العربية بتترج في الطلعة

[Zika9909]

أنا عندي العربية (بولونيز) بتترج في الطلعة لكن الكلام ده لما تكون العربية سخنة بس
بمعنى إن أنا الصبح بلاقي العربية طبيعية تمامًا و لا بتترج و لا أي حاجة
لكن مع طول المشوار بلاقي العربية بتترج في الطلعة
اركنها و آجي تاني يوم الصبح ألاقيها سليمة و لما العربية تسخن تترج تاني!!!!

الطبيعي إن سبب الرجة دي هو الأسطوانة
لكن أنا مش فاهم إيه السبب إللي يخلي الرجة تختفي و تيجي

[Ahmed salamaa]

عندي نفس المشكلة في عربيتي المازدا اول ما تسخن تعمل كدة و مش هتتظبط الا اما تغير طقم كامل افضل يعني

[MohammedAladel]

بفكر فى قواعد الموتور والله أعلم

[yoko]

طقم مش قواعد خالص
العربيه لما بتسخن الطقم بيسخن تبان الرجة وهي بارده الطقم بارد مفيش رجه ده عادي
وإستحالة تكون قواعد

[MohammedAladel]

معلش أنا مليش فى الأعطال بس بخمن مش أكتر

[dr.hazem]

طقم الدبرياج بيقول باي باي

[mahamedaraby]

هو كده الطقم لما بيسخن بيان اوى العيب فيه لكن وهو بارد الدنيا زى الفل

انا فاكر حصلت معايا فى العربيه 128 مش فاكر الديسك تقريبا اتكسر فكانت ماتجبش اول ولا تانى بتجيب تالت ورابع بس

المهم العربيه وهى بارده بتجيب اول تانى وتالت ورابع زى الفل اول بس ما تمشى 500 متر ولا حاجه ترجع متجبش ولا اول ولا تانى

[m_adeleid]

طقم مش قواعد خالص
العربيه لما بتسخن الطقم بيسخن تبان الرجة وهي بارده الطقم بارد مفيش رجه ده عادي
وإستحالة تكون قواعد

+1111111111

[hany63]

عايزه طقم دبريااااااج

[aymansaad]

ممكن يكون ديسك واسطوانة

[Zika9909]

شكرًا ليكم كلكم على ردودكم و اهتمامكم

طب دلوقتي أنا مش معايا فلوس أعمل طقم الدبرياج
هل في ضرر إني أمشي بيها كده؟ و لا هتحصل مشاكل أكبر؟