مساعدة في مركز ترصيص محترم

[A. Ibrahim]

السلام عليكم ,

يا جماعه انا تعبت من موضوع الترصيص 3 شهور و انا كل اسبوع اروح ارصص و مفيش فيده ديمن في رعشة بعد ال90 الي 110 يعني مش عارف اسافر و صرفت كتير علي الموضوع ده مع العلم ان العربيه كانت حرير قبل كدة لغايت لما لفيت العجل و مارجعتش تاني من ساعتها

ربط عفشة و كل حاجة ولكن الدنيا مش تمام

لو حد يعرف مركز كويس و مجربة و يكون عنده مكنة جديدة و بيعملها الصيانة و المعيرة في معدها ياريت يدلني علية

[Nader]

اللي اعرفة وكويس بريدجستون في بنزينة

كالتكس بعباس العقاد مدينة نصر.

[Nader]

بس اتأكد الاول ان الكاوتش سليم ومفيوش عالي وواطي

لان لو فية كدة ممكن يعمل نفس الاعراض اللي عندك.

[hesham2004]

شيك على الجنوط نفسها ، هل فيها لوحة ولا لأ ، و خاصة الخلفية ، و شيك كمان على حاجة مهمة اوى و هى كاوتش الأفزان الى ماسكه الأسكترا فى صدر العربية . و بالمناسبة هيه العربية نوعها ايه ؟

[galalology]

فى اشرفكوا الى فى الحى السابع مدينه نصر هو كويس فى الترصيص لكن زوايا لا

[A. Ibrahim]

شكرا للجميع كل الي حضرتكوا قلتوة انا عملتة و لكن المهم الصنعة و المكنة

[Bahaaeldin]

جرب حضرتك تستخدم ترصيص الموتوسيكل وهو عبارة عن جهاز بيرفع كل عجلة على حدة وهى فى مكانها وبيرصصها وهى على هذه الحالة وميزته أنه حتى لو عندك عيوب فى العفشة ممكن يضبط العجل كويس لأنه بيرفعها فى مكانها كما قلت وهى ثابتة فى العربية. لأنى مثلك جربت كذا واحد لدرجة أنهم بهدلوا العربية ومنهم من أفتى أن العجل سىء ولابد من تغييره
هناك 2 أعرفهم كويسين جدا الأول فى بنزينة كالتكس خلف السراج مول واسمه أيمن وضبطه للزوايا كمان محترم جدا (فقط اخبره أنك من طرف بهاء الدين صاحب الجيلى الحمراء)
والثانى فى بنزينة موبيل تقاطع طريق النصر مع يوسف عباس

تانى حاجة راجع على ضغط الهواء فى العجل كله

وآخر شىء لو عندك جنوط سبور وفنى الترصيص قال لك انا حاضع الرصاص من الداخل فقط حتى لا يشوه منظر الجنط من الخارج إياك تسمع كلامه لأنه باختصار انسان لا يفهم والترصيص مش حسب المزاج، ده حسب اختلاف الثقل من مكان لآخر فى الجنط سواء فى الداخل أو الخارج

[A. Ibrahim]

جرب حضرتك تستخدم ترصيص الموتوسيكل وهو عبارة عن جهاز بيرفع كل عجلة على حدة وهى فى مكانها وبيرصصها وهى على هذه الحالة وميزته أنه حتى لو عندك عيوب فى العفشة ممكن يضبط العجل كويس لأنه بيرفعها فى مكانها كما قلت وهى ثابتة فى العربية. لأنى مثلك جربت كذا واحد لدرجة أنهم بهدلوا العربية ومنهم من أفتى أن العجل سىء ولابد من تغييره
هناك 2 أعرفهم كويسين جدا الأول فى بنزينة كالتكس خلف السراج مول واسمه أيمن وضبطه للزوايا كمان محترم جدا (فقط اخبره أنك من طرف بهاء الدين صاحب الجيلى الحمراء)
والثانى فى بنزينة موبيل تقاطع طريق النصر مع يوسف عباس

تانى حاجة راجع على ضغط الهواء فى العجل كله

وآخر شىء لو عندك جنوط سبور وفنى الترصيص قال لك انا حاضع الرصاص من الداخل فقط حتى لا يشوه منظر الجنط من الخارج إياك تسمع كلامه لأنه باختصار انسان لا يفهم والترصيص مش حسب المزاج، ده حسب اختلاف الثقل من مكان لآخر فى الجنط سواء فى الداخل أو الخارج

1000000 شكرا يا استاز بهاء

[Adham]

السلام عليكم ,

يا جماعه انا تعبت من موضوع الترصيص 3 شهور و انا كل اسبوع اروح ارصص و مفيش فيده ديمن في رعشة بعد ال90 الي 110 يعني مش عارف اسافر و صرفت كتير علي الموضوع ده مع العلم ان العربيه كانت حرير قبل كدة لغايت لما لفيت العجل و مارجعتش تاني من ساعتها

ربط عفشة و كل حاجة ولكن الدنيا مش تمام

لو حد يعرف مركز كويس و مجربة و يكون عنده مكنة جديدة و بيعملها الصيانة و المعيرة في معدها ياريت يدلني علية

ممكن الموضوع مايبقاش ترصيص

ممكن فية عجلة فيها " لوحه" يعني الكاوتش ملووح او الجنط فية عيب و لما اتنقل قدام بانت الرعشة دي في الدركسيون

بس مفروض اللوحه سواء في الكاوتش او الجنط تبان على جهاز الترصيص برضة لو حد كويس بيرصص

لو الترصيص تمام مافيهوش مشكلة, شوف بلي العجل و البيض بتاع الدركسيون و ربط العفشة

و مهم جدا انك تضبط هواء الكاوتش حسب تعليمات الشركة (مكتوب معيار ضغط الكاوتش علي تكت في قايم باب السواق), والاحسن انك تنفخ نتروجين و بمقياس مضبوط قوي (شوف كالتكس عباس العقاد)

[Ahmed Selim]

أحسن ترصيص فى العالم بيبقى على جهاز الموتوسيكل زى ما أستاذ بهاء قال

العربية بتترفع ( كل ناحية لوحدها ) وبيرصص على وضع العجلة وهى راكبة وبتلف يعنى لو فى حاجة فى العفشة بتعمل رعشة هياخدها فى حساباته

[A. Ibrahim]

شكرا ياجماعة

مع اني ساكن في الهرم لكن هحاول اظبط معاد واروح هناك

[أبو ياسين]

كان عندى نفش مشكلتك بالضبط و رصصت مرتان لحد ماستخدمت ترصيص الموتوسيكل
و حل المشكله
و ده كان فى بنزينه موبيل فى شارع الجزائر معادى