العربيه بتطفي والسبب مجهول (الرجاء الاهتمام)

[mahmoud_afifi]

السلام عليكم

عربية اخويا تويوتا ياريس موديل 2008 اوتوماتيك والعربيه بقالها 10 ايام بتفصل وهي واقفه على السلانسيه. اول حاجه الRPM بيقل والعربيه تترج وبعدين تطفي.
راح التوكيل وطبعا ماعرفوش الحل وكل الي عملوه نضفوا بوابة الانجكشن وغيروا بوجيهات.
في نفس اليوم العربيه كانت برضه بتطفي وهي واقفه. راح لميكانيكي في الحرفيين ونضف البوابه وما جابش نتيجه ومره تانيه غير حاجه اسمها air mass تقريبا وبرضه مافيش نتيجه.
واخر مره غير البوابة وبعدين بقت كويسه شوية وماتفصلش وبعدين رجعت مشكلة الRPM يقل جامد والعربيه تترج وتكركر بس ماتطفيش.

دلوقتي عاوزين نعرف المشكله من ايه ؟
لأنها لو مش من البوابه اخويا هيرجعها ويشوف المشكله جايه من ايه ويغيرها او يصلحها.

[mohammadrashee]

مشكله غريبه
انا حصلت معايا حاجه زي ديه قبل كدهفي عربيتي اللي فاتت كنت عند الميكانيكي وطلعت من عنده ماشي بالعربيه عادي الاقيها بتطفي لوحدها وشويه تشتغل لوحدها دخت غيرت موبينه والكتروني وبوجيهات وفلاتر وطرمبه بنزين
وبعدين طلع العيب ان كابل الأرضي عايز يتربط ههههههههه
في الياريس اللى معايا عملت كده وكمان الباور كا بيقطع غيرت البطاريه مفيش مشكله
بس يعني ايه التوكيل معرفش يروح يخرم عينهم لغاية لما يعرفوا الحل

[HOSSAM99]

الخطوة الأولي الكشف بالجهاز و تعرف الأعطال منين و أكوادها و تبدأ تبحث عن حل المشكلة .
و يا ريت تشرح أي عرض مصاحب للمشكله هل في مشكلة في السحب غير مشكلة السلانسيه ؟ فيه مشاكل في الكهربا أيه أخبار الأرضي و البطاريه
و فيه حاجه حصلت أمامي من فتره لكن مش عايزين نسبق الأحداث و هي إن كنترول العربيه دي عمل نفس الأعراض دي مع واحد و بعدها بشويه العربيه فصلت ما دارتش و غير كنترول و دارت
لو متاح ليك تجرب بكنترول تاني جرب ؟

[eng.m7md.ali]

ممكن سلوك البوجيهات فيها سلك بيهرب

[mahmoud_afifi]

مشكله غريبه
انا حصلت معايا حاجه زي ديه قبل كدهفي عربيتي اللي فاتت كنت عند الميكانيكي وطلعت من عنده ماشي بالعربيه عادي الاقيها بتطفي لوحدها وشويه تشتغل لوحدها دخت غيرت موبينه والكتروني وبوجيهات وفلاتر وطرمبه بنزين
وبعدين طلع العيب ان كابل الأرضي عايز يتربط ههههههههه
في الياريس اللى معايا عملت كده وكمان الباور كا بيقطع غيرت البطاريه مفيش مشكله
بس يعني ايه التوكيل معرفش يروح يخرم عينهم لغاية لما يعرفوا الحل

ههههههههه اهو انا قولت اسأل هنا عشان مش بعد ما نغير نص الميكانيكا نلاقي السبب اهبل

[mahmoud_afifi]

الخطوة الأولي الكشف بالجهاز و تعرف الأعطال منين و أكوادها و تبدأ تبحث عن حل المشكلة .
و يا ريت تشرح أي عرض مصاحب للمشكله هل في مشكلة في السحب غير مشكلة السلانسيه ؟ فيه مشاكل في الكهربا أيه أخبار الأرضي و البطاريه
و فيه حاجه حصلت أمامي من فتره لكن مش عايزين نسبق الأحداث و هي إن كنترول العربيه دي عمل نفس الأعراض دي مع واحد و بعدها بشويه العربيه فصلت ما دارتش و غير كنترول و دارت
لو متاح ليك تجرب بكنترول تاني جرب ؟

هو كشف بس ماطلعش اعطال !! مش عارف بقى ازاي.
وبالنسبه للسحب اوقات بيبقى العربيه مكتومه بس وهي واقفه وهتتحرك. انما لو ماشي عادي مفيش مشاكل في السحب وبتجري عادي.
بالنسبه لمشاكل الكهربا مش عارف. هو ماكشفش على الكهربا. تفتكر المشكله من ايه عشان اخويا يقول للكهربائي او الميكانيكي ؟

بالنسبه للكنترول صعب جدا وهيكون مكلف واحنا مش متأكدين.
شكرا على ردك يا حسام باشا

[mahmoud_afifi]

ممكن سلوك البوجيهات فيها سلك بيهرب

ده بيأثر عليها وهي واقفه بس ولا حتى وهو ماشي ؟
لأن لو حتى وهو ماشي يبقى المشكله مش منها على ما اعتقد. بس هقوله يشوفها برضه.
بس دي بتتغير ولا ايه ؟

[HOSSAM99]

طيب هل لما غيرتو البوابه كانت بحساساتها TPS و idle و لا غير بوابة فاضيه ؟
و هل راجعت علي فيش حساس idle و Tps و أتأكدت من السلوك أنها واصله
و معلش خليك صبور هو ده عيب الياباني و الكوري في الكشف بتبقي العربية بتتنطط و الكمبيوتر مش قاري العطل

[mahmoud_afifi]

طيب هل لما غيرتو البوابه كانت بحساساتها tps و idle و لا غير بوابة فاضيه ؟
و هل راجعت علي فيش حساس idle و tps و أتأكدت من السلوك أنها واصله
و معلش خليك صبور هو ده عيب الياباني و الكوري في الكشف بتبقي العربية بتتنطط و الكمبيوتر مش قاري العطل

مش عارف والله. ماكنتش مع اخويا وهو بيغيرها واخويا مالهوش في العربيات قوي.
هخليه يسأل الميكانيكي لما يروحله النهارده ان شاء الله

والله انا صبور بس المهم انت تبقى صبور معايا في المشكله دي هههههههه
حبيبي والله