مساعدة ف البحث عن ردياتير

[eng.salama93]

انا معايا رينو اوبتيما موديل 1997 فيها ردياتير انتيمونيوم 2 ماسوره .. دا الأصلي بتاعها
بس مخروم جامد و مينفعش يتصلح
دلوقتي انا عاوز اجيب ردياتير جديد او استيراد بس يكون 3 ماسوره يريحها شويه
مش عارف اجيبه منين !!! او اجيبه نحاس ولا الومنيوم ... بس سمعت ان النحاس مبينفعش للعربيات اللي زي دي .. بينفع للحاجات القديمة بس
افيدونا افادكم الله اجيب ايه و منين و السعر حدوده كام .. و ياريت لو في ارقام تليفونات للصنايعيه او التجار

[aw2100]

بلاش الرادياتير النحاس خليك فى الألومنيوم افضل !!

[eng.salama93]

بلاش الرادياتير النحاس خليك فى الألومنيوم افضل !!

طيب ممكن اعرف السبب !! انا سمعت ان العربيه لما بيبقي فيها نحاس بتسخن علي السرعات العاليه
يا ترا هو دا السبب !!

[aldesha989]

الالومنيوم افضل فى التبريد النحاس من وجهة نظر الناس انه احسن علشان سهل اللحام
لكن الالمنيوم تبريده افضل وكل ما زاددت مساحته كل ما التبريد بقى افضل

[beshomilan]

الالومنيوم ب 375 جنيه الصينى
عند واحد مشهور فى احمد حلمى فى شبرا مصر بالتركيب
انا ركبته من مده وزى الفل
النحاس عند البستانى ب 370 وبتركبله العلب اللى عندك

[tone]

بيتباع جاهز في التوفيقية