العربية بترعش جامدعند التبطيل

[وائل رفيق]

[font=Times New Roman]

[color=black][font=Arial Black]

أعزائى الأصدقاء أعضاء المنتدى
تحية طيبة منى لكم جميعاً حيث أنى مشترك جديد اليوم
وقد سعدت بانضمامى لأسرة المنتدى والذى دلنى عليه صديق وزميل عزيز وغالى على
عندى عربية هيونداى إكسل 1500 مو 97 وبقى لها فترة كل مابطلها تفضل تترعش وتترج قبل ما الموتور يبطل
قالوا كهربا زيادة، ضبطت الكهرباء أكتر من مرة وغيرت البوجيهات!
قالوا من البنزين، مونت 92 مافيش فايدة ، مونت 90 هديت شوية وبعدين رجعت تانى.
قالوا كربراتير عاوز يضظبط.
أرجو الإفادة من أهل الخبرة والدراية ولكم منى جزيل الشكر

[محمد ابراهيم 1]

الحركه دى فعلا حركه كهرا زياده لكن ممكن تكون طبله الكونتاك باظت وهى السبب والحل انك تجرب بطبله استعمال تانيه من غير تركيب يعنى توصيل الفيشه بس واذا اتصلحت هات لها طبله جديده احسن

[Abdallah]

جديدة معدتش عليا دى قبل كدة للاسف, بس عندى سؤال يمكن يكون ليه علاقة ...
العربية لما بتيجى تطلع من الثبات بيبقى فيها رعشة برضة ولا لاء؟؟؟
اخبار السحب ايه ؟؟؟
هل الكونتاك علق منك مرة مثلا وشلت المفتاح ومفصلش او ما شابه ؟

[hazem_khidr]

دي كهربا زياده مالهاش حل تني شوف ميكانيكي نضيف يظبط الكهربا و ان شاء الله حتتعدل و كمان لاحظ حتلاقيها بتاكل بنزين كمان زياده

[ahmed1981]

ممكن يكون عيب في الكونتاكت أو كهربا زيادة

[abdoulrhman]

بص ياخويا انت ممكن تعمل حركه سهله وانت تعرف (انت تجيب الفتيس علي التاني الكلام ده وانت مدور واكيد هتفضل دايس دبرياج المهم بعد كده تروح مبطل العربيه بعديها علي طول تشيل رجلك من علي الدبرياج وشوف العربيه هتمشي ولا لا لو مشيت ولو حتي سنتميتر يبقي الكهربا فيها مشكله والميكانيكي هيظبتهالك بس اهم حاجه وانت بتجرب يبقي قدامك الطريق فاضي طبعاً) وانت كمان ممكن تحسها وانت ماشي بالعربيه لو الكهربا فيها مشكله انت هتحسها هتسمع صوت تسقيف في الموتور وانت ماشي بالعربيه وربنا يكرمك ويكرمنا كلنا

[Driver]

الحقيقة كنت لسة متغدى ومعجبنيش اللفظ فمسحت المشاركة, يا ريت يا اخ درايفر تفهم كويس ان احنا هنا مش فى سويق ولا احنا قاعدين فى غرزة, فى بنات وحريم وناس محترمين بيدخلوا هنا وملوش لازمة نكتب كلام فارغ طالما مش هنفيد.
عدل بواسطتى
Abdallah

[mohamed yousry]

المشكلة دى ملهاش غير سببين اثنين......لأنها حصلت معايا قبل كدة فى الهيونداى القديمة مو95 اللى كانت معايا........
1-الكربراتير بايظ وبيدلوق بنزين كتير على الموتور ودة تعرفة انك تلاقى الموتور صوتة عالى كأنك دايس بنزين ....المفروض ان العربية وهى سخنة متسمعش صوت الموتور او يكون صوتة واطى قوى....ودة حلة تغير اكس وباب فى الكربراتير والافضل تشترى كربراتير استيراد...... او ممكن يكون جوان الحرارة اللى متركب تحت الكربراتير بايظ(بيخلى الكربراتير يدلوق بنزين يسخن العربية حتى بعد ما سخنت) ودة لازم يتغير(ثمنة 3 جنية)..... وهودة السبب الارجح لانة حصل معايا وغيرت كربراتير....(يعمل حوالى 400 او 500 جنية وتاخدة على تجربة اسبوعين)...
2-كهربة زايدة فى الموتور .....لكن حضرتك بتقول انك ظبطها.......واحسن تظبط الموتور بالكمبيوتر فى اى ورشة او بنزينة محترمة...

[bassam nagy]

دي كهربا زياده مالهاش حل تني شوف ميكانيكي نضيف يظبط الكهربا و ان شاء الله حتتعدل و كمان لاحظ حتلاقيها بتاكل بنزين كمان زياده

يخلية يشوف الاسبرايتير ويتاكد انوا مظبوط

[sab3aawy]

الظاهرة دى اسمها hot spots وانا لسة باعت موضوع كامل عليها على الساحة التعليمية، ودة الرابط بتاعه، يمكنك الإطلاع عليه للفائدة

http://www.nilemotors.net/Forum/viewtopic.php?p=34830

[sab3aawy]

عدل للتكرار

[ahmednagy]

معلش يا حماعة انا لية رائى تانى خالص هى مش مشكلة كهرباء و لا بنزين انا كان معايا هيوانداى اكسيل 1500 موديل 97 خليجى منت بحس بنافس الموضوع دة و لو ميشيت براحة تلاقى ال rpm عالى و صوت العربية عالى و لاما احى اباطل تلاقى العربية موتور شغال و بيرعش و بعديها تقف تعود 10 الى 30 ثانية كدة الموضوع بسيت اوى فى شداد البنزين قريب من العمة تحتها شوية كنت براجعاوة تانى بمفك كدة بس الحركة دى مكانتش بتحصل كتير بس لاما كانت بتحل كنت باقف على جنب و اسيب العربية دايرة و اقوم اواسع مجرى الشداد و يهدى صوت العربية تانى و الrpm ينزل هو بس المجرى بتاع الشداد عايز ينضف حاحاول اصور مكان المجرى و لبعتة لو قبلت اى حد من اصدقائى معاه اكسيل ان شاء الله

[sab3aawy]

مختلفناش يا أحمد، كمية البنزين الزائدة اللى كانت بتترمى فى غرفة الأحتراق عندك نتيجة لأن شداد البنزين عالى كانت بتسيب هباب متوهج جوة حيز الإحتراق هو الللى بيعمل hot spots ويخلى المحرك يفضل برعش بعد التبطيل، اونت لما كنت بتقفل الشداد بتقلل كمية البنزين الى داخل وتتيح فرصة للموتور انه يحرق كل الكربون اللى جواه وبعدين تبطله، وبالتالى اللى كان عندك هو برضه hot spots

[enginerringo]

هات البوجيهات الاصليه للعربيه لان البوجيهات الي مش مناسبه للعربيه بتكون سخنه لدرجه انها تخلي الموتور يفضل داير وبعدين ظبط كهربه العربيه وبعدين الكربيراتير
عقبال لما تجرب الخطوات دي لما تيجي تبطل العربيه بعد لما تقفل الكونتاكت دوس علي الاكسراتير علي الاخر دا بيدخل هواء كتير للاسطوانات بيساعد علي تبطيل المحرك