إعـــــــلان

Collapse

.

,
See more
See less

تنظيف دورة البنزين ورشاشات الانجكشن

Collapse
X
 
  • Filter
  • الوقت
  • Show
Clear All
new posts

  • تنظيف دورة البنزين ورشاشات الانجكشن

    السلام عليكم ورحمه الله وبركاته
    يا شباب:
    اما دخلت المنتدى الكريم هنا ، عرفت معلومات وحاجات اول مرة اعرفها ، اشكركم عليها
    فقريت عن حاجة اسمها دورة تنظيف البنزين و الرشاشات للانجكشن
    وكنت ناوى اعملها ان شاء الله
    بس قريت ردود ناس بتقول ان العربيه لو متعملش فيها كده خالص من ساعت ما اتجابت وعربيه قديمه ، فالموضوع ده ميتعملش عشان ببساطه العربيه خلاص عملت ترسبات من البنزين وغيرو
    فالمنظف ده هيخلى الترسبات تدخل ف الفلاتر وتسدها وهتبوظ مش هتصلح..

    فأنا عمرى ما عملت الموضوع ده ف العربيه عندى
    ومعرفش اللى انا شاريها منه كان بيعملها ولا لأ

    فالسؤال هنا: ينفع انى اعمله للتنظيف والصيانه؟ وانتظم كل فتره انى اعمله ؟ ولا طالما معملتهوش يبأ معملش الموضوع ده خالص؟
    فيريت تفيدونى ف الموضوع ده عشان مهم بالنسبالى اوى

    العربيه كيا ريو 2002 ماتور 1500 ماشيه 145 الف ، كنت بحطلها بنزين 80 لفتره 8 شهور تقريباً ، وحالياً بمون 92 فبسأل عشان عايز انضف مكان اثار البنزين ال 80
    وصيانه يعنى من غير ما يكون فيه مشاكل

    فيريت تفيدونى

  • #2
    باشا عمليه التنضيف بتكون قبل تغيير فلتر البنزين مباشره لان الرواسب هاتملاه بالفعل واحسن نوع منظف هو كاربكلينر والعلبه لونها اصفر وتمنها من 25 الي 30 جنيه
    سبحان الله وبحمده.....سبحان الله العظيم

    Comment


    • #3
      ينصح باستعمال المنظفات عامة قبل تغيير فلتر البنزين والزيت والمواد المجربة والمترشحة هى :

      All Fuel system cleaner وده يستعمل كل 10000 كم.
      max44 وده يستعمل كل 7000-8000 كم

      وده بيتحط والتنك فيه الربع تقريبا وتفول وتعمل مشوار طويل ويستحسن على طريق سفر وتحرق شوية على الغيارات وبعدين تغير فلتر البنزين وتغير الزيت والفلتر.

      ملجوظة : الكارب كلينر : ده للعربيات الكاربيراتير مش الانجكشن.
      [marq="3;right;3;scroll"]لا حول ولا قوة الا بالله العلى العظيم
      [/marq]

      Comment


      • #4
        الف شكر ليكم يا جماعه
        طمنتونى
        وهعمل عملية التنظيف ديه قريب ان شاء الله

        بس عندى كام استفسار بعد اذنكم :)
        1.بعد ما يكون التانك فيه الربع واحط عليه علبه المنظف وبعدين افول ف البنزينه ، امشى مشوار اد ايه؟
        يعنى معدل كام كيلو ، بس غير طريق السفر لان مش معايا دفتر ، يعنى همشى ف البلد ف وقت رايق ع طرق واسعه وهشد ع الغيرات فمثلاً امشى معدل كام كيلو عشان اظبط ع العداد ؟ يعنى مثلاً 30 ك ولا 40 ك ؟ فيريت اعرف ؟؟

        2.طبعاً انا هرجع اركن العربيه ولسه هيكون فيها بنزين كتير وبردو منظف ، فعادى اما اركن العربيه وفيها المنظف والبنزين ، ولا غلط مثلاً؟

        3.انا مش بمشى كتير بالعربيه ، يعنى ممكن اسيب العربيه مركونه يوم او يومين بالكتير ، فعادى لو سبت العربيه مركونه وفيها بنزين وفيه المنظف ؟؟ ولا لازم اخلص البنزين اللى ف العربيه ف اسرع وقت

        4.لو حطيت النوع ده اللى بيتحط كل 10000 ك : All Fuel system cleaner
        لازم اغير زيت الماكنه؟ والفلتر؟ ولا ده منظف لدورة البنزين والانجكشن بس؟

        ومعلش يا جماعه لو اسئلتى غريبه
        لانى متبدأ ومش عايز اعمل حاجة تبوظ يعنى ، فعايز افهم واكون عارف انا بعمل ايه
        فيريت تفيدونى والف شكر ليكم بجد

        Comment


        • #5
          المشاركة الأصلية كتبت بواسطة Riolover مشاهدة المشاركة
          الف شكر ليكم يا جماعه
          طمنتونى
          وهعمل عملية التنظيف ديه قريب ان شاء الله

          بس عندى كام استفسار بعد اذنكم :)
          1.بعد ما يكون التانك فيه الربع واحط عليه علبه المنظف وبعدين افول ف البنزينه ، امشى مشوار اد ايه؟
          يعنى معدل كام كيلو ، بس غير طريق السفر لان مش معايا دفتر ، يعنى همشى ف البلد ف وقت رايق ع طرق واسعه وهشد ع الغيرات فمثلاً امشى معدل كام كيلو عشان اظبط ع العداد ؟ يعنى مثلاً 30 ك ولا 40 ك ؟ فيريت اعرف ؟؟

          هو يستحسن تخلص التفويلة او تخلص على الاقل 2/3 التنك.

          2.طبعاً انا هرجع اركن العربيه ولسه هيكون فيها بنزين كتير وبردو منظف ، فعادى اما اركن العربيه وفيها المنظف والبنزين ، ولا غلط مثلاً؟

          -مفتكرش لو المنظف والبنزين باتوا ليلة فى العربية هتعمل مشكلة ولكن برده النصيحة انك تغير الفلاتر والزيت بعد اول تنضيفة بالمنظف.

          3.انا مش بمشى كتير بالعربيه ، يعنى ممكن اسيب العربيه مركونه يوم او يومين بالكتير ، فعادى لو سبت العربيه مركونه وفيها بنزين وفيه المنظف ؟؟ ولا لازم اخلص البنزين اللى ف العربيه ف اسرع وقت

          يستحسن فى اسرع وقـت.

          4.لو حطيت النوع ده اللى بيتحط كل 10000 ك : All Fuel system cleaner
          لازم اغير زيت الماكنه؟ والفلتر؟ ولا ده منظف لدورة البنزين والانجكشن بس؟

          عشان بيترشح ترسبات ورصاص فى الموتور والزيت مع استهلاك العربية فنصحت بعض المواقع الاجنبية بتغيير الفلاتر عموما مع كل تنضيفة للدورة..

          وعلى فكرة المنظف لكل 10000 اسمه Stp Fuel system cleaner وتمنه حسب المكان 65-73 جنيه.

          ومعلش يا جماعه لو اسئلتى غريبه
          لانى متبدأ ومش عايز اعمل حاجة تبوظ يعنى ، فعايز افهم واكون عارف انا بعمل ايه
          فيريت تفيدونى والف شكر ليكم بجد
          [marq="3;right;3;scroll"]لا حول ولا قوة الا بالله العلى العظيم
          [/marq]

          Comment


          • #6
            الف شكر ليك يا استاذ ايمن
            متشكر ليك جداً

            Comment


            • #7
              يا افندم لا شكر على واجب.
              [marq="3;right;3;scroll"]لا حول ولا قوة الا بالله العلى العظيم
              [/marq]

              Comment


              • #8
                انا بقى حكايتى حكاية العربية دوجان 1996 وبتحط 80 من 3 سنوات خايف من الرواسب اللى اكيد مالية التنك
                هل يفضل فك التانك وتنظيفة اولا ... واية خطورة الخطوة دى يعنى ممكن الميكانيكى يعك جامد
                هل يفضل تغيير البوجيهات بعد التنظيف
                اية رايكم فى منتجات ليكو مولى ؟
                اسف على الاطالة وشكرا مقدما

                Comment


                • #9
                  متابع ..............
                  :36_2_55[1]:

                  Comment


                  • #10
                    متابع

                    Comment


                    • #11
                      مفيش رد لية يا جماعة

                      Comment


                      • #12
                        فى فرق بين تنظيف دورة الوقود والرشاشات
                        وتنظيف الموتور نفسه

                        الاولى تتعمل فى اى وقت (يفضل تتعمل دوريا) (وقاية خير من العلاج)
                        التانية هى اللى متتعملش فى المواتير القديمة
                        عشان الماتور من جوه بيبقى فيه ترسبات ومخلياه يشتغل كويس
                        لو نظفته بالسائل ده (اسمه ماتور فلش) هينظف الموتور من هذه الشوائب
                        وبالتالى هيظهر الخلوص بين الشنبر والشمايز (تاكل الشنبر بيحصل نتيجة الاحتكاك ) (مع الكيلوهات الكتير )
                        والعربية تاكل زيت
                        واى استفسار انا موجود :)

                        Comment


                        • #13
                          المعلومة اللى أقدر أضيفها: بلاش تستخدم All Fuel system cleaner لإنه بينضف مواسير دورة البنزين و الشركة كاتبه تحذيرات على العلبة إنه لا يفضل إستخدامة على فترات متقاربة فأعتقد تركيبته مختلفة عن Fuel Injector cleaner
                          عموماً لو مواظب على الصيانات الدورية أنصحك تستخدم الثانى بس كل 5000 كيلو لإن الأول شكله يقلق شوية
                          و بالنسبة لإستخدام منظف الإنجكشن فبيتحط على تفويلة كاملة و يفضل لو سفرية علشان الموتور يمشى على سرعات عالية و تستنى لما التنك يقرب يفضل و بعدين تفول
                          وللعلم منظف الإنجشكن عبارة عن مواد بترولية تسمى (مواد مشتتة) و كل وظيفتها إنها تفكك رواسب الكربون و الشموع من على المواسير و فونيات الإنجكشن و الصبابات و البوجيهات يعنى مش مادة كاوية و لا حاجة
                          إنما واضح إن مكونات منظف دورة الوقود عليه إضافات تانية

                          Comment

                          Working...
                          X