عندي مشكلة في عربيتي دايو جوليت 98

[medolemo]

السلام عليكم
انا عندي عندي مشكلة في عربيتي دايو جوليت كوري هي بتستهلك بنزين كتير جدا مثلا عملت معايا30 لتر في 200 كم جوه البلد مع احيانا تشغيل التكيف ولكن بتعمل معايا في الطوالي 290 كم في الصفيحة
و الصراحة انا مش فاهم الحوار في العربيه دي
ارجو المساعدة

[ضيف]

و عليكم السلام و رحمة الله و بركاته

حاول تكشف على الرشاشات

[moooha]

ممكن يكون الكنترول يونت control unit بيدى أوامر للرشاشات خطأ وده ها يحتاج أنك تجرب كنترول يونت غير اللى فى العربية وتحسبلها ..
ــــ وممكن يكون حساس الشكمان lambda sensor علشان وظيفة السينسور ده التحكم فى الخليط " الهواء + البنزين " فممكن تكون الأشارة بتاعته مش مظبوطة ..
ــــ أحياناً بيكون فى ثقب فى تنك البنزين بيخليه يسرب بنزين ...
ــــ وممكن حضرتك تروح تكشف على السيارة بالجهاز وتعمل حاجة أسمها
self adaptetion .. حاجة كده زى restart للسينسورز وفى الغالب بتجيب نتيجة .. وابقى طمنى يا باشا ..

[bee]

لو انت مغير علبة الشكمان بتاعت العربية
رجع الاصلية وشوف الفرق

حاجه تانيه لو بتحط بنزين اقل من 90 يبقى غلط
وحط تفويله 92 ومعاها منظف رشاشات
لو اشتمرت المشكلة روح اعمل الترا سونيك للرشاشات
وربنا يوفقك يا باشا

[medolemo]

شكر ااااااااااا يا جماعة علي الردود و اسف علي تاخيري في الرد

[Samir Elshahawy]

صباح الخير , و كل عام و انتم جميعا بخير

أود ان استفسر منك عن شئ بسيط :
- هل لاحظت عدد لفات الموتور ؟؟ و هل هي اعلي من الطبيعي ؟؟
- لأني بصراحة اواجه مشكلة مشابهة لمشكلتك مع الفارق في استهلاك البنزين

و شكرا

[wildwest100]

لو انت مغير علبة الشكمان بتاعت العربية
رجع الاصلية وشوف الفرق

حاجه تانيه لو بتحط بنزين اقل من 90 يبقى غلط
وحط تفويله 92 ومعاها منظف رشاشات
لو اشتمرت المشكلة روح اعمل الترا سونيك للرشاشات
وربنا يوفقك يا باشا

علبة الشكمان ايه علاقتها باستهلاك البنزين