منين أجيب الحاجات دى ؟

[MohammedAladel]

السلام عليكم

منين أجيب الحاجات دى يا أصدقاء

منظف حساسات وياريت أسماء الأنواع المتوفرة
قلم بوية أصلى باللون اللى أنا عايزه وألاقيه فين ؟؟

دبل فيس ألزق بيه حرف m فى عربيتى

[truss]

ما اعتقدش فيه منظف مخصوص للحساسات, لكن ممكن تستخدم منظف اليكترونيات انا عن نفسى فى تنظيف الفيش و الوصلات الكهربية بستخدم wd-40 و كويس جدا لو فيشة عليها رواسب و مش موصلة كويس (خد بالك حساسات العربية لو مفيهاش مشكلة بلاش تلعب فيها او تحاول تنظفها), ال wd-40 موجود فى محلات الحدايد و البويات و محلات قطع الغيار و محلات الاليكترونيات و محلات اكسسوار العربيات

لزق الدبل فيس هتلاقيه عند بتوع اكسسوار العربيات

[MohammedAladel]

أنا كنت فاكر إن لو نضفتها هيزيد أداء المحرك
ألف شكر يا باشا خلاص أنا مش هحاول أنضفها

[profzizo]

ما اعتقدش فيه منظف مخصوص للحساسات, لكن ممكن تستخدم منظف اليكترونيات انا عن نفسى فى تنظيف الفيش و الوصلات الكهربية بستخدم wd-40 و كويس جدا لو فيشة عليها رواسب و مش موصلة كويس (خد بالك حساسات العربية لو مفيهاش مشكلة بلاش تلعب فيها او تحاول تنظفها), ال wd-40 موجود فى محلات الحدايد و البويات و محلات قطع الغيار و محلات الاليكترونيات و محلات اكسسوار العربيات

لزق الدبل فيس هتلاقيه عند بتوع اكسسوار العربيات

نصيحة أخوية: ال wd40 لا يفضل أستخدامة إطلاقا لتنظيف الأجزاء الكهربية وخصوصا الحساسات على عكس الأجزاء الميكانيكية وذلك لإحتوائه على زيت... وتستخدم المنظفات الجافة المتطايرة للأجزاء الكهربية

[truss]

نصيحة أخوية: ال wd40 لا يفضل أستخدامة إطلاقا لتنظيف الأجزاء الكهربية وخصوصا الحساسات على عكس الأجزاء الميكانيكية وذلك لإحتوائه على زيت... وتستخدم المنظفات الجافة المتطايرة للأجزاء الكهربية

انا بستخدمه على طول و مفيش منه مشاكل على الاطلاق, بل بالعكس كان فيه توصيلات مش شغالة بسبب الرواسب و اشتغلت بعد ما استخدمت wd-40
نسبة التزييت فى wd-40 قليلة جدا جدا, و حتى التزييت دة مفيد لسهولة حركة الاجزاء
و هو اصلا عبارة عن Water Dispersant او طارد للرطوبة المسببة للصدا و تجميع الوراسب

[MohammedAladel]

منا عارف إن wd40 لا يصلح للأجزاء الكهربية لكن بيقولوا فيه نوع منه للأجهزة الألكترونية فقط

[MohammedAladel]

انا بستخدمه على طول و مفيش منه مشاكل على الاطلاق, بل بالعكس كان فيه توصيلات مش شغالة بسبب الرواسب و اشتغلت بعد ما استخدمت wd-40
نسبة التزييت فى wd-40 قليلة جدا جدا, و حتى التزييت دة مفيد لسهولة حركة الاجزاء
و هو اصلا عبارة عن water dispersant او طارد للرطوبة المسببة للصدا و تجميع الوراسب

لو قصدك على العادى االمشهور نسبة التزييت فيه عالية جدا وملحوظة ولا يصلح بالفعل للأجزاء الكهربية

[dedo_ryo]

في AKAI الازرق
و Sonax و ده معتمد من شركات السيارات بس هتخلي حد يجيبهولك من بره لانه مبيجيش هنا و لو موجود هيبقي خيالي
و ال WD-40 العادي اوعي تجيبه جنب اي حساس الا بوابه الهوا لان فيها محاور لازم تتزيت علشان تديك اعلي اداء

[truss]

لو قصدك على العادى االمشهور نسبة التزييت فيه عالية جدا وملحوظة ولا يصلح بالفعل للأجزاء الكهربية

انا بستخدمه على طول و مفيش منه مشاكل على الاطلاق, بل بالعكس كان فيه توصيلات مش شغالة بسبب الرواسب و اشتغلت بعد ما استخدمت wd-40

[MohammedAladel]

wd ولا ينفع لبوابة الهواء لأنه هيدخل غرفة الأحتراق بس عادى يعنى مش هيعمل حاجة لو دخل هيطلع تانى مع العادم بس الله أعلم تركيبه أيه

أنا عارف أكاى دا مصنوع فى مصر بس مش قوى وأنا خلاص مش هاجى عند الحساسات لأحسن تبوظ زى ما بوظت كويلين بسبب التجارب الفكسانة بتاعتى :)

منتجات سوناكس منتشرة فى القاهرة بس معرفش منظف الحساسات موجود ولا لأ بس أنا شفت تشكيلة كبيرة لمنتجات سوناكس فى القاهرة وبتتباع فى أكتر من محل

[dedo_ryo]

ليه يا عم الكويلات دي عمرها الافتراضي و علي فكره انت اللي شجعتني اني اتجرأ عالميجان عيب انت تجيب ورا و علي فكره تنضيف الحساسات بيعلي الاداء يعني في عربيه واحد صاحبي bmw نضفنا شويه حساسات زي الاير ماس و البوابه و الاكسجين و العربيه بقت ايييييييييه ولا بتحرق بنزين جامد ولا الهوا و رجع عزم المكنه زي يوم ما اتسقطط لان ال ecu بياخد قراءاته من الحساسات و بناء عليه بيحسب نسب باقي مكونات الاحتراق علشان يحرق النسبه دي يعني لو حساس الاكسجين متوسخ شويه او اي حساس هيدي قرائه نسبه خطأها عالي فكل اللي بعد كده مش تمام بس يا كبييييييييير
و اتاكد ان سوناكس اصلي مش تحت بير سلم و الاصلي الورقه اللي مغلفه العبوه و رق شبيه بالشمواه كده

[MohammedAladel]

الكويلات دى وراها لغز !! وهشوف حكايتها ايه قريب ويارب اوصل لنتيجة

أنا مشفتش منظف حساسات سوناكس بس منتجات سوناكس موجودة وأصلية كمان ومنتشرة يعنى شارع دمشق هتلاقيه مليان فى مصر الجديدة وأكيد فى مناطق تانية كتير فى القاهرة فيها

[exact]

ال wd40 الأصلي... اللي سعر العلبة الكبيرة 25 ده استعمله دون اي قلق على اي شئ... انا بازفر بيه الفوطة بتاع العربية ومذهل... وكنت بارشه عالبوية مباشرة وعالاعتاب وقت الشتا عشان الطين ما يمسكش فالعربية وكان يا دوب تكفيك فوطة والعربية تلمع زي الفل

بخصوص الالكترونيات... سيادتك رش زي مانت عاوز بس المهم نشف بفوطة قطن بعد اما تخلص وشيل الزيادة وما تقلقش منه والكلام ده عن تجارب متعددة... ممكن قبل ما تربط اي مسمار فالعربية... بختين كده... ونشف كويس بمنديل ورق لحد اما تشيله وبعدين اربط.... عمر المسمار ده ما هيقفش

[MohammedAladel]

الكلام دا مش مضبوط وغلط بالنسبة للإلكترونيات
بص يا باشا ال wd40
عبارة عن حاجتين ... مادة بتخترق وتفتت ومادة بتزيت المادة اللى بتعمل penetrate وتفتت الأوساخ والصدأ والحاجات دى بتطير والزيت بيقعد

طبعا ممنوع استخدامه مع الألكترونيات ومينفعش بالمرة كفاية الزيت اللى هيسيبه مكانه

[MohammedAladel]

بس محدش قال لى أجيب قلم بوية أصلى منين ؟؟