إعـــــــلان

Collapse

.

,
See more
See less

حد يعرف مين صاحب محل : دكتور خالد للزجاج ؟؟ (نصب عليا )

Collapse
X
 
  • Filter
  • الوقت
  • Show
Clear All
new posts

  • حد يعرف مين صاحب محل : دكتور خالد للزجاج ؟؟ (نصب عليا )

    السلام عليكم ..

    من كام يوم رحت ل محل دكتور خالد نظرا ل سمعته و الخبرة ..عشان اغير الزجاج الأمامي لسيارة سيراتو ...
    المهم عرض عليا زجاج خامات بلجيكي و فضلت وراه لما قال لي هو صناعة مصري بس خامات مستوردة وبلجيكي و أنضف بكتير من دكتور جريش والكلام المصري ده .. المهم صداقته و اشتريت الزجاج...

    بعديها بكام يوم دايما شايف زغللة و الزجاج مش مظبوط لغاية ماشفت العيب ..بيبان على الطرق المفتوحة ..طبعا مبنش في المحل .., العيب إن الزجاج مش مية واحدة ..في انبعجات في الرؤية ...عيب صناعة على صناعة زي الزفت .....

    المهم أنا محتاج أكلم صاحب المحلات دي اشتكيله و يشوفلي حال عشان حرام الفلوس دي ..والغش العلني ده ...منهم لله ....منهم لله

  • #2
    ممكن ترجع للفرع اللى حضرتك اشتريت منه ووريهم العيب و اطلب منهم يبدلوا الزجاج و هددهم بحمايه حقوق المستهلك و على صوتك لو لزم الامر و ساعتها المسؤول هيطلعلك من تحت الارض طالما الموضوع فيه دفع فلوس

    Comment


    • #3
      عايز اقولك ان العيب دا موجود في كل انواع الزجاج المصري
      امان وجريش عن تجربة بيعملوا كدا
      انا كنت ارسلت شكوى لمصنع امان وكلموني ورحت غيروا لي الزجاج وكانت معاملة ومقابلة محترمة جدا..
      وبعدين اكتشفت ان العيب موجود برضه .... ولما اتكسر قلت اجرب جريش
      لقيت فيه نفس العيب.. بس مش اي حد بياخد باله
      بيسموه مطب.. لما تحرك رأسك لفوق ولتحت تحس ان الصورة بتتكسر
      غير ان في مواجهة الشمس الرؤية بتبقى صعبة

      بس واضح ان معاك لانوس يعني كان راكب عندك جريش ومريحك...

      من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه

      Comment


      • #4
        أيوه هو ده العيب بالضبط ....بحرك راسي فوق وتحت أشوف الخط الفاصل وإنكسار الرؤية ......يعني إيه ..مفيش أمل ؟

        Comment


        • #5
          معلش انا ماخدتش بالي انك بتتكلم عن سيراتو مش لانوس..
          لو الموضوع هايتعبك جامد يبقى تركب الاصلي هايفرق 1200ج تقريبا..
          ماهي الجودة ليها تمن :)

          وكدا ماتنصبش عليك ولا حاجة .. هو دا مستوى الزجاج المصري
          من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه

          Comment


          • #6
            يا رجاله مع احترامى ليكم جميعا
            الغالى تمنو فيه
            يعنى مش هتجيب ازاز ب 1200 جنيه زى ازاز ب 350 جنيه وهو ده اللى حصل معايا فى ازاز الالنترا
            بعد ما ركبتو لاقيتو مزغلل وبعد كده روحت للراجل ووريتهولو وقالى فعلا ده فيه حاجه مش مظبوطه وراح مغيرو بس للاسف فى نفس العيب بس على خفيف يعنى ارحم من الاول
            واه نسيت اقولوكم ان نوع الازاز مكتوب عليه هيونداى وكنت جايبو ب 350 جنيه
            ولاحظت ان وانا بغسل العربيه لاقيت الميه عليه عامله خط مايل عليه قولت الحمدالله شربت الازاز وشكرا
            [B][FONT="Impact"][COLOR="DarkRed"][SIZE="4"]سامح الجـهيني[/SIZE][/COLOR][/FONT][/B]
            [SIGPIC][/SIGPIC]

            Comment


            • #7
              اول مره اعرف منكم ان العيب الشرعى ده موجوده فى الازاز المصرى كله .. غريب مع ان الجميع كان بيشكر فيه !!!!!!!!!


              فعلا الرخيص مغيص والغالى تمنه فيه

              Comment


              • #8
                انا غيرت الزجاج الامامي للكارينز في التوكيل بنفس اللي كان راكب من كوريا ب 2950 جنيه شامل ضريبه ومصنعيه وكله وطبعا مفيهوش الحاجات اللي حضرتك بتقول عليها دي. متهيألي ممكن ازاز السيراتو يقل شويه عن الكارينز لأنه المفروض أصغر؟ مش متأكد بس ممكن تتصل بالتوكيل تسأل لو لسه مركبتش.
                مصر أنت أغلى دره ... فــوق جبين الدهـر غرَّة

                يا بلادي عيشي حره ... واسلـمي رغـم الأعــادي

                Comment


                • #9
                  متهيألي ازاز السيراتو مش هايقل عن 2000
                  هو في ازاز استيراد يا جماعة زي قطع الغيار كدا؟؟ ولو فيه... اسعاره ايه؟
                  من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه

                  Comment


                  • #10
                    ازاز السيراتو فى التوكيل بالتركيب والضريبة والسيليكون والجوان بحوالى 3100 جنيه
                    [SIGPIC][/SIGPIC]

                    Comment


                    • #11
                      حصل معايا برضه نفس الحوار فى ازاز النترا 2005 رحت لواحد بتاع ازاز يغيره (الراجل ده كنت مجربه قبل كده فى عربيتين لزمايلى وشغله هايل)
                      المهم قالى فى نوع ب 370 ونوع 450 طيب ايه الفرق قالى الغالى بتاع بلاده وفعلا مكتوب عليه كوريا وبعد مركبه كنا بالليل روحت عادى والصبح لما جيت رايح الشغل شكيت فى عينى انها مزغلله
                      بس مع التركيز لقيت فعلا الموجه اللى بتقولوا عليها بالظبط مع ان الازاز المفروض محترم يعنى بصراحه لما بركز انى اشوفها باخد بالى لكن وانا عادى ومش فى دماغى مش باخد بالى

                      بصراحه مرضيتش ارجع للراجل لانه محترم جدا فى شغله وكمان انا عارف انه هيغير الازاز من عنده وخفت الاقى نفس العيب تانى او اسوأ وفى الاول والاخر العيب فى الصناعة
                      [CENTER][img2]http://www6.0zz0.com/2012/03/25/12/859275149.jpg[/img2][/CENTER]

                      Comment


                      • #12
                        يعني يا 400ج يا اما 3000ج... مفيش وسط؟
                        ممكن حد يفيدنا في الازاز الاستيراد .. فيه ولا مفيش؟
                        من أعظم الحسرات يوم القيامة..أن ترى حسناتك الصحيحة المقبولة في ميزان غيرك وغالبًا يكون ممن تكرهه

                        Comment


                        • #13
                          نسيت أقول اني لما غيرت ازاز الكارينز في التوكيل ب 2950 كنا في يناير 2012 وأكيد دلوقتي زاد سعره عشان الدولار وعشان موجه الغلاء الاخيره.
                          مصر أنت أغلى دره ... فــوق جبين الدهـر غرَّة

                          يا بلادي عيشي حره ... واسلـمي رغـم الأعــادي

                          Comment


                          • #14
                            هام جدا بالنسبة لموضوع الزجاج المعووج

                            هذا الزجاج خطر جدا على سلامة عينيك وسيتسبب على المدى الطويل بتشويه شكل عدسة العين خاصة إذا كنت تقود لمسافات طويلة لأن الزجاج هنا يعمل كأنه عدسة نظارة بالضبط

                            فإذا كان نظرك عاديا وصحيحا سيتأثر بشكل مباشر نتيجة لإعوجاج الزجاج

                            فالحذر من ترك هذا الزجاج دون معالجة المشكلة
                            [sor2]http://img401.imageshack.us/img401/6193/5vgb.jpg[/sor2]

                            Comment


                            • #15
                              المشاركة الأصلية كتبت بواسطة timtim مشاهدة المشاركة
                              يعني يا 400ج يا اما 3000ج... مفيش وسط؟
                              ممكن حد يفيدنا في الازاز الاستيراد .. فيه ولا مفيش؟
                              ما فيش حاجه اسمها زجاج استيراد لان حتى لو سليم بيكسروة-قبل الشحن

                              Comment

                              Working...
                              X