مشكلة صغيرة جدا جدا بس منرفزاني

[p r i n c e]

بعد ما بمشي على حته فيها تراب أو حصى صغير على الأرض بحس ب صوت كدا ف الجنب اليمين بس كأن الحصى دا بيدخل جوا حاجة من تحت ف العربية و بفضل سامع صوت خبط الحصى دا ف الجنب اليمين ل مدة 10 ثواني بعد كدا بيختفي
دا ايه دا؟
العربية فيرنا 2010 و حالتها حالة الزيرو مفهاش ال هوا ماشية 15 الف كيلو بس
مش عارف دا ايه دا؟
مستني ردود الرجالة

[windofchange]

الجنب اليمين من الخلف؟ عموما ارفع العربية في بنزينة وبص تحتها من ورا لقدام علي الطبب الكاوتش ممكن تكون واحدة وقعت لو كده هات غيرها وركبها

[mado83]

الكاوتش عندك بينتور الحصى الغير ده او التراب لداخل جسم السياره مكان الكارتيرات كده وغالبا ده بيحصل فى العجل اللى ورا ممكن تعمل كرتيرات بلاستيك عموله او لو فى جديد اشتريها جديد

[p r i n c e]

الجنب اليمين من الخلف؟ عموما ارفع العربية في بنزينة وبص تحتها من ورا لقدام علي الطبب الكاوتش ممكن تكون واحدة وقعت لو كده هات غيرها وركبها

الجنب اليمين ال هوا مش الجنب بتاع السواق، الجنب التاني و تقريبا قدام مش ورا بس بصراحة مش قادر اميز اوي قدام ولا ورا بس هوا اكيد ال كاوتش بينطر الحصى جوا جسم العربية
حضرتك قولي اروح فين بالظبط غير البنزينة عشان مفيش بنزينة فاضية عندنا كلها طوابير و اعمل اي بالظبط معلش و شكرا جدا على سرعة الرد
و يعني ايه طبب عشان انا مش عارف حاجة خالص

[p r i n c e]

الكاوتش عندك بينتور الحصى الغير ده او التراب لداخل جسم السياره مكان الكارتيرات كده وغالبا ده بيحصل فى العجل اللى ورا ممكن تعمل كرتيرات بلاستيك عموله او لو فى جديد اشتريها جديد

شكرا جدا جدا هوا فعلا ال كاوتش بينطر الحصى جوا جسم العربية بس مش عارف ايه هيا ال كارتيرات دي؟
ال هوا البلاستيك ال بيبقى مغطي العربية من تحت؟
و اروح ل مين ميكانيكي ولا بتاع كاوتش ولا ايه بالظبط؟

[windofchange]

الكارتيرة دي ماشيه في تجويف الرفرف من جوه وتشوفها لما تفتح الكبوت هتشوف ظهرها..القصد انها ممكن يكون اتقطع منها جزء من خبطة او حجر مشيت فوقيه فتغيرها لانها صعب تتصلح لو اتقطعت والطبة عارف الطعمية هي عاملة زيها ب كاوتش بتسد اخرام في شاسيه العربية من تحت ممكن تكون وقعت او اتقطعت بتتجاب من بتوع قطع الغيار الجديد وبتوع المسامير والكلبسات بس اهم حاجة تفك واحدة وتجيب نفس مقاسها

[p r i n c e]

ألف شكر لحضرتك

[akmm]

واحب اضيف بعد فتره الكاوتش ينعم وتجاويفه او الرسوم بتقل حدتها وبيقل التصاق الحصى الصغير فيها اللى بينطر ويخبط فى كارتيرات العجل ... وده طبيعى فى اى كاوتش جديد لما يركب .

[mado83]

شكرا جدا جدا هوا فعلا ال كاوتش بينطر الحصى جوا جسم العربية بس مش عارف ايه هيا ال كارتيرات دي؟
ال هوا البلاستيك ال بيبقى مغطي العربية من تحت؟
و اروح ل مين ميكانيكي ولا بتاع كاوتش ولا ايه بالظبط؟

سمكرى افضل بس شوف الاول فى عندك كارتيرات ولا لا ولو مافيش شوف الجاهز بكام واشتريه والسمكرى ب10ج يركبهملك

[Ahmed.sawy]

جرب تشوف الكفرات ممكن تكون في حته منه مش متقفله كويس بتدخل تراب ومع المشي بيقع