إعـــــــلان

Collapse

.

,
See more
See less

معلومات هامه

Collapse
X
 
  • Filter
  • الوقت
  • Show
Clear All
new posts

  • معلومات هامه

    بسم الله الرحمن الرحيم
    انا حبيت اعمل الموضوعده لاهميته علشان في ناس بتحافظ على عربياتها وبيحصلهم مشاكل في الاخر
    1- مهم جدا انك ماتطلعش ولا تحرك العربيه الا لما تسخن وصوت الموتور يهدا (الموضوع ده سببلي كسر في بستمين في الموتور والله مهم جدا) اي عربيه بيكون فيها عند مخرج المياه من الموتور للريداتير سيرموستات ميكانيكي عمله انه يفضل حابس المياه جو المحرك ماتتطلعش للريداتير تبرد علشان تسخن المحرك بسرعه واول لما توصل لدرجه حراره 55 درجه سليزيه البوابه بتفتح وتحرك المياه كده بيكون المحرك سخن
    ليه نستنى لحد ماتسخن مامشي بيها وهي مع الماشي هتسخن؟
    المحرك متكون من كذا ماده يعني فارغه المحرك البلوك يعني جسم الموتور متكون من حديد ظهر والباساتم الومينيوم والشنابر صلب كل ماده من دوول ليها معامل تمدد معين يعني الزهر مش بيتمدد زي الالومينيوم مش زي الصلب لما بتكون العربيه بارده بيكون شكل البستم اقرب مايكون للشكل البيضاوي طبعا مستحيل تلاحظه بالعين المجرده بيكون شكله بيضاوي ولما يبيسخن بيتمدد من الحتت الواطيه ويطبع جوه الموتور لو مشيت بيها وهيه بارده هيحصل احتكاك جامد جدا وهيخلي البساتم تتكسر القطع الي بين الشنابر هي دي الي بتتكسر

    في ميكانيكيه بيقولوا شيل السيرموستات ده لو شيلته هاتخد وقت طويل اوي لحد ما العربيه تسخن يعني ربع ساعه او تلت ساعه جمب العربيه لحد ماتسخن

    2- يجب الالتزام بدرجه لزوجه الزيت الموجوده في الكتالوج لو درجه اللزوجه اقل يعني احتكاك اعلى في الموتور يعني عمر اقصر
    3- تغيير الزيت في معاده مش شهر وشهرين ده كده اي كلام يوم لما تغير زيت وفلتر اكتب قراءه العداد في ورقه معاك وعلى حسب الزيت احسب المفروض هاتغير الزيت على قراءه كام مافيش حاجه اسمها الزيت تقيل مش خفيف يبقى امشي بيه شويه الزيت اصلا لزوجته بتزييد مع المشي علشان بيزيد في الكربون نتيجه الحرق داخل المحرك والكربون بيزود لزوجه الزيت علشان كده ممكن تلاقي الزيت تقيل ده نتيجه الكربون لازم تغير الزيت في معاده
    4- من اهم الحاجات سير الكاتينه لازم يتغير في معاده زي ما مكتوب في الكتالوج تقريبا كل 40000 كم ده عندي في العربيه السير ده لو قطع منك وانت ماشي هايكسر الموتور ليه؟
    سير الكاتينه هو الي رابط الجزء العلوي بالجزء السفلي بالمحرك يعني امتى الصبابات تنزل تفتح وتدخل الشحنه وامتى تفتح تطلع العادم وامتى البستم بيتحرك تخيل كده السير اتقطع الصباب نازل لتحت مفتوح والبستم طالع هايخبطوا في بعض يلوح الصباب ويخبط وش البستم
    5- تزييت عمود الشاكوش تحت وش الاسبراتير
    الاسبراتير هو المسئول عن توزيع الكهرباء على السلندرات وفيه حاجه راكبه على عمود جوه اسمها شاكوش هيه الي بتوصل الكهرباء لرقم البستم العمود ده بيلف بسرعات عاليه جده لو مش متزيت ممكن يقفش ويلف بقلب الاسبراتير ويقطع الاسلاك من جوا كل الي هايحصل نقطه زيت على العمود كل صيانه يعني كل 10000 كم طبعا زيت جديد ونظيف مش زيت اسود وسخ
    6- احنا داخلين على الحر والصيف لازم كل واحد يظبط مياه الريداتير كويس اوي ازاي؟
    اولا هاتفتح غطاء الريداتير وتشوف عليه صدا ولا لا لو باين فيه صدا يبقى تشوف الصدا ده جامد ولا مش اوي بص يا سيدي
    لو في صدا الافضل انك نوديها لواحد يسيخ الريداتير وبعدها هاتجيب ماده اسمها فلاش بتتباع عند محلات قطع الغيار وكده هاتنزل شويه مياه من العربيه وتحطها جو الريداتير وتسيب العربيه دايره لمده ساعه انا عارف ان مكتوب عليه 10 دقايق فكك هو ضعيف اصلا المهم هاتخلص الساعه تبطل العربيه لحد مادرجه العربيه تهدا خالص ميكونش فيها سخونه يدوبك دافيه يعني تقدر تحط ايدك وتلمس الموتور لازم اوعى تنزل المياه وهي سخنه الموتور يقفع ويبوظ لما تبرد هاترمي المياه وتحطلها مياه من الحنفيه بخرطوم وافضل اغسل مكان الماده دي املاها مياه وشويه وارميها كل ده والعربيه دايره واملى مياه تاني ودقيقتين وارميها وبعد كده تجيب مايه خضراء بس نوعها يكون موبيل او توتال ماتجبش اي نوعيه تانيه اي حاجه تانيه بتكون مياه بلون اخضر مع الحراره والوقت بتعمل حاجات زي السيلكون كده وبتقفل الريداتير وطبعا تغير غطاء الريداتير علشان بيكون فيه صداء ومش حابك كويس لو عايزين اقل من كده في التكلفه علشان المياه الخضراء دي بتكون ب 80 جنيه تقريبا
    بص يا سيدي هاتجيب مياه الي بتنزل من التكييف او مياه مقطره من اي بنزينه وتجيب من نفس المحل الي جبت من عنده الفلاش تجيب منه حاجه اسمها coolant او الاضافه الي بتتحط على الريداتير دي ماده خضراء بتتضاف للمياه المقطره تبقى مياه خضره العلبه شبه كانز البيبسي بس طويله ولونها اخضر غامق والفلاش علبه بلاستيك صفراء
    7- اخر نقطه علشان انا كده طولت عليكم اوي بالله عليكم يا رجاله الناس الي عندها فتيس مانيوال الزيت بتاع الفتيس والله بيتغير المفروض كل 40000 كم او سنتين ايهما اقرب بيتغير مش بيتزود والناس الجر الخلفي برضه زيت الكارونه برضه بيتغير كل 40000 كم مافيش حاجه اسمها يتزود والرجاله الي معاهم فتيس اوتوماتيك برضه الزيت بيتغير على حسب الكتالوج مابيقول وفي فلتر برضه بيتغير


    المعلومات دي بتديم من عمر المحرك بشكل ملحوظ جدا
    انا ووالدي ماشي بنفس النظام ده زي ما الكتالوج بيقول بننفز بضبط عربيه والدي اسكودا فضلت معاه 18 سنه من غيير ماتتعمر ولا المكنه تتفك ولا بتدخن ولا اي حاجه ويوم ما اتباعت كانت جايه من العريش وعربيتي شاهين بقالها 14 سنه لسه من اسبوعين مغيير البساتم علشان الخطاء الي كنت بعمله اني بامشي بيها وهي بردانه

    ارجو ان اكون قد افدتكم وانا تحت امرك في اي استفسار

  • #2
    تحياتى على المجهود الرائع
    [CENTER]لو كتبت لكم أحلامي لحصلتم على سيناريو ممتاز لفيلم رعب[/CENTER]

    Comment


    • #3
      تسلم ايدك
      :tumb:

      Comment


      • #4
        جزاك الله خيرا

        Comment


        • #5
          انا تحت امركم في استفسار واي حد شايف تعديل على كلامي يقولو مافيش حد عارف كل حاجه الكمال لله وحده



          خيركم من تعلم العلم وعلمه

          Comment


          • #6
            شكرا للنصائح

            Comment


            • #7
              هايل ... وشكرا..
              :36_2_55[1]:

              Comment


              • #8
                بكام coolant ؟
                [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                Comment


                • #9
                  ب 10 جنيه يا استاذ احمد والف شكر يا جماعه انا تحت امركم في اي خدمه

                  Comment


                  • #10
                    مشكوووووووووووووووور
                    مشكوووووووووووووووووووووور
                    ©§¤°يسلموو°¤§©¤ــ¤©§¤°حلوو°¤§©
                    ©§¤°يسلموو°¤§©¤ـــــــــــــ¤©§¤°حلوو°¤§©
                    ©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
                    ©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
                    ©§¤°يسلموو°¤§©¤ـــــــــــــــــــــ رائع جدا جدا جدا جداــــــــــــــــــــــ¤©§¤°حلو ووو°¤§©
                    ©§¤°يسلموو°¤§©¤ـــــــــ يعطيك العافيةوالمزيد من الابداع--- ــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــ ____ ــــــــــــــــــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــــ¤©§¤°ح لوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ــــــــــــــــــــــــــــــــــــــــــ¤©§¤°حلو ووو°¤§©
                    ©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــــــــــ¤©§¤°حلوو وو°¤§©
                    ©§¤°يسلموو°¤§©¤ـــــــــــــــــــــــــــــــــــ ـــــــــــــــــــــــــــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ـــــــــــــــــــــ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــــ ــــــــ ¤©§¤°حلوووو°¤§©
                    ©§¤°يسلموو°¤§©¤ـــــــــــــــــــــــــــــــــ¤© §¤°حلوووو°¤§©
                    ©§¤°يسلموو°¤§©¤ـــــــــــــــــــــ¤©§¤°حلوووو°¤§ ©
                    ©§¤°يسلموو°¤§©¤ـــــــــــــ¤©§¤°حلوو°¤§©
                    ©§¤°يسلموو°¤§©¤ــ¤©§¤°حلوو°¤§©
                    مشكوووووووووووووووووووووور
                    مشكوووووووووووووووور
                    مشكووووووووووور
                    أسأل الله

                    أن يعطيكِ أطيب ما في الدنيا ...♥..♥...محبة خلق
                    .الله
                    وأن يريكِ أحسن ما في الجنة....♥..♥... رؤية الله♥♥ .
                    وأن ينفعكِ بأنفع الكتب ..♥.....♥.....♥...♥..كتاب الله♥.
                    وأن يجمعكِ بأبر الخلق ...♥..♥.....♥.....♥..رسول الله
                    [CENTER][CENTER][B][I][FONT=Arial] إذاضاقت بك الدنيا فلا تقل يارب عندي هم كبير [/FONT][/I][/B][B][I][FONT=Arial]ولكن قل ياهم لي رب كبيــــــــــر[/FONT][/I][/B][/CENTER]
                    [/CENTER]

                    Comment


                    • #11
                      المشاركة الأصلية كتبت بواسطة EL DEEB مشاهدة المشاركة
                      ب 10 جنيه يا استاذ احمد والف شكر يا جماعه انا تحت امركم في اي خدمه
                      شكرا ياباشا
                      [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                      [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                      Comment


                      • #12
                        coolant لاقيت نوعين
                        نوع ماركة ابرو - زى علبة الكانز - مكتوب عليه صناعة امريكية سعره 12 جنيه
                        نوع تانى مش فاكر اسمه ايه بس عبارة عن علبه بلاستيك شفافة - ومكتوب عليه صناعة امريكية بـ 10 جنيه

                        مين النوع المجرب من الاعضاء وبيثقوا فيه وفعلا اصلى ومش مضروب ؟
                        [SIGPIC]http://www.nilemotors.net/Nile/signaturepics/sigpic82537_6.gif[/SIGPIC]

                        [URL="http://www.nilemotors.net/Nile/248610-o-oo-oo-o.html"][SIZE=4][COLOR=RoyalBlue][COLOR=Magenta]◄O*oo[/COLOR] غرائب [COLOR=Red]&[/COLOR] وعجائب مدهشة فى عــــــــ [COLOR=Blue]الســيارات[/COLOR] ــــــــــــــــــالــــم[COLOR=Magenta] oo*O►[/COLOR][/COLOR][/SIZE][/URL]

                        Comment

                        Working...
                        X