اين اجد منتجات التلميع و التشميع فى مصر

[miah]

يا جماعه انا مش لا قى اى منتجات بوليش او تشميع نضيفه

حتى فى كارفور او سبينيس , مش لاقى

ممكن حد يدلنى الاقى فين منتجات turtle wax فى مصر

و لو مش موجوده , ايه البديل المناسب و الافضل


دى الحاجات الى عايز اشتريها

فوطه مايكرو فايبر
سفنجه غسيل
سفنجه تشميع
كومباوند
بوليش
واكس

[romieh]

ممكن تلاقيها فى On The Run

بس ممكن ماتلاقيش Turtule Wax

انا بجيب على طول منه Formula 1

[miah]

ممكن تلاقيها فى On The Run

بس ممكن ماتلاقيش Turtule Wax

انا بجيب على طول منه Formula 1

فى فرع معين بتجيب منه

انا عديت على كذا فرع و ملقيتشى Turtule Wax او Formula 1

[ibn_seena]

اسو مدينة نصر. .. شارع الطيران. بجوار منصور شيفروليه
هتلاقي ان شاء الله كل الحاجات دي عندهم
انا جبت منهم واكس فورميولا
وكان عندهم ملمع تابلوه وجلد وتقريبا ترتل واكس. . وانواع كمباوند كتيرة والفوط دي انا مش عارف شكلها عامل ازاي بس كان عندهم علبة اسطوانيه كده فيها كذا فوطة يمكن تكون دي فوط ميكرو فايبر. ..عموما روح وهتلاقي اللي انت محتاجه باذن الله

[romieh]

بص انا كنت من حوالى 3 ايام فى الماركت بتاع بنزينة التعاون اللى فى ميدان هليوبليس فى مصر الجديدة

هما عاملين ماركت متخصص لأدوات كماليات السيارات

ده أكيد هتلاقى فيه اللى انت عايزه

لو مالقيتش هتمشى فى شارع الحجاز اتجاه المحكمة هتلاقى بنزينة موبيل وجواها On The Run

ده اللى أنا بشترى منه على طول

بس الاول روح لبتاعة التعاون علشان ممكن تلاقى أنواع تانية

[akmm]

كل ده صح ولكن التوفيقيه التوفيقيه فيها كل حاجه واسعار اقل .