مشكله في التيل الجديد--فانتازيا 2010

[ah_boba_ly]

يا جماعه انا غيرت تيل فرامل قدام ف الفانتازيا 2010 في التوكيل والتيل القديم مغيره وهوا فيه لحميه لسه الكلام دا كان ع 25 الف كيلز رغم اني مش جراي اوي يعني..المهم ان التيل الجديد اول ما امشي بيه شويه واجي اهدي وتكون السرعه 30 واقل الفرامل تصفر وروحت التوكيل مرتين وقعدوا ينضفوا فيه وبرضو مفيش فايده...


يريت تفيدوني هل اطنش رغم ان صوت الصفاره عالي ومستفز جدا :((وبيديني احساس ان التيل خلصان؟؟...ولا اروح ليهم تاني؟؟....ويريت لو حد يعرف العيب ممكن يكون منين....واسف اني طولت عليكو :(

[Astra200]

ممكن يكون نوع التيل الجديد مش قوي -- وفيه نسبة معدن عالية يقوم يصفر
التيل مش بيجي من مصدر واحد
انا بقيت مغيرش التيل غير لما أشوفه بعيني مافيهوش لحميه -- ما مسمعش كلام الميكانكية ولا التوكيل

[Astra200]

ولو رحتلهم ميت مرة مش حيعملوا حاجة ( علشان الوصف الي بتقوله معناه انه يغير التيل بنوع تاني ) خليهم يرجعولك التيل القديم وياخدوا التيل بتاعهم وغيره بره (اذا كانت الصفارة مضيياق)

[Astra200]

مهما نضفوا فيه مش حيتغير لأن المادة اللي هو مصنوع منها هي اللي بتسبب الصفارة -- والمفروض ينبهك لكده

[ah_boba_ly]

الف شكر...يعني قصد حضرتك انه يا يغير التيل بواحد تاني وهيصفر برضو...ياما يشيله وانا اغيره بره وخلاص..لكن الصفاره ملهاش حل؟؟

[akmm]

ارجع لهم تانى وصمم على تغييره بنوعيه اخرى او زات النوعيه بس جديد وده حقك