صيانة ال 40 الف فيها تغيير سيور و سير كاتينة ؟؟؟

[CryptonX]

السلام عليكم

العربية الحمد الله كملت 41 الف كيلو .. و انا كنت مطنش موضوع الصيانة لحد اول الشهر لما نقبض .

المهم نويت اخلصها الاسبوع ده

فاتلصلت بالمهندس الي اعرفه في التوكيل علشان اعرف منه ايه المطلوب تغييره
علما باني مش بعمل حاجة في التوكيل .. انا بعرف منهم و اطلع اشتري من برة و اركب مع الميكانيكي بتاعي .

المهم قالي لستة طويييييييييييلة اوي ! و كل مسال حد يقولي لأ دي كدة 60 مش 40 ! فايه رايكم ؟

و راي اصحاب السيينا والبونتو كمان بالاضافة الي باقي الانواع علشان اقارن .

اللستة ! :

- سير كاتينة
- بلية كاتينة
- طقم سيور
- بوجيهات
- فلتر هواء
-فلتر بنزين
-فلتر زيت
- زيت
- فحص الفرامل ( حالة التيل )
- زيوت الباور و الفرامل ( زيادة في حالة النقصان )


المهم اللستة دي كلها من غير تيل الفرامل قالي تعملها حوالي 1600 - 1800 بالمصنعيات .

طبعا انا عارف ان السعر غالي بس مش فارقة معايا انا مش حشتري حاجة من عندهم .
بس الفكرة هل فعلا بنغير السيور و سير الكاتينة في صيانة ال 40 ؟؟؟

[NaderNabil]

هاقوللك علي حل لذيذ جدا!!

ص علي الكتالوج بتاع العربية....بيبقي فيه الservice intervals بالكامل...و هتلاقي ان عندهم الحاجات ديه بتتغيير عند ال 80 مش ال 40:)

هو كل اللي انت كاتبه يتغير ماشي...لكن السيور و البلي لأ و ألف لأ....

[CryptonX]

هاقوللك علي حل لذيذ جدا!!

ص علي الكتالوج بتاع العربية....بيبقي فيه الservice intervals بالكامل...و هتلاقي ان عندهم الحاجات ديه بتتغيير عند ال 80 مش ال 40:)

هو كل اللي انت كاتبه يتغير ماشي...لكن السيور و البلي لأ و ألف لأ....

منا عارف السيور هي الي مجنناني :)

بس الكتالوج ضــــــــــــاع من زمــــــــــان XD

[NaderNabil]

طب شوف أي حد تعرفه عنده عربية من نفس النوع...أو فيها نفس الموتور...السيينا مثلا..

أو اسأل علي Fiat Forum..أكيد هيجاوبوك.

[mohamed ibiza]

والله يا كيمو انا هقولك رأيي احنا لما عملنا تاني و اخر صيانة في حياة الابيزا كانت عاملة 42657 كيلو غيرو زيت موتور و فلتر و سير كاتينة و اختبار عفشة و عموما السيور بتتغير علي 40 الف خصوصا سير الكاتينة متهملش فيه زي واحد صاحبي معاه كوردوبا سابه و فجأه ضرب و كلفه طقم صبابات ب 2800 جنيه!! و اللسته بتاعة الصيانة بصراحة مش شايف فيها حاجة مبالغ فيها انا رأيي اتوكل علي الله و ربنا يوفقك

[mohamed ibiza]

نسيت اقولك معلش متغيرش البلية

[CryptonX]

والله يا كيمو انا هقولك رأيي احنا لما عملنا تاني و اخر صيانة في حياة الابيزا كانت عاملة 42657 كيلو غيرو زيت موتور و فلتر و سير كاتينة و اختبار عفشة و عموما السيور بتتغير علي 40 الف خصوصا سير الكاتينة متهملش فيه زي واحد صاحبي معاه كوردوبا سابه و فجأه ضرب و كلفه طقم صبابات ب 2800 جنيه!! و اللسته بتاعة الصيانة بصراحة مش شايف فيها حاجة مبالغ فيها انا رأيي اتوكل علي الله و ربنا يوفقك

طب و الاسعار الي في اللستة دي كويسة ؟ 1800 جنيه ؟ولا اجيبهم من برة ؟؟

[mohamed ibiza]

طب و الاسعار الي في اللستة دي كويسة ؟ 1800 جنيه ؟ولا اجيبهم من برة ؟؟

بس انا معرفش اسعار القطع في عربيتك غالية ولا عادية بس بصراحة انا شايف ان الاسعار عالية يعني بوجيهات و فلاتر و سير كاتنية و طقم سيور و زيت موتور كتير اوي اوي علي الحاجات دي 1800 جنيه يعني حاجاة هايفة يعني سيور فلاتر زيت موتور البلية ممكن تكون سعرها عالي شوية بس برضه مش كده انا رأيي هات الحاجة من برا لان قطعا التوكيل اسعارة ولعة يعني عندك مثلا في الهندسية بيبيعوا تيل فرامل الليون ب 385 جنيه بينما موجود برا ب 170 جنيه!! شايف الفرق عامل ازاي انا لو مكانك هجيبهم من برا عشان كمان العربية متفرتكش المرتب و تكرهها:embarrassed2:

[CryptonX]

بس انا معرفش اسعار القطع في عربيتك غالية ولا عادية بس بصراحة انا شايف ان الاسعار عالية يعني بوجيهات و فلاتر و سير كاتنية و طقم سيور و زيت موتور كتير اوي اوي علي الحاجات دي 1800 جنيه يعني حاجاة هايفة يعني سيور فلاتر زيت موتور البلية ممكن تكون سعرها عالي شوية بس برضه مش كده انا رأيي هات الحاجة من برا لان قطعا التوكيل اسعارة ولعة يعني عندك مثلا في الهندسية بيبيعوا تيل فرامل الليون ب 385 جنيه بينما موجود برا ب 170 جنيه!! شايف الفرق عامل ازاي انا لو مكانك هجيبهم من برا عشان كمان العربية متفرتكش المرتب و تكرهها:embarrassed2:

تيل الفرامل في التوكيل ب 330 جنيه برة ب 120 جنيه

المساعدين ب 1400 جنيه برة ب 600

طقم الدبرياج كامل ب 1250 جنيه برة ب 500 جنيه

فعلا خلينا برة :)

شكرا يا محمد :)

[mohamed ibiza]

لا شكر علي واجب يا باشا:)

[MMamdouh]

فى الدايو انا بغير سير الكاتينة كل 40 لكن الشداد بغيرة كل 80

اللستة منطقية فيما عدا البلى بتاع الشداد عشان دة بيعيش كتير... الحل الامثل انك تجيب شداد احتياطى و لو طلع الشداد بتاعك سليم رجع اللى انت اشتريتة

MMamdouh

[zeyad1810]

مبروك و عقبال ال 200000 كيلو
مبدئيا سيبك من التوكيل خاااااااااااااالص واشترى الحاجة من برة وهتوفر كتير جدا لان التوكيلات عندنا استغلالى اوى والشعب بتاعنا هو اللى بيخليهم يزودوا فى الاستغلال لما بيشتروا منهم
بالنسبة للى يتغير :-
- سير كاتينة مهم جدا جدا جدا لان لو اتقطع هيدخلك فى شغلانة زرقا زى مقالك محمد ابيزا
- طقم سيور مهم وراحة بال علشان مفيش سير يقل معك ويقطع
- بوجيهات
-فلتر بنزين
-فلتر زيت
- زيت
- زيوت الباور و الفرامل ( زيادة في حالة النقصان )

والحاجات اللى فوق دى ماعتقدش انها تعمل مبلغ كبير لانها حاجات كلها مش مكلفة

- فلتر هواء ممكن تنضفة بالهوا وتركبة تانى لو حالتة كويسة
- فحص الفرامل ( حالة التيل ) ممكن تسنفر التيل وتركبة تانى طالما شغال

[CryptonX]

فى الدايو انا بغير سير الكاتينة كل 40 لكن الشداد بغيرة كل 80

اللستة منطقية فيما عدا البلى بتاع الشداد عشان دة بيعيش كتير... الحل الامثل انك تجيب شداد احتياطى و لو طلع الشداد بتاعك سليم رجع اللى انت اشتريتة

MMamdouh

الف شكر يا MMamdouh
انا حروح بكرة للراجل بتاعي في دمشق و اشوف الاسعار ان شاء لله

مبروك و عقبال ال 200000 كيلو
مبدئيا سيبك من التوكيل خاااااااااااااالص واشترى الحاجة من برة وهتوفر كتير جدا لان التوكيلات عندنا استغلالى اوى والشعب بتاعنا هو اللى بيخليهم يزودوا فى الاستغلال لما بيشتروا منهم
بالنسبة للى يتغير :-
- سير كاتينة مهم جدا جدا جدا لان لو اتقطع هيدخلك فى شغلانة زرقا زى مقالك محمد ابيزا
- طقم سيور مهم وراحة بال علشان مفيش سير يقل معك ويقطع
- بوجيهات
-فلتر بنزين
-فلتر زيت
- زيت
- زيوت الباور و الفرامل ( زيادة في حالة النقصان )

والحاجات اللى فوق دى ماعتقدش انها تعمل مبلغ كبير لانها حاجات كلها مش مكلفة

- فلتر هواء ممكن تنضفة بالهوا وتركبة تانى لو حالتة كويسة
- فحص الفرامل ( حالة التيل ) ممكن تسنفر التيل وتركبة تانى طالما شغال

الف شكر يا زياد باشا

بالنسبة للفلتر انا مركب فلتر سبورت اصلا .. بس عايز اغيره فحغيره بالمرة
التيل لسة جديد ( معملش 10 )

انا بروح لواحد اسمه مهدي في شارع دمشق راجل زي العسل كدة :) الف شكر ليك مرة تانية .

[elpasha009]

أستاذ CryptonX أنا هقولك على اللي أعرفه في عربيتي (لانسر 2007):
مبنعمل اللسته اللي حضرتك كاتبها ديه في صيانات 80 ألف وممضاعفتها (ده كلام كتيب الصيانة والتوكيل).
لكن صيانة 40 ألف ومضاعفتها بنعمل كل اللسته ماعدا:
-سير كاتينة
- بلية كاتينة
- طقم سيور

ونصيحة أخيرة التوكيل عندنا بيبيع البوجيهات NGK العادية ب100 جنيه في كون أنا رحت جبت بوجيهات بلاتينيوم من توكيل NGK في المعادي ب90 جنيه:) علشان كده حاول على قد ماتقدر تجيب الحاجات الأصلي من برة التوكيل لو هتضمن إنها أصلي.

[فادى]

حسب نوع العربية يا كريم و مواصفاتها.
أنا عندى المفترض انى أغير سير الكاتينة كل 40 ألف, و بقية السيور (سير الدينامو, التكييف, الباور) عند 80 الف, لكن انا غيرتهم كلهم عند 40 الف لأن من الأفضل تغيير الكاوتش كله مع بعض.
على العموم سير الكاتينة طبيعى انو يتغير عند 40-50 الف فى معظم السيارات ده لو أصلى, و بص على الكتالوج هتلاقى ميعاد تغييره, سير الدينامو يفضل انو يتغير معاه, سير الباور و التكييف نفضلهم لحد 80 الف او لحد ما يتقطعوا أيهما أقرب, و ده الى انا بعمله:).
لاحظ انك لو حطيت سير مش أصلى يفضل انك تغيره عند فترة أقل 30 الف مثلا أو 25 الف.
الليستة منطقية ماعدا بلية الكاتينة, ديه مبتتغيرش الا لو باظت.
الفلاتر طبيعى بتتغير أقل من 40 الف, و البوجيهات كل 10-20 الف بس البوجيهات ممكن تسيبها لو العربية كويسة.
أهم حاجة طبعا سير الكاتينة لأن ده لو اتقطع يجيبلك صمامات, و سير الدينامو لأنه لو اتقطع طرمبة المياه مش هتشتغل و مش هتعرف تمشى بالسيارة.
و ممكن تنفض لأى حاجة فى الليستة ماعدا سير الكاتينة ده حياة أو موت :).