصفا
فهو فك وش الكربراتير و فك بيك السلانسيه
لحسن الحظ انا كنت محتفظ بالبيك القديم (اللى مركز الصفا غيرهولى )
ولا حظت ان البيك القديم فيه عدد ثقوب اكتر من البيك اللى راكب حاليا ( يعنى البيك الجديد اللى راكب بيدى تأثير البيك القديم لما يبقى مسدود بشكل جزئ)
و بالتالى مع البيك الجديد كان العربيه بتشرق لأنها ماكنتشى بتقدر تصرف البنزين بسرعه
فالميكانيكي جاب سلكه و سلكلي البيك القديم و نفخ فيه و ركبه و العربيه رجعت تانى زى الفل و الله ينور ياسطى جمال :018a1d~146:
طبعا انا سبتها دايره عنده نص ساعه على السلانسيه علشان اتأكد مافيش حاجه حتصل تانى و اهه بقالها 3 ايام شغاله مظبوط
اللى مش قادر افهمه ليه مركز الصفا غيرى بيك السلانسيه بواحد تانى مش زيه
يمكن مالقوش واحد زى اللى عندى فادولى اى حاجه كده و السلام - اعوز بالله من قلة الضمير

[khaled sabry]

للاسف المشكله رجعت تانى
بعد ماروحت للميكانيكي العربيه بقيت ممتازه لمده 4 ايام
و بعد كده فى يوم فضلت بجرى على 110 تقريبا لمده نصف ساعه و اول لما شيلت رجلى من على البنزين الاقى العربيه طفت و حالفه براس ابوها ماهى دايره تانى و احلى شرقان شوفته فى حياتى
و فين و فين لما العربيه رضيت تدور تانى بس اول لما اشيل رجلى و توصل لمعدل السلانسيه الاقيها تفصل تانى
المهم حايلتها لغايه لما روحت للميكانيكي (و ماكنتش مصدق انه ده شرقان اصلا)
قالى ان العربيه شرقانه و فك الكربراتير و سلك البيك ...و العربيه اشتغلت تانى
بصراحه انا قولت اللى عمله ده هبل لأن البيك متسلك قبلها ب 3 ايام و استحاله يكون لحق يتسد بالمنظر ده فى 3 ايام بس
وصدق ظنى لأن العربيه قعدت يومين و بقيت تشرق تانى
قولت مش حروح للميكانيكي الكفتجى ده تانى ( كل مره يظبط العربيه و ياخد 50 جنيه و ترجع تتنيل بعدها بكام يوم ) و قررت انى افك انا وش الكربراتير (ما انا مش خسران حاجه بقى ) و مستعد انى لو عكيت الدنيا حشترى كربراتير تانى و امرى لله
لاقيت الميكانيكي افندى لما ركب مكبس البنزين ركبه بغباء و ده ادى الى ان الجوان اللى حواليه اتقطع
فاطريت انى اشترى طقم اصلا للكربراتير و اغير المكبس ده - معدل الشرقان قبل
بس لسه مانتهاش
اتغاظت فقررت الناهرده انى اغير كل حاجه اعرف افكها من الكربرايتر بالحجات الجديده اللى فى طقم الاصلاح
فغيرت مسمار الهواء - و غيرت ابرة عوامة البنزين
ولما غيرتها الدنيا رجعت تمام و اختفت موضوع الشرقان نهائى
بس اتمنى انه مايرجعشى تانى فى الايام القادمه و ربنا يستر

المشكلة منحصرة فى شيئين اولهم ابرة العوامة محتاجة تتنضف او تتغير ثانيآ العوامة مخرومة و انا ارجح ان الأبرة عاوزة تتغير و السبب ان هما لمل نضفوها رجعت كويسة لحد م لمت شوائب تانى نصيحتى هى ان اول م الأبرة تبتدى تعلق يفضل تغييرها

نصيحتك طلعت فى محلها و للاسف انا ضيعت وقت و فلوس و مجهود على الفاضى بسبب عدم اتباعها من الاول

[khaled sabry]

اه يانى و رجعنا من تانى
بعد ماقولت ان مشكله الكربرايتر اتحلت بتغيير الابره - رجعت تانى و شرقت و انا رايح بيها الشغل الصبح
تفسيرى ان الصاجه اللى عليها العوامه اتنت مع الاستتخدام
فعملت فيها ابو العريف كالمعتاد و فكيت وش الكربراتير و تنيت الصاجه دى حاجه بسيطه اوى
و دى كانت الضربه القاصمه للكربراتير
فبدل مابقيت تشرق بقى حوض البنزين يخلص بالكامل - حاولت ارجعها زى ماكان ترججع تانى تشرق و بعنف
فكده قولت خلاص مافيش مناص غير انى اشترى كربراتير جديد و انا اصلا كنت زهقت من المشاكل المتكرره للقديم رغم ان المفروض ان الكربراتير القديم ما اتفتحشى النص الاسفل منه لغايه دلوقتى
المهم نزلت عزبه شلبى كل واحد بيطلعلى كربراتير مليان رمل (كأنه طالع من قبر ) و يقولى ان ده بتاعك رغم ان شكله مختلف فى حجات كتير عن اللى عندى
و بصراحه ماكنتش مطمن لمنظر الكربراتيرات دى نفسها و حاسس انها حتبوظلى الموتور حتى بعد غسيلهم
فروحت لبتاع قطع الغيار اللى بتعامل معاه و جابلى واحد جديد زى اللى راكب عندى بالظبط و ب 750 جنيه
المهم ركبته بنفسى و كان متظبط فيه كل حاجه حتى مسمار الهواء و كله تمام و الحمد لله (ربنا يديمها نعمه)
السؤال دلوقتى انا المفروض اشتريت الكربراتير ده على اساس انه يابانى اصلى و مكتوب عليه بالفعل Made in Japan على الكربراتير نفسه لكن هل يعقل ان 750 جنيه دى يكون سعره ؟؟؟ انا خايف انه يكون صيني لأنى سمعت ان الصيني بيعمل مشاكل كتير و انا تعبت بقى

[azkol2005]

لك الله

[khaled sabry]

لك الله

الله يخليك ... ياباشا
خلاص الكربراتير الجديد ماشى معايا زى الفل و الحمد لله
بالنسبه لخوفى انه يكون صيني و لا لا ... فاكتشفت ان اصلا مافيش كربراتير صيني اتعمل لعربيتي لأنها عربيه قديمه و الموديل ده ماكنشى منتشر اوى
و الكربراتيرات الصيني معموله للعربيات المنتشره فقط

[tameromarw]

الحمد لله ان مشكلتك اتحلت
انا عندي نفش المشكلة ومش عارف ليها حل رغم فك الكربيراتير وتنظيفه وغسله واتحلت المشكلة يوم واحد وتاني يوم شرقت
بس انا عندي شرقة العربية مش كبيره اوي لاني بدوس علي دواسة البنزين للآخر فالعربية بتلقط وبتدور
لكن لو دوست دوسه خفيفه مش هتدور
وادينا بنشوف التجارب

[hanymoh]

مشكلتك دي غلبتني شهر متواصل، تروح يومين واقول الحمد لله خلصت منها، وترجع تاني، بس انا مصرفتش جنيه عليها، لاني بشتغل بنفسي وعندي قناة يوتيوب.

لقيت خط الراجع مكتوم، سلكته، ولا الهوا
نضفت الكربيراتير بالكامل، ولا الهوا.

اخيرا لمحت نقرة صغيرة جدا في لسان العوامة اللي بيرفع الإبرة، وبيخليها تعلق ومتطلعش عشان تقفل الحنفية، وبالتالي البنزين بيفضل يملى الحوض للاخر.

صنفرت لسان العوامة بصنفرة ناعمة، ونعمتها اكتر بسلك مواعين، وبقالي اكتر من سنة ماشي بها زي الفل مفيش ولا شرقة، لو المنتدة بيسمح بالروابط، هحط رابط الشرح العملي في المشاركة الجاية.

[hanymoh]

ده رابط الفيديو على قناتي

https://youtu.be/GUHdbSRD-94