ارجوا الافادة بسرعة جدا جدا من خبراء سيفك 92

[fakor]

معايا سيفك 92 DX اوتوماتيك 1500 هاف انجكشن ماشيه كويس و الحمد لله بس ظهرتلى حاجة غريبة اولا مؤشر عداد السرعة اول ما ادور العربية بيقعد يترقص من 0 الى 220 لغايت ما اخلص مشوارى و ابطل العربية وسعات يتظبط شوية و انا ماشى ويرجع تانى او يفضل على الصفر ما يتحركش
ثانيا و انا ماشى مرة وحدة بيظهرلى لمبتان فى التبلوة وحدة صفرة Check , الثانية حمراء SRS , اول ما بشفهم با بطل العربية و ادور ثانى يختفوا على فكرة دول المبتان الى بينوروا اول ما افتح الكونتاكت
معلش تولط عليكم ارجو الافادة

[Ahmad Allawy]

اللمبتين دول واحدة بتاعت فحص المحرك..
و التانية بتاعت الاير باج..
موضوع عداد السرعة ده شوف ممكن يكون الواير بتاع السرعو مش راكب كويس.. او باظ و عايز يتغير..
ممكن يكون لمبة التشك.. بتنور عشان كده..؟؟؟.... انا مش عارف.. الله اعلم..

[farahat]

أظن عدد السرعة في العربية دي إلكتروني مش wire، خصوصاً إنه بيتحرك في مدى واسع ، لو كان wire و بايظ كنت هتلقيه بيتنطط في مدى صغير يعني مثلاً تلاقيه ييجي عند ٥٠ و تلاقيه يتنطط بين ٤٠- ٧٠ .
حكاية check مع SRS دي معناها في مشكلة في دايرة ال-airbag ، و هنا عندي سؤال ؟ .. هي العربية دي كم airbag ؟ و هل كان فيها حاجة فتحت قبل كدة لا قدر الله ؟
نصيحتي قبل ما تفكر و تدخل في شغل كبير رجع الاول على تربيط قواطيش البطارية و نضفها كويس (ممكن تعمل مشاكل ذي كدة مع ال-ECUs في العربية و منها ال-airbag ) ، و اتأكد إن مفيش لعب اتعمل قريب في كهربة العربية لأنه ممكن يتسبب في مشاكل ذي المشاكل دي

[fakor]

هو انا كان باظ عندى او اتقطع بمعنى اصح الشريطة الى فى عجلة القيادة التى توصل الكهرباء للكالكس و الايرباج و رحت الوكالة و جبت واحدة و غيرتها

[farahat]

يبقى إحتمال كبير تكون مش متركبة كويس ، أو التوصيل بتاعها مش جيد عشان كدة بتوصل ساعات و ساعات ، إرجع للتوكيل تاني و خليهم يراجعوا توصيلاتها