عمرة كاملة - نصف عمرة - أم تغيير ما هو تالف فقط؟

[msm1st]

السادة أعضاء المنتدى
بعد الشكر على المساعدة و المشورة
أمتلك فيورا 1984 ومؤخرا لاحظت وجود دخان أبيض كثيف من الشكمان فطلب الميكانيكي عمل عمرة كاملة مع تغيير دسك و اسطوانة الدبرياج علما ب،ي قمت بعمل عمرة كاملة بدون تغيير طلمبة الزيت منذ أقل من 70000كم و لكن العربية خرجت من العمرة بتاكل زيت!!! وذلك في اعتقادي بسبب قلة ضمير الصنايعي اللي عملها.

سؤالي هو : هل لابد من تغيير الصبابات و طلمبة الزيت و اسطوانة الدبرياج أم يكفي تغيير الشنابر و الجوانات علما بأن سحب الموتور جيد جدأ ولا أعاني سوى من نقص الزيت بفظاعة بالإضافة للدخان الأبيض.

شكرا مقدنا لكل من يقوم بالرد والمشورة.

[Adham]

لابد من حل وش السلندر الاول و معاينة الموتور من الداخل
ان كانت الشمايز كويسة وللا فيها عتب و اذا البساتم مبوشة بالاضافة لفحص حالة وش السلندر الصبابات كويسة

و اذا كانت الشمايز معتبة و البساتم مبوشة او احداهما يفضل ساعتها عامة ان تقوم بتغيير طقم صباب و عمل قواعد و دلايل لهم بالاضافة للرودية
و تغيير طقم الشنبر - واذا كان الشمايز فيها عتب يبقى كمان خرط شمايز او طقم بستم
وتغيير السبيكة و خرط الكرنك ان كان يحتاج

و طبعا في الحالة دي يبقى موتور استيراد احسن و اسهل و ارخص (شراء العبد ولا تربيتة)

لكن الموضوع ممكن يتلم بسهولة لو كانت الشمايز مافيهاش عتب و لا يوجد بوش في البساتم
يبقى ساعتها شنبر و سبيكة و قواعد و دلايل او مايلزم منهم ودي كلها تكلفتها مش كبيرة

الاسطوانة و الدسك لو كانت بس فيها مشكلة دبرياج
يعني العربية بتعلى و ماتسحبش بسبب تآكل الاسطوانة
لكن لا علاقة بين العمرة و الاسطوانة و الدسك اذا كانوا كويسين
يعني بالبلدي كدة الاسطوانة و الدسك في الفتيس مش في الموتور و مالهمش دعوة بالعمره

[msm1st]

لابد من حل وش السلندر الاول و معاينة الموتور من الداخل
ان كانت الشمايز كويسة وللا فيها عتب و اذا البساتم مبوشة بالاضافة لفحص حالة وش السلندر الصبابات كويسة

و اذا كانت الشمايز معتبة و البساتم مبوشة او احداهما يفضل ساعتها عامة ان تقوم بتغيير طقم صباب و عمل قواعد و دلايل لهم بالاضافة للرودية
و تغيير طقم الشنبر - واذا كان الشمايز فيها عتب يبقى كمان خرط شمايز او طقم بستم
وتغيير السبيكة و خرط الكرنك ان كان يحتاج

و طبعا في الحالة دي يبقى موتور استيراد احسن و اسهل و ارخص (شراء العبد ولا تربيتة)

لكن الموضوع ممكن يتلم بسهولة لو كانت الشمايز مافيهاش عتب و لا يوجد بوش في البساتم
يبقى ساعتها شنبر و سبيكة و قواعد و دلايل او مايلزم منهم ودي كلها تكلفتها مش كبيرة

الاسطوانة و الدسك لو كانت بس فيها مشكلة دبرياج
يعني العربية بتعلى و ماتسحبش بسبب تآكل الاسطوانة
لكن لا علاقة بين العمرة و الاسطوانة و الدسك اذا كانوا كويسين
يعني بالبلدي كدة الاسطوانة و الدسك في الفتيس مش في الموتور و مالهمش دعوة بالعمره

شكرا على الاهنمام

كلام جميل كلام معثول مثدرش أثول حاجة عنه

بالنسبة للإسطوانة والدسك تمام زي ما أ نا فاهم ولكن ما سر اصرار الصنابعبة على تغببرهم مع العمرة؟ هل هو الحصول على قطع الغيار القديمة و إعادة بيعها؟
لا أفهم ما هو بوش البساتم؟ ممكن توضيح؟
شكرا ا. أدهم على اهتمامك

[shoudy2005]

هو من الأفضل تغير دسك و اسطوانه الدبرياج مع العمره زى ما بيتغير طلمبه الزيت حتى لو كانت سليمه حتى تضمن افضل اداء من المحرك و علشان ميتضرش انو يفك المحرك و يغير الأسطوانه بعد فتره طالاما المحرك اتفك يبقى يغير كل حاجه تتغير احسنلك و اسهل للميكانيكى بس عادى لو مش عايز يغيرلك اسطوانه الدبرياج براحتك انا اصلآ باخد قطع الغيار القديمه اللى كانت راكبه

[Adham]

بوش البساتم يعني انة البستم يكون متآكل و بالتالي مش محكوم جوة الشميز

يعني لما تحل وش السلندر و تحرك وش البستم بايدك تلاقية مبوش جوة الشميز

و احيانا تحط شوية مياة فوق البستم لو لقيتها نزلت يبقى البوش كبير و الشنابر كمان عاوزة تتغير
لكن لو المياة فضلت لفترة يبقى البستم محكوم في الشميز



الوضع مختلف بين تغير طلمبة الزيت و تغيير السطوانة و الدسك

حيث ان الطلمبة جوة الموتور (داخل كارتيرة الزيت) يبقى من الافضل تغييرها و الموتور محلول
والأهم كمان ان طالما العربية بتتعمر يبقى العمر الأفتراضي للطلمبة انتي
و لو ماتغيرتش و كان ضغطها ضعيف حاتؤدي لتلف الموتور
يبقى ضروري تتغير مع عمرة الموتور المعتادة
لكن لو افترضنا انة حدث خلل مفاجيء في اداء الموتور و هو لم يصل لموعد العمرة بالاهلاك المعتاد يبقى ماتتغيرش
اما الاسطوانة و الدسك فدول في الفتيس و مالهمش دعوة بعمرة الموتور لأن الأسطوانة و الدسك مش جوة الموتور و انما برة بينة و بين الفتيس