مشكلة حدثة بعد تغير البوجيهات

[waleed_home]

بعد ما غيرت البوجيهات (كانت عاملة اكثر من 10000كيلو) Denso وركبت NGK بمقاومة اشتريتها من التوفيق ال فى السيدة زينب وجدت الأتى :
1- يوجد تنتيش بسيط بعد ما انقل الغيار وخصوصا الغيارات الأقل من الرابع
2- يوجد تنتيش لو سبت العربية تمشى سلانسية سواء على الأول او التانى
3- التنتيش بيزيد مع تشغيل المكيف
مع العلم ان :
1- مع البوجيهات القديمة مكانش فيه تنتيش بس انا كنت بحس ان السحب ضعيف نسبيا .
2-ولما فكيت البوجيهات القديمة وجدتها مهببة
3-السيارة لانوس 2 عاملة 55000 كم

[ahmed1981]

أظن المشكلة ليست من البوجيهات
راجع على نظافة الرشاشات وسلامة الحساسات

[waleed_home]

انا لسة منضف الرشاشات من حوالى 3 اسابيع بمنظف الرشاشات ال بيتحط على البنزين
ولمبة check مش بتنور

[Adham]

ممكن البوجيهات دي واخدة رطوبة
او تكون فتحة خلوص البوجيه واسعه ( مش مضبوطة)

وممكن الأيدل عاوز تنضيف

و ممكن عيب رشاشات

ماينفعش الكلام كدة لازم تتشاف عند فني محترف

بس أنا رأيي تبتدي بمراجعه البوجيهات اللي انت غيرتها و تشوف الاسلاك بين البوبينتين و بينها

[mohamed ibiza]

انا رأيي حط العربية علي الكمبيوتر عشان تكتشف العطل دي اسهل و اسرع طريقة

[S H @ F T]

راجع على فتحة البوجيه (المفروض 1.1 مم)
لو مظبوطة يبقى سلك بوجيهات

[eldeplomasy]

طيب انا عندي سؤال جانبي في عربيتي الشاهين موديل 2006 ال1600 سي سي غيرتلها بوجيهات شامبيون من اٌل من 10000 كيلو بس من اكتر من 6 شهور فهل اغيرها ولا لما اكمل 20000 كيلو؟؟؟

[yyy]

بعد ما غيرت البوجيهات (كانت عاملة اكثر من 10000كيلو) Denso وركبت NGK بمقاومة اشتريتها من التوفيق ال فى السيدة زينب وجدت الأتى :
1- يوجد تنتيش بسيط بعد ما انقل الغيار وخصوصا الغيارات الأقل من الرابع
2- يوجد تنتيش لو سبت العربية تمشى سلانسية سواء على الأول او التانى
3- التنتيش بيزيد مع تشغيل المكيف
مع العلم ان :
1- مع البوجيهات القديمة مكانش فيه تنتيش بس انا كنت بحس ان السحب ضعيف نسبيا .
2-ولما فكيت البوجيهات القديمة وجدتها مهببة
3-السيارة لانوس 2 عاملة 55000 كم

غالبا البوجيهات دة مضروبة..شيلها وحط الطقم القديم تانى..هاتلاقى العيب دة راح

[pointer]

حضرتك ممكن تراجع الموضوع ده فيه حجات مهمه للغايه في موضوع البوجيهات وتغييرهم وانوعهم وخلافه وهتلاقي الرد باذن الله

اعرف نوع ومقياس البوجه وحوله من نوع للاخر من كوده

[waleed_home]

الف شكر يا جماعة على الردود والمساعدة وانا فعلا هبدأ بمراجعة البوجيهات وتركيب الطاقم القديم وهشوف ايه النتيجة وابلغكم بيها

[ahmedsrs]

ارجع للقديمة لو المشكلة اتحلت يبقى البوجيهات مضروبة لو متحلتش يبقى راجع على السلوك

[moby]

ده غالبا سلك البوجيهات قطع أثناء تغير البوجيهات..
وده بيحصل كثير لأن السلك بيكون لاصق فى البوجيه ومع الشد بينقطع أو بيهرب كهرباء..

[wagbr]

انا حصلتلي نفس المشكله والعربيه كلها اتبرجلت هي كيا برايد 1998 وانا ماشي نزلت بسيط كده لقيت سلك بوجيه الاول من ناحيه مكان السواق لقيته ملخلخ خالص جمدت قلبي وقمت مطلع بنسه من العده وقمت قارص علي السلك سنه وركبته في البوجيه تاني مسك وبقي زي الفل واختفي العيب علي فكره انا مهندس الكترونيات تحت التدريب والسلك ده عباره عن سلك عادي بس ليه مقاومه معينه تتناسب مع خامته وطوله وسمكه وفي نهايته بيكون السلك في ترمله عباره عن كلبسه بس هي اسمها ترامل ودي مبتبانش عشان البلاستيك اللي عليها الكفر يعني وعادي جدا انها توسع او تتضيق انا ضيقتها وركبتها في البوجيه وزي الفل مش عارف ده بقي خطر ولا لا ؟

[waleed_home]

فعلا يا جماعة المشكلة طلعت من سلك البوجيهات لأن الميكانيكى وهو بيغير البوجيهات القديمة واثناء الشد السلك انقطع والباشا ركبه من غير ما اعرف .
وانا عاوز اشترى طاقم جديد بس مش عارف منين وبكام ؟

[ahmed1981]

فعلا يا جماعة المشكلة طلعت من سلك البوجيهات لأن الميكانيكى وهو بيغير البوجيهات القديمة واثناء الشد السلك انقطع والباشا ركبه من غير ما اعرف .
وانا عاوز اشترى طاقم جديد بس مش عارف منين وبكام ؟

إشتري طقم سلك بوجيهات كربون إنجليزي
سعره حوالي خمسين جنيه
لكن ممتاز