عاوز انضف دورة التبريد

[هيثم الدسوقى]

السلام عليكم

انا عاوز انضف دورة التبريد اليومين دول وكنت عاوز اعمل الحوار بتاع ملح اللمون والخل بس فى واحد قالى انه لو حمضى هيبوظ سربنتينة التكييف .انا بحثت عليه ولقيته فعلا حمضى .
فدلوقتى ايه النظام مع العلم ان التكييف بتاعى انا لاغى فيه السخن و قافل الخراطيم بتاع السخن بطبة لاغى. فما رأيكم دام فضلكم ؟

وهل لو انا مشغلتش التكييف وقت التنضيف هل محلول الملح هيدخل السربنتينة ولا لاء؟

[akmm]

دوره تنظيف عاديه فى البنزينه ثم ماء ملون وافضلهم مياه موبيل ..........

[هيثم الدسوقى]

عاوز اعملها بنفسى

[saint]

مال سربنتينة التكييف بمياه التبريد ؟؟؟؟؟؟
ياباشا سربنتية التكييف جواها فريون والمروحة بتبرده علشان يرجع يتكثف
ومفيش اي مياه جواها
ثانيا انت ممكن تجيب منظف دورة تبريد امريكي ماركة ابرو وكمان مياه خضرا ماركة ابرو امريكي
وبكده انت تمام
وانت اللى هاتعملها بنفسك
ملحوظة هامة :-
لو دورة التبريد عندك قديمة والردياتير قديم جدا ممكن تواجه مشاكل ..... لان ممكن الصدا سادد مكان ثقوب ولما تزيل الصدا يحصل المشاكل
تقبل تحياتى

[فادى محمد]

مال سربنتينة التكييف بمياه التبريد ؟؟؟؟؟؟
ياباشا سربنتية التكييف جواها فريون والمروحة بتبرده علشان يرجع يتكثف
ومفيش اي مياه جواها
ثانيا انت ممكن تجيب منظف دورة تبريد امريكي ماركة ابرو وكمان مياه خضرا ماركة ابرو امريكي
وبكده انت تمام
وانت اللى هاتعملها بنفسك
ملحوظة هامة :-
لو دورة التبريد عندك قديمة والردياتير قديم جدا ممكن تواجه مشاكل ..... لان ممكن الصدا سادد مكان ثقوب ولما تزيل الصدا يحصل المشاكل
تقبل تحياتى

في سربنتينه تانيه داخل الكونسول صغيره بتمر فيها ميه التبريد لما بتشغل التكييف السخن لانه بيعتمد علي حراره ميه الدوره مش سخان ومروحه زي التكييف الاسيوي

[هيثم الدسوقى]

مال سربنتينة التكييف بمياه التبريد ؟؟؟؟؟؟
ياباشا سربنتية التكييف جواها فريون والمروحة بتبرده علشان يرجع يتكثف
ومفيش اي مياه جواها
ثانيا انت ممكن تجيب منظف دورة تبريد امريكي ماركة ابرو وكمان مياه خضرا ماركة ابرو امريكي
وبكده انت تمام
وانت اللى هاتعملها بنفسك
ملحوظة هامة :-
لو دورة التبريد عندك قديمة والردياتير قديم جدا ممكن تواجه مشاكل ..... لان ممكن الصدا سادد مكان ثقوب ولما تزيل الصدا يحصل المشاكل
تقبل تحياتى

لا دورة التكييف لازم فيها مياه عشان بتاخد جزء لرطوبة الجو داخل العربية عشان يكون فيه تنفس زى التكييف العادى كدا . المشكلة فى الاجزاء الالومنيوم عشان ملح اللمون والخل اوساط حامضية شديدة التفاعل مع الالومنيوم لغاية 5% تركيز .

[mizanalkbeer]

زى العضو الفاضل ما قال لحضرتك احسن اشترى مزيل صدا وريح دماغك من الخل واليمون لان فيهم ضرر على سربنتينه المياه السخنه بتاعت التكيف السخن فالاحسن منظف او تفك الريداتير وتنظفه وبعدين تركبه تانى وان شاء الله خير

[dr.hazem]

لا دورة التكييف لازم فيها مياه عشان بتاخد جزء لرطوبة الجو داخل العربية عشان يكون فيه تنفس زى التكييف العادى كدا . المشكلة فى الاجزاء الالومنيوم عشان ملح اللمون والخل اوساط حامضية شديدة التفاعل مع الالومنيوم لغاية 5% تركيز .

عزيزي مفيش ميه داخل دورة التكييف....
اما عن سربنتينة السخن الداخلية فدي ملهاش دعوة بالتكييف وانما هي جزء من دورة التبريد بتاعة العربية وحضرتك بتقول لاغيها وقافل بطبب يبقى الخل والليمون مض هيوصل لها اصلا.....
هاكد على نقطة ان العملية دي لو تمت في عربيه قديمة قوي غالبا هيظهر خروم كانت مردومه بالصدا....
تحياتي

Sent from my SE Arc S using Forum Runner

[swimmer25]

زي ما قال الأعضاء..ممكن تلاقي خروم بعد التنظيف والتغيير لمياه خضراء

بس لو ناوي عشان الحر ومتوقع النتائج إنك ممكن تحتاج تغير ردياتير لو قديم وظهر فيه خروم وممكن تحتاج تغير طرمبة مياه كمان - ده في حالة ان الدنيا عندك صعبة اوي والمياه بني من الصدا ومبهدل الدنيا

لو ناوي ممكن تعمل الاتي:

1- تفتح طبة الردياتير وتفك خرطوم القربة تنزل كل المياه القديمة
وكمان تنفخ في خرطوم القربة عشان علي قد كما تقدر تنزل المياه اللي في بلوك الموتور

2- بعدها ترجع تملي مياه حنفية لو انت مش بتستخدم مياه خضرا في الاساس..لو بتستخدم مياه خضرا والموضوع مش متبهدل اوي عندك..هات مياه خضرا اي كلام للتنظيف فقط

3- تدور العربية لو العربية كانت سخنة و تملي مياه حنفية في الردياتير والقربة وتدور وتزود مياه لو محتاجة تزويد وتديها بنزين شوية لحد مال العربية تسخن والمراوح تشتغل عشان تبقي دورة المياه مشيت في الموتور وخدت المياه القديمة قدامها

4- تطفي العربية وتنزل المياه تاني من الردياتيروالقربة وتنفخ في خرطوم القربة

5- كرر العملية دي لحد ما المياه تنزل نضيفة

6- زود مياه عادية بقي وحط عليه منظف دورة تبريد او فلاش للردياتير...لو فيه فلاش كبير 4 ليتر مثلا بيتحط لوحده يبقي علي حسب النوع واقرا طريقة الاستخدام عليه

7- دور العربية وزود بنزين لحد ما تسخن لحد مثلا ربع ساعة بعد ما تسخن وانت مزود بنزين عشان الدورة كلها تنضف

8- بطل العربية ونزل المياه تاني واقفل طبة المياه كويس وقفل القربة بالخرطوم بتاعها كويس وهات مياه خضرا نوع نضيف موبيل او ايادا الاسباني وحطها في الردياتير

خلي بالك...لما تزود مياه بعد ما نزلت المياه كلها...لازم تدور العربية عشان وش السلندر ميتاثرش ولا الردياتير

لو اي حد له اضافة او تعديل يتفضل مشكورا