تموين التانك لحد الزور !

[zakiali]

مره كنت بمون من بنزينة وطينة علي طريق الجيش ولقيت طابور طويل علي البنزين المهم استنيت ولقيت العسكري عمال يسند علي العربيات ويحاول يطبق الصاج بجسمة قرب التانك ويفضل يسيب الننزين لجد ما يتدلدق من العربية ويقع علي الأرض بتاع لتر ولا اتنين ويعمل نفسه مش واخد باله .. المهم لما وصلت لدوري نزلت من العربية عشان ميعملش حركاتة المنفسنة دي لقيته هيسند علي العربية قلتله لا من فضلك متسندش علي العربية عشان لسه ممسوحة .. المهم اتحرق دمه وراح عامل نفسه بيجيب حاجة من زميلة وانا مراقب التانك وفضل سايبه لحد ما وصل للزور رحت ساحب الخرطوم وراميه علي الأرض ورحت لقائد النزينه حكيتله راح مدوره مكتب .. هل كده انا أزيت الواد ده ؟ ولا عملت معاه الصح ؟؟
وهل فيه مشكله ان البنزين يوصل لحد الاخر بالطريقه دي ؟؟

شكرااااااا

.

[speed_magnum]

موضوع المسدس اللي ما بيفصلش حصلي كذا مرة في بنزينة وطنيه
وفي مرة اتنرفزت وزعقتلهم جامد بس ما اشتكيتش العساكر بصراحه ولا خصمت منهم فلوس ... العساكر غلابه الله يكون في عونهم
بس بقيت كل مرة امون العربيه باكد على العسكري لو المسدس ما بيفصلش هخصم منك اي حاجه هتقع وبالتالي ما فيش اي حاجه بتقع
....
والاولى بمدير المحطه انه يصلح المسدس بدل ما يدور العساكر مكتب

[HOSSAM99]

طيب أزاي البنزين يوصل للآخر و المسدس ميفصلش
و علي العموم لو حضرتك كنت شايف أنه مش شايف شغلة كويس يبقي يستاهل

[dem0]

اعتذر للخروج عن الموضوع

طيب أزاي البنزين يوصل للآخر و المسدس ميفصلش
و علي العموم لو حضرتك كنت شايف أنه مش شايف شغلة كويس يبقي يستاهل

باشا عسكري الوطنيه مش شغال

ده مجند اجباري براتب شهري بين 70 الى 120 جنيه ووممنوع عنه انه ياخد اكراميه

[aboamina]

اعتذر للخروج عن الموضوع



باشا عسكري الوطنيه مش شغال

ده مجند اجباري براتب شهري بين 70 الى 120 جنيه ووممنوع عنه انه ياخد اكراميه

ياباشا كل العاملين في اي بنزينة مرتباتهم ضعيفة واحيانا بيشتغلوا بدون مرتب وبيعتمدوا اعتماد اساسي على الاكراميات وأولهم العساكر اللي بنزينات وطنية.

[icehearted girl]

انا عندي الزور ضيق جدا ومبيتمليش التانك للآخر والمسدس يفضل يفصل والبنزين ميزدش والعداد بيعد وكأنه بيدخل هوا

فبشاورله ميكملش

[adelghanem]

موضوع المسدس مابيفصلش مش ذنبه
طيب والسنده على صاج العربيه لغاية مايكعمها
ده واحد بيستهبل

[aftr]

طبعا حاجه تدايق الواحد واللى حضرتك عملته هو ده الصح انا كنت فى شركه التامين الموظفة زودت نسبة التامين بضحك معاها بقولها بس مش كده كتير عن السنه اللى فاتت ترد تقول مش عاوز تركب وتتفسح وتكون مبسوط ادفع ثمن كل ده طبعا انا استغربت من الرد نفسه روحت رديت عليها خلاص طلعتى الشحنه اللى عندك وشها جاب الوان الطيف مش عارف البشريه دى هتظبط امته شويه تلاقى واحد ماسك مسمار وجايب العربيه من اولها لاخرها ليه متفهمش شويه تلاقى بتاع توكتوك داخل فيك او بتاع سرفيس يزنق عليك سلوك شعب غريب

[hossam_elwani]

انت عملت الصح

هو احنا ودانا فى داهيه غير التهاون

[besso]

انت صح
مش ذنبه ان المسدس ما بيفصلش اه..... بس هو عارف والمفروض انه يبلغ عن كده
ده اهدار للوقود اللى وقع وسرقه لحضرتك ولغيرك
كمان ده لضمان سمعه البنزينه

هو مش علشان مجند وبياخد اى كلام فى اخر الشهر ما يشوفش شغله دى خدمه بيأديها للبلد بغض النظر عن نوع الخدمه
المهم يأديها بأتقان

امال هو الجيش ظبط وربط ازاى

[HOSSAM99]

اعتذر للخروج عن الموضوع



باشا عسكري الوطنيه مش شغال

ده مجند اجباري براتب شهري بين 70 الى 120 جنيه ووممنوع عنه انه ياخد اكراميه

مجند أو موظف أو أي كان موقعه و غلط لازم يتجازي ده شعب مبيتعدلش إلا أما بتظبط
و لو بينفسن و بيحاول يطلع عقده يتظبط برده
مودناش في داهيه و بقي كل واحد جشع إلا التهاون في الحقوق

حضرتك راجل محترم داخل تمون عربيتك في أمان الله ليه تطلع بيها مجرحه من عفريتة الأخ و لا مسيل علي الدوكو بنزين و لا دافع أكثر من اللي أنت أخدته نتيجة اللي وقع علي الأرض

علي فكره مفيش بنزينة في مصر محدش بيدفع فيها إكرامية ..

خلي بالك الكتابة باللون الأحمر ممنوع

[lad]

كله بياخد اكراميات دا فى كذا بنزينة وطنية بتبيع البنزين ال80 ب جنيه من الاصل

[akmm]

اللى عملته حضرتك هو الصح ولأن التموين للزور بيؤدى الى تلف في علبه البيئه ... وده كلام قاله لى مهندس في التوكيل ودلق البنزين على البويه بتاعه العربيه مره ورا مره بيؤدى في النهايه الى تلف البويه او الدهان وبيبان على الدهان شحوب واصفرار على اللون الأساسى بتاع العربيه ى.

[ehabpopo]

من الاخر هو يستاهل اللى جرا له ... كل واحد فينا عربيتة عزيزة علية جدا ...

[A.Saad]

هو سندته على العربية بتأثر على الزور وتضيقه !!!!!!!