عندى مشكلة وعايز مساعدة الاعضاء الكرام

[khaled112004]

انا عندى عربية نوبيرا موديل 2001 عربية خليجى ولما جيبتها كانت عاملة 115 الف كيلو والعربية كانت فى مشيها زى الحرير وكنت مش بحس بأى مطب ابداااااا
من حوالى 5 شهور بدأت العفشة تتعب واحس بالنقر اللى موجود فى شوارعنا الجميلة واحس جدا برزع جامد بالذات لما اكون ماشى على عين القطة
المهم عشان مطولش على حضراتكم
قلت اعمل عفشة كاملة من الالف الى الياء
اشتريت 4 مساعدين مونرو من لهيطة فى التوفيقية ب 1350
واشتريت كمان 4 سوست GM من واحد حبيبى فى التوفيقية بردو ب 110 جنية
واشتريت بارات دركسيون ctr
غيرت كمان عدد 2 قاعدة موتور GM من عند ابو الحسن لانهم كانوا بايظين ومقطوعين بس مشفتش الشداد سليم ولا بايظ للاسف
وجيبت دشم عدد 2 جانب ( اللى هما الدشم بتاعة الفرامل والطنابير والتيل ) جيبتهم استيراد الواحد ثمنة 200 جنية
وغيرت الكلام دة كلة عند العفشجى والعربية بقت زى الفل فى كل حاجة لكن ما زلت اشعر برزعة جامدة وانا ماشى على عين القطة بالذات مع انى اول لما جيبت العربية مكنتش كدة
انا عايز اعرف هل فى حاجة تانى ممكن تتعمل عشان العربية ترجع تانى زى ما كانت
واسف على الاطالة وارجوا سرعة الافادة
وشكرا

[zrzr1]

الصوت دا مش بيبنا غير علي عيون القطط؟ ولا ممكن يظهر ف الحتت المكسره لو ماشي ع الهادي

[Abo Yasso]

متابع

[aymn2003]

علبة الدركسيون غالبا هى المسئولة عن هذا العيب

[khaled112004]

الصوت دا مش بيبنا غير علي عيون القطط؟ ولا ممكن يظهر ف الحتت المكسره لو ماشي ع الهادي

طبعا اكتر حاجة الصوت بيظهر على عيون القطة لو ماشى على سرعة ما بين 30 كيلو و50 كيلوا تسمع صوت رزعة جامدة جدا فى العربية لكن لو ماشة هادى جداااا انا بسمع صوت المساعدين بتبقى طرية وجميلة جدااا وبتسمع صوت الهواء طالع من المساعد
وكمان لو ماشى فى حتة مكسرة بيبقى فى رجة فى العربية او بحس بالمطب فى الدركسيون وانا ماشى

[khaled112004]

متابع

[khaled112004]

طيب اية العربية عمالة بتخبط

[khaled112004]

يا جماعة انا قربت ابيع العربية حد يرد على اخوكم

[zrzr1]

دي سكاترا يا باشا والله اعلم لأن انت مغير كل حاجه ف العفشه تقريبا كدا

[khaled112004]

دي سكاترا يا باشا والله اعلم لأن انت مغير كل حاجه ف العفشه تقريبا كدا

فعلا يا باشا طلعت سكاترا وجيبت واحدة استيراد والحمدلله العربية بقت تمام واشكر كل من رد عليا

[akmm]

هايل
................