مشكلة فى مروحة التبريد_عاجل و ضرورى

[flowforever55]

أعضاء المنتدى وزملائى الأعزاء :
عندى مشكلة ومش لقيلها حل نظرا لقلة خبرتى بالميكانيكا....
معايا اكسيل موديل 97 ولاحظت تسريب بالردياتير , فغيرته بواحد جديد وكذلك غيرت ترموستات المروحة بواحد كورى أصلى وبتأكد دايما من وجود مياه بالقربة والردياتير نفسه...ورغم ده كله بلاحظ عدم دوران مروحة التبريد وارتفاع مؤشر الحرارة بشكل تدريجى لحد مايجيب المؤشر الأحمر خلال أى مشوار صغير بوسط البلد خلال 10 دقايق على الأكتر...والعكس تماما على الطرق السريعة حتى لو مشيت بالعربية أكتر من ساعة متواصلة بيفضل المحرك بارد...أرجو الإفادة وشكرا مقدما.

[Gelgel2004]

راجع ثرموستات الكوع
كهرباء المروحه و الكتاوتات بتاعتها
تحياتى

[flowforever55]

شكرا جزيلا

[zastaffa]

حرام عليك ماتحاولش تكرر موضوع الريد زون دا كتير..مره تخيب ومرة تصيب وبعدين طالما المروحة بتفضل فاصله يبقي أما الترموستات بتاعتها بايظة أو المروحه نفسها ضايعه...أنت تروح لكهربائي هايلمس سلوك المروحة الأول لو أشتغلت تمام يبقي علي طول هايغيرلك الترموستات وحاول تخليه يعملك مفتاح ليها في التابلوه عشان لو الموضوع ده أتكرر تاني تبقي ساعتها ماتحتاسش وتشغلها دايركت وتمشي حالك مؤقتا لحد ماتروح تكع وتغيرها من جديد ((خصوصا وأن معظم الترموستات اللي في السوق مضروبة))

[alking_2006]

للعلم فقط: حصل معايا زمان و غيرت 10000000000 ترموستات و طلع فى الاخر جوان وش سلندر ضارب (مع العلم مكنش عندى طحينة "زيت و ميه" لكن الجوان كان ضارب ما بين الشمايز و بعضها مش ما بين الشمايز و دورة الميه)