مشكلة فرامل

[dr_abooody]

عندي عربية 128 موديل 85
المشكلة ان العربية لما بكبس فرامل مفاجئ او بدوس جامد شوية بلاقي العربية بتحدف شمال
المهم رحت للميكانيكي قالي دة تيل راح مغير 2 امامي و 2 خلفي و ظبط الهوا و جبنا زيت فرامل كانت ازازة كدا معدن و شكلة نضيف اوي و كان غالي

المهم جربت الفرامل لقيها كويسة
دلوقتي جيت امبارح كدا لقيت العربيات و قفت فجاة دوست فرامل جامد شوية لقيها بتمسك بس العربية بتحدف شمال كدا
ما هي اسباب الحدفة دة مع العلم ان الزوايا متظبطة و العربية بتمشي زي المسطرة و مش بتحدف

هل دة عيب مواسير و لا ماستر عمومي انا شاكك فية فهل فعلا دة السبب

و لا من الطبيعي ان العربية بتحدف مع العلم انها بتحدف على السرعات اعلى من 60 او 80
انا بصراحة بقيت امشي على مهلى عشان خايف يطلع حاجة لاقي نفسي دخلت في اللي جنبي
و الحدفة دة حصلت كتير لأستثناك و جود زيت او رمل او اي حاجة على الطريق

و \الرجاء سرعة الرد

[MotorX]

شيك على العفشة والمساعدين

[FLYINGPEUGEOT]

اكشف على بلى العجله الشمال
وخللى الميكانيكى يعمل للماستر اليمين اختبار كبس
والماستر العمومى ملوش دخل ممكن تكون المواسير فيها حاجه

[dr_abooody]

بس هما مفيش شهر مظبط العفشة كلها زي ما انا كاتب 2 مساعد امامي و مقص و ربطت و دخلت ظبط زوايا علطول في نفس الورشة و كلة تمام
هي بتحدف قبل ما اظبط العفشة و بعد ما ظبطها
يبقي المشكلة في الفرامل و انا غيرت 4 تيل 2 امامي و 2 خلفي و حطيت زيت من شهر بردة

مش عارف كدا ماستر عمومي و لا المواسير فيهم مشاكل بس انا مغير اللي ورا ييبقى كدا اللي قدام عايزين يتغيروا ؟؟؟؟

[dr_abooody]

اكشف على بلى العجله الشمال
وخللى الميكانيكى يعمل للماستر اليمين اختبار كبس
والماستر العمومى ملوش دخل ممكن تكون المواسير فيها حاجه

بس العربية بتمشي مسطرة مش بتحدف انا اعتقد ان البلي دة ممكن ما يكونش السبب

[ahmedsrs]

اكشف على الكليبارات او المكابس بتاعت الفرامل اليمين والشمال

[dr_abooody]

طب انا جيت في شارع فاضي النهردا و جبت 80 و كبست فرامل بس محصلش الحدفة الشمال دة ؟؟؟؟؟؟؟؟؟؟؟؟

هل ممكن الحكاية دة تحصل في اوقات و ما تحصلش في اوقات تانية ؟؟؟؟؟؟

طب اية السبب كدا انا اتخنقت و الميكانيكي يجي يجرب يلاقيها كويسة بس و قت المفاجئات في الشارع تقوم تحدف شمال بس

انا عايز تفسير للكلام دة

[FLYINGPEUGEOT]

وساخه فى مواسير الزيت

[wwael12345]

اذا كان الموضوع بعد مسيرة المسافات الطويلة
دا بيرجع للطنابير ممكن بها حلزون من التيل القديم مما يسخن التيل مع المسافة
و بالتالى بتضغط على الطنبورة مع الحرارة

[dr_abooody]

اذا كان الموضوع بعد مسيرة المسافات الطويلة
دا بيرجع للطنابير ممكن بها حلزون من التيل القديم مما يسخن التيل مع المسافة
و بالتالى بتضغط على الطنبورة مع الحرارة

ممكن تفسرلي اكتر

اصلي السنة اللي فاتت عملت تخشين للطنابير اللي قدام و غيرت بعديها التيل و كانت ناشفة و سيئة و بعدها بسنة غيرت التيل تاني من شهرين كدا بس الجديد كويس جدا و طري

[teto2007]

المشكلة دى احتمال كبير جدا ان خراطيم الفرامل القدامنيين فيهم تلف اكشف عليهم