عايز أضاعف سعة التانك عندي ل100 لتر أعمله فييييييين؟

[شاهين - بنز]

أنا عندي لاأستخدم الشنطة إطلاقا وزي منتو عارفين نادر جدا إنك تلاقي بنزين 80 عشان كده عايز أكبر التانك وأفول وأنسى العربية إسبوع لإني بعمل 100 كيلو يوميا والتفويلة يدوب بتكمل أربع مشواير أكتوبرية وبرجع أدور على ال 80 في السكة ومبلاقيش إلا نادرا وبصراحة بستخسر أحط بنزين 90
حد يعرف حد أعمل عنده موضوع التانك ؟
وإيه إحتياطات السلامة إللي آخد بالي منها عند توسعة التانك؟
مع العلم إن العربية شاهين والتانك الأصلي لازق في الشنطة يدوب الفاصل بينهم حتة قماشة



____________________
تم النقل بواسطة
مشرف القســــــــــم العــــــــــــــام

[medohai510]

السلام عيلكم،،،،
ممكن تشتري تانك 20 لتر صاج الي بيركب علي العربيات الجيب وتريح دماغك لانه شديد الأحكام والغلق وأمان أكثر من فكرة التانك الأضافي، والله الموفق

[Karim_Monir]

لا افضل ذلك اطلاقا لكن في طريقتين
الاولى انك تجيب تانك تاني وتحطة في الشنطة وتوصلة بالتانك الاصلي بس يكون في نفس الارتفاع عشان يشتغل بنظرية الاواني المستطرقة
والتاني انك تجيب الجركن المعدني بتاع السفاري وده بياخد 20 لتر ممكن تشتري واحد او اتنين وبكدة ماتكونش لعبت في التانك ولا العربية
والجركنين حسبة 40 لتر وتنزل تفضيهم لما تلاقي البنزينات زحمة

[hamtle97]

انا مش معاك فى موضوع اللعب فى التانك علشان السلامة والامن والمتانة ، واحتمالية حدوث مصادمة من الخلف لاقدر الله
لان اجراءات الامن والسلامة تراعى وضع التانك فى مكان آمن يتم دراسته عند تصميم السيارة ، لتقليل من اشتعاله عند حدوث تصادم
واستنى ياعم .........
البنزين 80 فيه كلام كتير عليه اليومين دول ، واحتمال انك تصرف قد كدة عاى تعديل التانك وبعدين يغلى ويخلوا الفرق بينه وبين ال 90 عشرة صاغ فادرس الامر ، واذا كنت مصمم خليك فى الجراكن الصاج بتاعه العربيات الجيب الروسى القديمة
وياريت لو جبته تقلنا منين وبكام.
تحياتى

[شاهين - بنز]

, medohi510 , kareem monir, hamtle97 شكرا جزيلا ياجماعة على المساعدة
وفعلا معاكوا حق في موضوع السلامة لإنه قالقني جدا وعلى رأي المثل إبعد عن الشر وغنيلوا
وفكرة الجركن الحديد أبو 20 لتر ممتازة جدا بس ألاقيه فين؟

[mohamed2002]

انا شايف ان الازمة بدات في الانفراج وبلاش الجيركن ولا تعدل في التانك

[ahmed1981]

بنزين 80 بدأ في الظهور مرة أخرى
فلا داعي لهذه الفكرة لأنها غير آمنه بالمرة (سواء التانك الزيادة أو الجركن)
وأقترح إنك تحول السيارة غاز وفي الحالة دي لو مفيش بنزين 80 إمشي بالغاز
وفي النهاية بنزين 80 في طريقه للإلغاء عاجلاً أو آجلاً