العيب من الطلمبة ولا البوجيهات ؟؟ رأيكم بسرعه

[hanzcanz]

اخوانى
فى مشكله عندى ومش عارف سببها
أولا: منسوب البنزين فى الفلتر بقى قليل جدا عن زمان ولا يتعدى حاليا الربع واقل شويه كمان
ثانيا: العربيه بتدور بالعافيه لما تبرد (مش شرط صباحا فقط) يعنى فى اى وقت سبتها ساعتين تلاته وبردت اجى ادورها تضرب باكات فاير من قدام (الكربراتير).
ثالثا: تدور من اول مره لو فكيت العمه وحطيت شويه بنزين فى الكربراتير (تقريبا البنزين بيطير او بيرجع من الكربراتير لما العربيه تتساب لحد ما تبرد).
رابعا: انا شاكك فى حاجتين لا ثالث لهم (طلمبه البنزين - البوجيهات)
ايه رأيكم افادكم الله ؟؟
معلش سؤال بسيط : ليه طلمبه البنزين عندى واخده كابل أرضى؟ السياره 127 فيورا هل دا طبيعى ولا الطلمبه دى كهراباء أو ميكانيكيه؟
وشكرا

[abokoko]

متابع للمعرفة

[MOHAMED HASAN]

عيب نقص البنزين دا طلمبة و تاخير دوارة دا الكربرتير و بردو وديها لصناعيى شاطر
والله المستعان

[ofaashash]

بص خليك معايا وان شاء الله ح تتحل اصل الموضوع ده بيحصلى يجى مرتين في السنة
اولا : اختبر ضغط طلمبة البنزين ازاى والعربية دايرة فك الخرطوم الداخل للفلتر والخارج من الطلمبة وشوف ضغط البنزين الخارج قوى ولا ضعيف
ثانيا : لو الخطوه الاولى تمام يبقى في تسريب بنزين من الكربيراتير وممكن بالنظر تحدد مكان التسريب وغالبا ح يكون من عند جلدة الرداخ والحل فكها لو مقطوعه غيرها لو مش مقطوعة نظف مكانها وضع على الداير قليل من الشحم لمنع لأحكام الربط ثم اربط على جلدة الرداخ مرة اخرى ........ وطمنا