في حيرة من أمري بشأن المساعدين

[smsm_nabawy]

بسم الله الرحمن الرحيم

السلام عليكم

أخواني في الله .. و أعزائي على المنتدى!!

أنا مقبل على شراء طقم مساعديت مونرو......

قدامي زيت فقط
غاز فقط
زيت على غاز!!!

معروف عن الزيت أعطائه الأحساس بالراحة و أمتصاص أحسن للصدمات

معروف عن الغاز .. أمتصاص أقل للصدمات عن الزيت و لكن في المقابل ثبات أعلى عند المناورة!!

و معروف عن الغاز على الزيت أنه أما.. او ..
بمعنى "تكتلت مجموعة من الآراء.. على انه فكسان و ملهوش لازمة!!!"
و تكتلت الأخرى على أنه ,,,يجمع بين ده و ده!!

عامةً كل هذا مجرد أراااء!!

و لكني أفقتد للحكم السليم بسبب قلة خبرتي في التعامل مع أجزاء العفشة شخصياً

وفي حقيقة الأمر.. لما ركبت عربيات زيت فقط أو غاز فقط او زيت على غاز كان في أكثر من عامل ضدي
1-بعد الفترة الزمنية و ده خلاني مش فاكر التجربة أوي
2-أختلاف طريقة السواقة و معالم الطريق و تضاريسه

بالتالي الحكم غير عادل و المنافسة مش متساوية!!

و بامانة محستش بفرق بين ال 3


عايز رأيكم بمنتهى الأمانة و الأخلاص!!!

أيهم أحسن؟؟ و لماذا؟؟ و فيما يختلف هذا عن ذاك؟؟

"يمكن أنا سامع غلط.. منستبعدش :) "

[Mohamed Fathy]

متابع باهتمام :)

[akmm]

انا مركب مونرو غاز على زيت وهو كويس جدا وانقذنى فى تفادىكارو بالليل اعلى كوبرى فى ملف كانت راكنه وعملت غرزه قاسيه والعربيه كانت محمله ولم اشعر باى تعوييم او خلافه وطبعا فوق ده ستر الله تعالى واكيه كبيره زى مونرو عامله النوعيه دى للى زينا عوزين نعومه معتدله وثبات مقبول على العموم هى شركه منتجاتها محترمه

[Elawany13]

باشا انا لما اشتريت مساعدين مونرو اماميين للشاهين من اكثر من سنتين .. اللى كان موجود نوعين فقط ومش متصنفين زيت أو غاز أو زيت وغاز !!!
النوع الأول كان لموديلات 2004 ثم الأحدث وكان السوسته بتاعته قصيره وليه طبق وسعره كان حوالى 500 جنيه للجوز
النوع الثانى السوسته اللى بتركب عليه اطول للموديلات الأقل من 2004 .. وسعره كان 430 جنيه للجوز .. وده اللى انا اشتريته ...بضمان سنه
وبسم الله ماشاء الله ممتازين

[smsm_nabawy]

أيوا فعلاً العربيات الحديثة من 2004 و طالع الطبق بتاع المساعد بتاعهم مفلطح

و المساعد تحس أنه أقصر من القديم!!

و ده الي أنا عايزه!!

أنا من ساعت مجبتلها مساعدين سبور أستيراد و أنا ندمت!!! :(

[akmm]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[smsm_nabawy]

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بمعنى؟؟؟؟!!



أنا مستني لسه رد بقيت الأعضاء!!

[ahmed_h_g]

على فكره مفيش مساعدين غاز فقط
اللى موجود غاز وزيت أو زيت فقط




أنصحك تعمل معادله علشان تستفاد بأكبر قدر
تركب زيت أمامى وغاز وزيت خلفى
وأنصحك بالkyb أو توكيكو أو مونرو
أنا جربت الkyb والتوكيكو الأتنين تمام ومعنديش معلومات عن المونرو
أسمع أنه مساعد محترم لكن سعره غالى حبتين

[devil_soul2006]

بمعنى؟؟؟؟!!



أنا مستني لسه رد بقيت الأعضاء!!

باشا بعد اذنك هما المساعدين السبور دول مين بيبعهم فى اسكندرية وعايز اعرف يركبو ل 127 توب ولا لاء

[smsm_nabawy]

على فكره مفيش مساعدين غاز فقط
اللى موجود غاز وزيت أو زيت فقط




أنصحك تعمل معادله علشان تستفاد بأكبر قدر
تركب زيت أمامى وغاز وزيت خلفى
وأنصحك بالkyb أو توكيكو أو مونرو
أنا جربت الkyb والتوكيكو الأتنين تمام ومعنديش معلومات عن المونرو
أسمع أنه مساعد محترم لكن سعره غالى حبتين

بالقعل تم شراء مونرو .. زيت قدام و غاز و زيت ورا

بس مش فاهم الغرض من النصيحة أشمعنى زيت قدام و زيت و غاز ورا؟؟ ممكن توضيح أكثر
و شكراً على الرد!!

[smsm_nabawy]

باشا بعد اذنك هما المساعدين السبور دول مين بيبعهم فى اسكندرية وعايز اعرف يركبو ل 127 توب ولا لاء

يركبو ولا لا؟؟.. فلا.. لأن الشاهين مساعدينها غير ال 127

هل في مساعدين سبور لل 127 توب

أيوا في!! بس المشكلة تلاقي فين!!

أنا جبتهم منين...

كان في ميكانيكي كنت بتعامل معاه كان في بيني و بينه عشم ساعتها و كده!! هو راح لناس معرفته في الفراهده و جابهملي...
كانو مكتوب عليهم كلام تركي عجيب كده!!!
بس قالي دول مساعدين جايين أستيراد من عربية تشاهين تركي متعدلة!!

و سبور

بصراحة العربية لما ركبتهم فيها.. صبااااااح التغير الي حصل فيها
بس الرااحة رااحت !! :(
وللأسف مفيش حد بيفضل على حاله!! و الباشا مصدق أول فرصة أئآمن له فيها و أثق ثقة عمياء و ضحك عليا في حاجات كده!!
من ساعتها بشوفه مش بسلم عليه حتى!!