بطاريه البرايد ودعت مفيش حل لو سمحتم؟

[wagbr]

سامحوني ان كنت الفتره اللي فاتت مش متواجد وده بسبب الشغل مطولش عليكم البطاريه بتاعت البرايد غالبا ودعت اقولكم الاعراض السي دي وانا ماشي بمختلف السرعات 40 60 80 100 120 140 بيرستر وبرضه لو اديت فلاشر انتظار بيرستر ولو بطلت العربيه النور بيضعف اوي وبالزات لو كنت مشغل الفلاشر مفيش 10 دقايق ودور يا بيه علي حد يزق معاك فعايز اعرف لو في صيانه للبطاريه في ناس قالتلي قواطيش ومش فاهم حاجه الصراحه حد يفيدني عشان بصراحه مفيش امكانيه خالص اغير البطاريه دلوقتي

[Akram]

أولاً صيانة البطارية إذا كانت عادية (مش جافة) هو مراجعة المياه الخاصة بها أو تغيرها أحياناً ,
و القواطيش دي اللي بيتثبت فيها السلك الموجب و السالب في البطارية ,

انت تراجع المياة في البطارية عن طريق فتح الأغطية الموجودة فيها و التأكد من ان مستوى المياه مش ناقص (و لو ناقص ممكن تجيب زجاجة مياه مقطرة من أي محل قطع غيار و تزود المياه في البطارية) ,
و تتأكد من عدم وجود أملاح على القواطيش (و لو فيه اغسلهم بمياه مغلية) ,
و تتأكد من ثبات السلك في القواطيش و ثبات القواطيش في البطارية ,
و تتاكد من ثبات السلك السالب و الذي يتم تثبيته في جسم الموتور أو في الحوض ,

و لما تيجي تبيت العربية انزع القوطاش الموجب من البطارية للتأكد من عدم وجود أي جهاز في العربية قد يكون شغال و قد يضعف قوة البطارية , و في الصباح ركب القوطاش ده و لو العربية ما دورتش بعد كل ده يبقى يا إما البطارية جابت آخرها أو فيه مشكلة في المارش و ده ممكن تتأكد منها من خلال أي كهربائي عن طريق جهاز لقياس شحن الدينامو .

[wagbr]

البطاريه مش جافه هي بطاريه عاديه وفعلا تقريبا في بودره بيضاء علي القواطيش دي
بس انا قصدي ان البطاريه ينفع يتعملها صيانه من الداخل قصدي جوه البطاريه نفسها

[shoudy2005]

صيانة البطارية كما قال الأخوة تزويد ماء مقطر عند النقصان او تزويد حمض و تنظيف الأقطاب هى ده الصيانة مع انى كنت بجيب بطاريات كلورايد بتقعد اربع سنين من غير صيانة

[sab3aawy]

بص، نضف القواطيش وتأكد من منسوب المياه فى البطارية ، وامشى بيها كام يوم علشان لو كان الموضوع عيب شحن تتشحن، وبعدين لو الاعراض استمرت تاخدها وتروح تكشف عليها عند بتاع بطاريات، لو قاللك انها تعبانة فمتوجعش قلبك معاها، البطاريات لما بتموت خلاص بتموت ، وحكاية انك تحطها على جهاز الشحن والكلام الفاضى دة زى بالظبط واحد ميت اكلينيكيا لما بيحطوه على جهاز الإعاشة، مجرد ما يشيلوه من على الجهاز بيموت، وكذلك الحال مع البطارية التعبانة، حلها الوحيد تبدلها من عند بتاع البطاريات بواحدة جديدة وتدفعلك 350-400 جنيه

[MoMohsen]

يا باشا مش مستاهله وجع دماغ انا بردة معايا برايد بطاريتها باظت و كانت الفلوس مقصرة معايا نزلت جبت بطارية من احمد سعيد نسر فالرتا زى الفل الحمد لله و ب 250 و الراجل خد منى البطارية الفديمة ب 40 جنية

[wagbr]

والله العظيم وحشتوني جدا جدا M Mringo- Shody -sab3awy -akram الكل واحشني جدا جدا وشكرا طبعا علي الردود وربنا يباركلكم دايما لاحقني