يا جماعة عندى مشكلة فى اوبترا ياريت تفدونى لو سمحتم

[hassaneng1989]

السلام عليكم
انا معايا اوبترا 2009 لسه شاريها من اسبوع ماشية 48000 كم
بس انا لما اشتريتها من صاحبها قالى انها عايزة ظبط زوايا وتربيط عافشة واغير التيل الفرامل الامامى
فعلن انا لما سوقتها لقيتها فيها حادفه شمال كدة
روحت صلحت الكاوتش فالراجل قالى انه ضايع وبلاش امشى عليه ياما وغيرلى مكانه وخلى احسن فردتين قدام
وبردوا فضلت تحدف وكمان زاد عليها رعشه فى الدركسيون
انا رصصت وروحت ظبط زوايا الراجل قالى العربية مافيهاش حاجة ومظبوطة وقالى غير مكان الكاوتش الى قدام وجرب بس انا لسه معملتش كدة
ممكن حد يفدنى الغلط فين قبل ما اتسرع واروح اجيب كاوتش يعنى العيب لو فى العفشة او اى حاجة تانية
واصلا معييش فلوس يكفى اغير الكاوتش وبعد كده الاقى الموضوع زى ما هو
فياريت حد يفدنى انا قريت موضوعات كتيره فيها شبه من حالتى بس كل واحد حلها بطريقة شكل
ارجوكم سعدونى

[Mohamed Fathy]

بص حضرتك عشان تختفى الرعشه والحدفه الشمال دى
1-ظبط الزوايا عشان متحدفش ولو مظبوطه يبقى الكاوتش مش مظبوط يعنى مثلا بدل الكاوتش اليمين مكان الشمال وشوف ولو ماشى فى طريق امشى فيه بالعكش نظرا لعدم وجود اى طريق سليم زى ما حضرتك عارف ولو لسه شوف علبه الدركسيون فيها بوش بقى ولا ايه
2- الرعشه بقى حضرتك دى فيها حاجتين عشان تتحل : لو رصصت هتحل المشكله للرجه دى تماما طيب افرض متحلتش يبقى ايه يبقى اكيد الكاوتش فيه عالى وواطى ودى حلها لازم كاوتش جديد فحضرتك اعمل كل اللى فوق ده اتحلت المشكله اهلا وسهلا متحلتش يبقى اصبر كده شويه لحد متجيب كاوتشتين جداد وان شاء الله الموضوع هيختفى تمام
انا بقلك الأجابه دى عشان ده بجد نفش مشكلتك كانت معايا وفضلت اعمل خطوه خطوه والحمدلله موصلتش انى اجيب كاوتش جبت الجنطين اللى ورا قدام ورصصت فى المطار وظبطت زوايا والحمدلله
وإن شاء الله خير ومستنى حضرتك تتطمنى عملت ايه

[hassaneng1989]

الله ينور عليك وعلى سرعة الاجابة انا حجرب واقولك على طول انشاء الله

[Mohamed Fathy]

الله ينور عليك وعلى سرعة الاجابة انا حجرب واقولك على طول إن شاء الله

يافندم انا تحت امر حضرتك ولو عايز اى حاجه انا تحت امرك انا استفدت كتير من المنتدى ده ولازم كل واحد يعلم التانى عشان محدش يضحك علينا

[zezozezozezo]

كان عندى نفس الموضوع دة جيبت اللى شمال يمين وجيبت الييمين شمال الحفة بعد مكانت يمين بقيت شمال وعرفت ان العيب من الكاوتش قمت مرجع الفرديتن بتوع قدام فى الخلف وجيبت بتوع الخلف قدام ولما ربنا كرم غيرت الكاوتش ودة طبعا بيبقى حل مؤت لان الكاوتش الخلفى لو مش كويس بيبقى مش كويس فى الفرامل خالص

[dr.hazem]

بص حضرتك عشان تختفى الرعشه والحدفه الشمال دى
1-ظبط الزوايا عشان متحدفش ولو مظبوطه يبقى الكاوتش مش مظبوط يعنى مثلا بدل الكاوتش اليمين مكان الشمال وشوف ولو ماشى فى طريق امشى فيه بالعكش نظرا لعدم وجود اى طريق سليم زى ما حضرتك عارف ولو لسه شوف علبه الدركسيون فيها بوش بقى ولا ايه
2- الرعشه بقى حضرتك دى فيها حاجتين عشان تتحل : لو رصصت هتحل المشكله للرجه دى تماما طيب افرض متحلتش يبقى ايه يبقى اكيد الكاوتش فيه عالى وواطى ودى حلها لازم كاوتش جديد فحضرتك اعمل كل اللى فوق ده اتحلت المشكله اهلا وسهلا متحلتش يبقى اصبر كده شويه لحد متجيب كاوتشتين جداد وان شاء الله الموضوع هيختفى تمام
انا بقلك الأجابه دى عشان ده بجد نفش مشكلتك كانت معايا وفضلت اعمل خطوه خطوه والحمدلله موصلتش انى اجيب كاوتش جبت الجنطين اللى ورا قدام ورصصت فى المطار وظبطت زوايا والحمدلله
وإن شاء الله خير ومستنى حضرتك تتطمنى عملت ايه

كلام ممتاز...
بقي إضافة بسيطه لو الرجرجه مع دوسة الفرامل ممكن تكون الطنابير الأمامية سيئه

ومشاكل الحدفه لو بدلت اليمين شمال والشمال يمين يفترض الحدفه تتعكس لو متعكستش يبقى الزوايا هي المشكلة....
أحيانا العيب بيكون في الجنط نفسه ربيكون محتاج يستعدل....
تحياتي

Sent from my SE Arc S using Forum Runner

[Mohamed Fathy]

كان عندى نفس الموضوع دة جيبت اللى شمال يمين وجيبت الييمين شمال الحفة بعد مكانت يمين بقيت شمال وعرفت ان العيب من الكاوتش قمت مرجع الفرديتن بتوع قدام فى الخلف وجيبت بتوع الخلف قدام ولما ربنا كرم غيرت الكاوتش ودة طبعا بيبقى حل مؤت لان الكاوتش الخلفى لو مش كويس بيبقى مش كويس فى الفرامل خالص

نفس اللى حصل معايا وعملت كده

[Mohamed Fathy]

كلام ممتاز...
بقي إضافة بسيطه لو الرجرجه مع دوسة الفرامل ممكن تكون الطنابير الأمامية سيئه

ومشاكل الحدفه لو بدلت اليمين شمال والشمال يمين يفترض الحدفه تتعكس لو متعكستش يبقى الزوايا هي المشكلة....
أحيانا العيب بيكون في الجنط نفسه ربيكون محتاج يستعدل....
تحياتي

Sent from my SE Arc S using Forum Runner

تمام يافندم تسلم ايديك على الأفاده

[akmm]

هايل .............. منتدى محترم وكل اللى فيه ناس فاهمه ومتعاونه تحيه للجميع وخاصه للأستا\ كريم مؤسس المنتدى .