تزييق في العفشة بعد ما ببطل العربية !!!!!!!!

[Michael Torky]

يا جماعة مشكلة عندي بقالها حوالي اسبوع وبصراحة اول مشكلة تحصل ومبقاش عارف سببها ايه ولا جاية منين اصلا

بعد ما برجع من الشغل وده مشوار طويل اول ما بقف بالعربية لأول مرة بسمع صوت تزييق جامد في العفشة والعربية واقفة وبحس بالتزييق ده تحت رجلي .. وبيفضل شغال شوية بعد ما ابطل العربية .. بس صوت مزعج جدا ويخوف جدا

ولو وقفت بالعربية والصوت ده اشتغل اول ما بتحرك بيها تاني في نفس الوقت بيشتغل على الاول والتاني وانا ماشي وبيأثر على سرعة العربية

حد يفيدني يا جماعة ويقولي الصوت ده سببه ايه وجاي منين اصلاً

تحياتي للجميع

[aldesha989]

والله فى اسباب كتير للتزيق بس انتا بتقول بيأثر على السحب

بص انا هقولك حاجه انا لما كنت بحط بنزين 92 كنت بسمع صوت خشونه وكركبه فى المكنه بشكل مخيف ولما رجعت ل 90 كله رجع لاصله ده اولآ

تانى حاجه انتا بتقول الصوت جاى تحت رجلك وده ممكن يكون ديسك واسطوانه لان الخشونه او التزيق اللى بتقول عليه ده تزيق ممكن يكون بلية دبرياج وخصوصآ انه بيظهر على الاول والتانى نفس الاعراض اللى كانت بتظهر قبل معايا قبل ما اغير الطقم كانت بلية الدبرياج طالعه خشنه جدآ وكنت كل ما اطلع مشوار والعربيه تسخن واقف فى زحمه واطلع اولانى كانت فى خشونه ورجرجه كأنك دايس فرامل كمان

فا فى اعراض كتير اوى ولازم ليها تجربه

[ashraf_sms]

راجع علي كهربة العربية لان العربية والكهربة بتاعتها مش مظبوطة الاسبراتير يعني بيرج العربية جامد بعد ما بتقف

[Michael Torky]

والله فى اسباب كتير للتزيق بس انتا بتقول بيأثر على السحب

بص انا هقولك حاجه انا لما كنت بحط بنزين 92 كنت بسمع صوت خشونه وكركبه فى المكنه بشكل مخيف ولما رجعت ل 90 كله رجع لاصله ده اولآ

تانى حاجه انتا بتقول الصوت جاى تحت رجلك وده ممكن يكون ديسك واسطوانه لان الخشونه او التزيق اللى بتقول عليه ده تزيق ممكن يكون بلية دبرياج وخصوصآ انه بيظهر على الاول والتانى نفس الاعراض اللى كانت بتظهر قبل معايا قبل ما اغير الطقم كانت بلية الدبرياج طالعه خشنه جدآ وكنت كل ما اطلع مشوار والعربيه تسخن واقف فى زحمه واطلع اولانى كانت فى خشونه ورجرجه كأنك دايس فرامل كمان

فا فى اعراض كتير اوى ولازم ليها تجربه
__________________

بص يا باشا انت تقريبا وصلت للسبب وهو الديسك والاسطوانة عشان العربية بتعمل معايا نفس الحوار ده لما بتسخن في الزحمة بترجرج جامد وانا طالع ع الاول لكن بالنسبة للبنزين انا بحط 92 ومفيش اي صوت في الموتور الحمد لله .. وبعدين دلوقتي مفيش 90 اساسا :d

[Michael Torky]

راجع علي كهربة العربية لان العربية والكهربة بتاعتها مش مظبوطة الاسبراتير يعني بيرج العربية جامد بعد ما بتقف

انا لسه مظبط الكهربا كلها والله والحمد لله مفيش رجة في العربية هو الصوت عبارة عن تزييق بس من غير حركة وغالباً هيكون طقم دبرياج فعلاً

[Michael Torky]

والف شكر يا رجالة على الردود وان شاء الله هغير طقم الدبرياج واقولكوا اللي حصل

[akmm]

متابع ,