Abs تركيب؟؟؟

[Qamar]

كنت محتار بين الGen2 و Sunny و بعد ما قرأناه عن الأمان(موضوع الأخ SAbuhashem)
:: NileMotors.com :: > :: منـــتديات عــامــــة :: > المنتــــــدى العـــــــــــام > **حملة : لا تتنازل عن عوامل الامان مهما كان **
قررت الا أتنازل عن فرامل ABS .و لكن في هذا الوقت كنت استقريت علىsunny و السؤال:
ممكن اجيب Sunnyو أركبلها فرامل ABS و لا دي ما ينفعش تركيبها أصلا؟

[sab3aawy]

عملية تركيب ABS لعربية مش مزودة اصلا بال ABS شغلانة مش سهلة، وده لسبب اساسى هو حساس الABSالذى يتم تركيبه على كل عجلة من العجلات، باقى الأجزاء سهلة ويمكن تركيبها، لكن حساسات العجلات تعتمد على حساس تقارب مغناطيسىproximity switch يقوم بعد عدد سنون ترس راكب على العجلة والحساس مركب امامه، وبالتالى لابد لاضافة الحساس ان تكون صرة العجلة اساسا مجهزة لتركيب الترس والحساس، وتوافرهما فى السوق، او تغيير الصرة بالكامل باخرى مزودة بالترس والحساس وهذا يستلزم وجود سيارة من نفس النوع مزودة بالABSفى السوق، لو كانت السيارة من نفس النوع المزودة بهذة الخاصية متاحة فى اسواق اخرى فليس امامك سوى الاستيراد، وفى النهاية هى مصاريف باهظة وتعديلات تخرج السيارة من الضمان الى جانب ان جودة ادائها فى النهاية غير مضمونة، الABS ليس جهاز تكييف او زجاج كهرباء يمكن اضافته للسيارة لاحقا، لذلك لو انك مصر على الABSفعليك بسيارة مزودة اصلا بالABS

[Qamar]

جزيل الشكر لسيادتك. فعلا باحس ان الكلام جايب من الأخر
نفعنا الله بك دائما و جزاك عنا كل خير

[mohamed_rhem]

سبعاوي باشا انت مدتناش فرصه نقول ولا كلمه
بصراحه انا مكنتش حقول ولا حتي 1 علي عشره من اللي قولته
بصراحه مسكت الموضوع كله ومسبتلناش اي حاجه نتكلم فيها
وفعلا زي قمر قال بتجيب من الاخر
ربنا يكرمك يا باشا ويجازيك خير

[mohamedway]

عاوز اضيف لكلم الاخ سبعاويى انه هيغير مواسير الباكم اللى فى حوض الموتور كلها عشان نظام المواسير مغتلف ده غير ان عددها اكتر (رايح جاى من و الى جهاز ال Abs والماستر العمومى ) ده غير دفيره الكهربه بتاعت جهاز ال Abs والكمبيوتر الخاص به و الكابلات اللى واصله بالحساسات لانها من نوع خاص تستحمل الحراره و جميع الظروف الصعبه اللى عند العجل بالاضافه للى قاله الاخ سبعاوى ان صره العجل مختلفه (لو عرفت تجيب كل ده و تركبه صح فى مكانه و يكون بتاع العربيه مش متوفقلها و هتعرف تظبط ضفيره الكهربه بتاعته المكونه مما لا يقل عن 100 فرده سلك و مستعد للتكلفه الباهظه اللى باى حال مش هتقل عن 10000 جنيه اتكل على الله و ركبه)

[Qamar]

أنا آسف خلاص حرمت. مش هاعمل كدة تاني. مش هاسيب مخي يصورلي أي حاجة تاني واااااء

[Ahmad Allawy]

مفيش عربيات كتيرفي فئة السعر دي فيها ايه بي اس..
منهم الجين تو.. و الدايهاتسو سيريون و الياريس.. ومش كلها كمان.. مش عارف في ايه تاني..
بس بيتهيألي مفيش..

[جمال]

مفيش عربيات كتيرفي فئة السعر دي فيها ايه بي اس..
منهم الجين تو.. و الدايهاتسو سيريون و الياريس.. ومش كلها كمان.. مش عارف في ايه تاني..
بس بيتهيألي مفيش..

فيه الهايما فاملى الصينى