استشارة فى فرامل ال 127

[help4me]

السلام عليكم و رحمة الله و بركاته
من يومين كنت باعمل شغل فى العفشة و الصنيعى لما حل العجلتين اللى ادام قاللى لازم تغيرى خرطومين الفرامل اللى قدام علشان حيقطموا خلاص
المهم رحت عند بتاع الفرامل و واحد اول مرة اتعامل معاه بس ناس شكروا فيه
المهم لما حل العجل الامامى قاللى ان خرطوم الفرامل عايز يتغير ( ب 40 الاتنين ) و تيل الفرامل ( 70 جنيه ) و طقم استيك ( 20 ) و اخد مصنعية 30
المهم انا قلت له طيب شوفى العجل الخلفى
قاللى انه محتاج برده تيل ب ( 70 ) و الطنابير تروح للخراط ب (15 ) و حاجات تانية مش فكراها المهم داخلة بردة فى 200 جنية او حاجة كده
على فكرة انا تقريبا ما غيرتش حاجة فى الفرامل من حوالى سنة
بس مش عارفة اروحله يكمل شغله و لا ده كده بيفتح عليه و خلاص
ارجو الافادة و ربنا يسلم طريقكم جميعا

[help4me]

لا حول ولا قوة الا بالله العلى العظيم
و لا حتى رد واحد و لو حتى دعاء

[help4me]

برجاء الافادة لو سمحتم

[aliyehia]

الشغل الى اتعمل فى الفرامل مش حيخسر و اهم حاجه انك على الاقل ماشيه متطمنه
الاسعار معقوله و مش غاليه
ربنا يستر طريقك

[help4me]

جزاكم الله كل خير و شكلها كده لازم اروحله تانى علشان يعمل الفرامل اللى ورا و ربنا يجيب العواقب سليمة

[mmebied]

من خبرتي المتواضعة
لازم تشوفي منظومة الفرامل كلها .. عشان تطمني
يعني أول حاجة لما بدوسي على بدال الفرامل بتفرمل العربية ولا ايه اللي بيحصل بالظبط

[magedmega]

الراجل دة غالى انا كنت جايب طقم تيل فرامل قدام ب 40 جنية نصيحة شوف حد تانى

[aw2100]

على فكرة خرط الطنابير غلط من الافضل شراء طنابير جديدة مع طقم تيل قباقيب خلفى وبالنسبة لل 127 فرامل ورا مهم جدا علشان فى الفرامل القوية شنطة العربية بتتحدف لقدام لو الفرامل ضعيفة بالعجل الخلفى ودة لان العربية خفيفة الوزن

[swimmer25]

السلام عليكم و رحمة الله و بركاته
من يومين كنت باعمل شغل فى العفشة و الصنيعى لما حل العجلتين اللى ادام قاللى لازم تغيرى خرطومين الفرامل اللى قدام علشان حيقطموا خلاص
المهم رحت عند بتاع الفرامل و واحد اول مرة اتعامل معاه بس ناس شكروا فيه
المهم لما حل العجل الامامى قاللى ان خرطوم الفرامل عايز يتغير ( ب 40 الاتنين ) و تيل الفرامل ( 70 جنيه ) و طقم استيك ( 20 ) و اخد مصنعية 30
المهم انا قلت له طيب شوفى العجل الخلفى
قاللى انه محتاج برده تيل ب ( 70 ) و الطنابير تروح للخراط ب (15 ) و حاجات تانية مش فكراها المهم داخلة بردة فى 200 جنية او حاجة كده
على فكرة انا تقريبا ما غيرتش حاجة فى الفرامل من حوالى سنة
بس مش عارفة اروحله يكمل شغله و لا ده كده بيفتح عليه و خلاص
ارجو الافادة و ربنا يسلم طريقكم جميعا

فعلا الحاجة غالية...جيبي الحاجة بنفسك من محل قطع غيار
2 خرطوم تقريبا في حدود 30
تيل امامي (تركي) في حدود 45
طقم استيك تقريبا 15

بالنسبة للفرامل الخلفية....انتي بتحسي ان دواسة الفرامل واطية؟هل فرامل اليد شغالة؟

بالنسبة للطنابير الخلفية...لو متعملش ليها خراطة قبل كده ينفع تتخرط
لكن لو اتعمل فيها خراطة غيريها أحسن وهاتي تيل جديد كامل
(طنابير+تيل كله جديد وده الافضل عشان تنسيهم خالص)
الطنابير ايطالي وطقم تيل بس مش فاكر كانت بكام بصراحة
بالمرة غيري الخراطيم الخلفية لو قديم اوي وعمره ما اتغير

متنسيش تجربي العربية وفرامل اليد ومتجريش جامد لان الفرامل كلها هتكون لسه بتطبع

[maka]

هى ال 127 ليها تيل خلفى جديد ؟؟

[swimmer25]

هى ال 127 ليها تيل خلفى جديد ؟؟

مادام ال 128 ليها يبقي ال 127 أكيد ليها

[help4me]

جزاكم الله كل خير على الردود
الحقيقة انا كان بقاللى فترة بعد ما عملت الفرامل الاماى حسيت العربية فراملها ضعيفة لدرجة انى حسيت انها بتهدى بس و مش بتمسك
المهم من يومين روحت لحد تانى جنبنا و غيرلى تيل الفرامل الخلفى ب 65 و طقم كاوتش او جلب حاجة كدة ب 25 و اخد مصنعية 30 يعنى كله 120
المهم العربية احسن من الاول و حاسة فرامل اليد بتمسك عن الاول و ربنا يسلم لنا الطريق جميعا

[YaSSerwIN]

هى ال 127 ليها تيل خلفى جديد ؟؟

127 مالهاش تيل خلفى جديد لاكن عن كل بتوع الفرامل بيبقا عندهم الخام بتاع التيل وبيعمله على مقاس التيل القديم ودة بعد مايشيل بواقى التيل القديم

التيل الامامى ب 30 جنية
التيل الخلفى من 60 الى 70 جنية

لازم بتاع الفرامل يكشف على سيرفو الفرامل لا فيها سيرفو
لازم يكشف على الماستر العمومى لان معظم مشاكل الفرامل بتبقا بسببه وبيبقا باين جدا لما تدوسى على دواسة الفرامل وتلاقيها بتنزل لوحدها مرة واحدة

الماستر العمومى ب 70 جنية

[مواطن مصرى]

2 خرطوم تقريبا في حدود 30
تيل امامي (تركي) في حدود 45
طقم استيك تقريبا 15

تيل الفرامل فى حدود 40 لكن واضح ان الراجل ملى التيل مجابش تيل جديد .. ملو التيل وصل 60 و 70 جنيه ..

الخراطيم التركى و الاوروبى الواحد بـ 20 -25 جنيه و الصينى هو اللى بعشره و 15

بالنسبة للطنابير الخلفية...لو متعملش ليها خراطة قبل كده ينفع تتخرط
لكن لو اتعمل فيها خراطة غيريها أحسن وهاتي تيل جديد كامل
(طنابير+تيل كله جديد وده الافضل عشان تنسيهم خالص)

لو الطنابير مخروطه قبل كده حرام تتخرط تانى .. اهم حاجه فى الـ 127 هى الفرامل الخلفيه و ارجوك ما تستهونش و تسترخص فيها .. هات اعلى طنابير فى السوق ..

التيل الخلفى بيتملى .. صعب تلاقى جديد ماعدا الصينى ...

و يا سلام لو غيرت الماستر العمومى بماستر ايطالى استيراد او بماستر تركى جديد .. الفرامل هاتختلف ادائها 100% للاحسن ...

و طبعا ما تنساش تغير زيت الفرامل بزيت dot 3 و ركز على 3 دى لان كل الموجود دلوقتى dot 4 و ايام الـ 127 مكانوش اخترعوه لسه ..

[swimmer25]

جزاكم الله كل خير على الردود
الحقيقة انا كان بقاللى فترة بعد ما عملت الفرامل الاماى حسيت العربية فراملها ضعيفة لدرجة انى حسيت انها بتهدى بس و مش بتمسك
المهم من يومين روحت لحد تانى جنبنا و غيرلى تيل الفرامل الخلفى ب 65 و طقم كاوتش او جلب حاجة كدة ب 25 و اخد مصنعية 30 يعنى كله 120
المهم العربية احسن من الاول و حاسة فرامل اليد بتمسك عن الاول و ربنا يسلم لنا الطريق جميعا

كده تمام الف مبروك