سؤال عن علبة الشكمان

[medohai510]

السلام عليكم،،،
من فترة ظهر صوت عالي للشكمان بتاع العربية الرينو الكليو فرحت لبتاع الشكمانات فنزل تحت العربية وخبط العلبة الأولي بعد الفلتر(الكتاليت) فعملت صوت زي ما يكون حاجة جواها كأنها زلطة فقالي عايزة علبة (الاستثماري أنتاج شركة الاسكندرية بتعمل 130 جم والمصري العادية بتعمل 60 جم) والفرق أن الاستثماري مبتعملش صوت خالص (كما قال).
أرجو الافادة لو حد عندة معلومة، وشكراً

[FLYINGPEUGEOT]

تقصد الكتاليزر ؟....احنا بنلغيها اصلا وبنريح دماعنا....بتريح الموتور ودرجة الحراره
بس على مااعتقد ان الكتاليزر بتاع الكليو عليه سينسور...فلو لاغيتو ممكن يطلعلك سينسور ايرور....فانت خليه زى ماهو راكب...بس روح لبتاع شكمانات نضيف يفكو ويفضى الكربون اللى جواه خالص ويفرغغهولك وتريح دماغك...ولا تجيب جديد ولا قديم ملهاش لازمه...
والله اعلم

[bee]

تمام انا الي اعرفه انها اساسا لما بتبوظ بتتلغى وخلاص
انا بأيد كلام فلاينج

[eldeplomasy]

طيب حتى في الشاهين عندي في كتاليزر وصوته بدأ يعلى بس عليها سنسور فهل بنفع اشيلها ولا لأ ده اولا؟؟؟


ثانيا هي فايدتها إيه العلبة دي وازاي بتفرق بس راحة الموتور وحرارته وسحبه؟؟؟


محتاج حد يفهمني لو سمحتوا

[medohai510]

أشكرك يا أخ فلاينج بيجو علي سرعة الرد، أنا فعلاً عملت كدة فك الفلتر وفضاه من الفلتر المصفاه البورسلين وبعد ذلك حشاه فيبر حراري علشان السنيسور ما يديش أرور وقام بلحمه مرة أخري كما كان بظبط، ولكن بعد ذلك بدء يظهر صوت الشكمان عالي فقالي أن دة العلبة الأولي بعد الكتاليت (الكتاليزر)فهل دة أشتغاله وألا ممكن تكون صح وشكراً....

[chihab18]

سؤال ؟
هو فائده الشكمان ايه بالضبط ؟؟؟؟؟؟؟؟
لان كل اللي اعرفه عنه انه بيخرج العادم بس ؛ وهل لازم يتغير كل مده او يتعمل له عمرة ؟؟؟؟؟