صوت التاكيهات عالى بعد عمرة الموتور

[magedm2007]

صباح الفل
انا عندى عربية 127 مو 82 وعملتلها عمرة من حوالى شهرين والعربية زى الفل ورحت بيها اسكندرية مرتين والموتور زى الفل
المشكلة الوحيدة اللى قبلتنى ان الموتور صوتة عالى وانا جوة العربية وماشى بيها بسمع صوت التاكيهات ومش عارف اية السبب مع العلم انى الصوت دة مكنش موجود قبل لما اعمل عمرة مع العلم بردة انا مغير الكستبانات طقم جديد والصبابات ومش عارف سعر علو صوت التاكيهات
ارجوا الافادة
وشكرا

[sab3aawy]

للاطمئنان فقط اقترح عليك انك تزور ميكانيكى يفك لك وش التاكيهات ويكشف لك على عمود التاكيهات وتكمن ان جلب التاكيهات سليمة ومافيش تاكيه بيلق فى الجلبة بتاعته ، وهى شغلانة هتاخد 10 دقائق ، وممكن تعملها بنفسك لو انت ليك فى الميكانيكا

لو عمود التاكيهات فيه اى بوظان غيره، تمنه استيراد فى حدود من 100 الى 150 جنيه

لو عمود التاكيهات سليم يبقى استنى لحد ما تعمل 3000 كيلومتر بعد العمرة واظبط تاكيهات تانى عند متخصص تاكيهات، التكلفة حوالى 30 جنية

[MOHAMED ABD EL SHAFY]

**************
حلوة دى اوى
دا فعلا عشان كل واحد عاوز فى العربية تكون كذا وكذا وتعمل كذا وتجرى على سرعة كذا وفيها التحكم الفلانى وفيها ثبات وفيها وفيها .................الخ

========
تنبيه للعضو بعدم السخرية من الأعضاء
وشكرا

[magedm2007]

مش فهمك يا استاذ محمد مالك بتتريق لية على عربيات الخلق مش عارف ترد او مش عايز ترد متردش خالص يكون احسن
وشكرا

[MOHAMED ABD EL SHAFY]

يا استاذ ماجد انا والله لم اقصد السخرية ابدا من حضرتك اطلاقا
انا عجبنى الكلام اللى كاتبة استاذ سبعاوى باللون الازرق فعلقت عليه
يعنى انت شفت كلامى انا اللى اخذة كوبى وبيست ومشوفتش الكلام باللون الازرق فى مشاركة استاذ سبعاوى؟
انا عجبنى الحكمة دى فعلقت عليها وانا فهمت قصدة فوضحته وعلقت عليه
الكلام غير موجه لحضرتك ابدا والله دا كلام عام
يعنى ببساطة معناه اللى عاوز يشترى عربية جديدة وتكون فيها البدع كلها وميستحملش عيوبها يبقى يستنى بقى زى ما الحكمة بتقول للراجل استنى لما قاضى المدينة ينسخط حمار عشان تشترية
انت بس مركزتش ومعرفتش ايه المقصود
وبعدين العربية ال 127 عربية كويسة اوى وعمليه جدا انا ليا زملاء بالعمل ممكن يشتروا بى ام ومرسيدس بسهولة بس راكبين 127 وسالت واحد فيهم قالى الاتى :
- استهلاك بنزين اقتصادى جدا
- قطع غيار ممكن تجيبها من اى شارع انت واقف فيه
- سعر قطع الغيار ولا حاجة رخيص اوى
- بتوديك وتجيبك
- مبيخافش عليها من الركنة او تتخبط او اى حاجة
- اى واحد معدى فى الشارع بيفهم فيها مش محتاج توكيل وحجز وادفعلى 2000 او 3000 فى الصيانة ب 20 او 30 جنية الميكانيكى يظبطها

دى مميزاتها وانا مبتريقش عليك ولا على السيارة ولا حاجة اللى عجبنى بس الحكمة فعلقت عليها
شفت بقى انت ظلمتنى ازاى :huh:

[MOHAMED ABD EL SHAFY]

**************
حلوة دى اوى
دا فعلا عشان كل واحد عاوز فى العربية تكون كذا وكذا وتعمل كذا وتجرى على سرعة كذا وفيها التحكم الفلانى وفيها ثبات وفيها وفيها .................الخ

========
تنبيه للعضو بعدم السخرية من الأعضاء
وشكرا

انا لم اسخر من احد
انت بس اللى ما شوفتش نفس الكلام فى المشاركة بتاعت استاذ سبعاوى
انا نقلته وعلقت علية وليس المقصود بة الزميل صاحب المشاركة
انتم بس فهمتوا غلط وانا بقى اللى زعلان
ولو كتبت ليا باللون الاحمر يبقى لازم بالعدل ترد على مشاركة استاذ سبعاوى بنفس الطريقة عشان يبقى كدا هوا العدل

[YaSSerwIN]

هو فعلا زى ما أستاذ سبعاوى قالك

انا لسا معمر بردك زيك 127 وفعلا ً قالولى امشى بالعربية كتير

وفى الأخر بيتم ظبط التاكيهات ودلوقتى بقا صوتها خفيف جدا ً

هو ممكن يظبطهالك دلوقتى ويخليلك صوتها مش باين بس هتلاقى العربية بتسخن منك فى السفر

[sab3aawy]

ملحوظة بسيطة،: الكلام اللى كان بالأزرق هو جملة التوقيع الخاصة بى وبالتالى هى كانت ظاهرة فى كل مشاركاتى وليس المقصود بها موضوع بذاته

عموما انا غيرت التوقيع من فترة

[MOHAMED ABD EL SHAFY]

حصل خير بس كانت حكمة جميلة والله ياسبعاوى