هو ممكن وش السلندر بس من غير سخونه؟؟

[beshomilan]

كان ليا استفسار
انا عارف ان اعراض وش السلندر هى فقاقيع فى الميه وان الميه تعمل زى الطحينه
بس ممكن مع وجود الاعراض دى ميكونش فى سخونه بتاتا ولا نقصان فى الميه خالص فى العربيه؟؟

[beshomilan]

السؤال صعب كده؟؟

[YHYAKOTB]

اة ساعات المياة بتدخل على السلندر نفسة فبتبرد احسن من الاول كمان
هى الاعراض عند حضرتك اية بالظبط ؟

[Dr.A.Nabil]

لو الوش مقفع لازم المياه هاتنقص مالهاش حل تاني

[alzelafy]

وش السلندر 3 حالات و الحمد لله مريت بيهم ..... اول حاله الطحينه كما يقال عليها و هى دخول المياة على الزيت و الزيت على المياة الاتنين بيقتحو على بعض و دة من جوان وش السلندر او الوش يقفع و دة بتلاقى دورة المياة زى الطحينه كدة و الزيت بردو .......... الحاله التانيه تلاقى قربه المياة فيها فقاقيع و دة ممكن العربيه تمشى بيها بس بلاش تدوس جامد ريح الغيارات اوى عشان متسخنش ............... الحاله الثالته المياة تنزل من الشكمان ... تبص على الشكمان تلاقيه بينقط ميه يبقى الجوان بردو ضرب و دى انا شفتها بعينى لما فكيت الوش ... شفت الجوان متاكل من ناحيه مجارى المياة و بتنزل على السلندر و منو على الشكمان ... و بتمشى بالعربيه بردو بس تواليها بالمياة على طول ..... بس ما تعملش زى اخوك فضلت ماشى 6 شهور على كدة لحد ما بقيت احط المياة و العربيه دايرة الاقى الشكمان عامل زى خرطوم المياة و هب ينزلها فورى و كان منظر مضحك و الله ........... وربنا يبعد مشاكل وش السلندر عن العربيات يا رب عشان شغلو سهل بس رخم

[beshomilan]

اة ساعات المياة بتدخل على السلندر نفسة فبتبرد احسن من الاول كمان
هى الاعراض عند حضرتك اية بالظبط ؟

هى عند صديق ليا
الميه عنده مبتنقصش والزيت عادى جدا ومبينقصش ولونه عادى والعربيه مبتسخنش نهائى
هو بس خد باله ان مره العربيه سخنت والمؤشر على فوق النص بحاجة بسيطة فركن وفتح الكبوت واكتشف ان غطا الريداتير مش محكم كويس فالميه اتبخرت واتدلقت من جواه طول ماهو ماشى فأستنى شويه لحد مابردت ودور وزود ميه فلقى فقاقيع بتطلع من فتحة الريداتير قدامه وداس بنزين وهو بيزود ميه ولقى الفقاقيع بتكتر ولقى زى ريم كده على وش الميه لونه ابيض بس خفيف
بس وخلص وقفل الريداتير والعربيه زى الفل مبتسخنش نهائى حتى فى وسط الزحمه والحر

لو الوش مقفع لازم المياه هاتنقص مالهاش حل تاني

معندوش نقصان ميه

وش السلندر 3 حالات و الحمد لله مريت بيهم ..... اول حاله الطحينه كما يقال عليها و هى دخول المياة على الزيت و الزيت على المياة الاتنين بيقتحو على بعض و دة من جوان وش السلندر او الوش يقفع و دة بتلاقى دورة المياة زى الطحينه كدة و الزيت بردو .......... الحاله التانيه تلاقى قربه المياة فيها فقاقيع و دة ممكن العربيه تمشى بيها بس بلاش تدوس جامد ريح الغيارات اوى عشان متسخنش ............... الحاله الثالته المياة تنزل من الشكمان ... تبص على الشكمان تلاقيه بينقط ميه يبقى الجوان بردو ضرب و دى انا شفتها بعينى لما فكيت الوش ... شفت الجوان متاكل من ناحيه مجارى المياة و بتنزل على السلندر و منو على الشكمان ... و بتمشى بالعربيه بردو بس تواليها بالمياة على طول ..... بس ما تعملش زى اخوك فضلت ماشى 6 شهور على كدة لحد ما بقيت احط المياة و العربيه دايرة الاقى الشكمان عامل زى خرطوم المياة و هب ينزلها فورى و كان منظر مضحك و الله ........... وربنا يبعد مشاكل وش السلندر عن العربيات يا رب عشان شغلو سهل بس رخم

كل ده مش عنده بس انا اعرف ان نقط الميه اللى بتنزل من الشكمان فى بدايه التشغيل دى دليل على صحة الماتور