مشكلة في إغلاق الأبواب من عند السائق

[r0xer]

اول امبارح كنت في اسماعيلية في ظرف طارئ...و كان راكب معايا ناس أعصابها بايظة تماما بمعنى الكلمة من الخوف.. المهم قفلت الأبواب كلها من عندي " القفل المركزي عند السائق".

المهم بعدها في حد حاول يفتح الباب ومفتحش رحت فاتحهوله...

المشكلة وانا مروح أكتشفت إن المقعد اللي جمب السائق لو حد فتح الزرار بتاع قفل الباب ألاقي الأربع أبواب فتحو !! رغم إن المفروض باب السائق فقط هو من يتحكم في هذه العملية.

هل من مقترحات أو حلول أو حاجة اعملها انا بنفسي او حتى التشخيص اللي اقوله و اروح لمين بالضبط؟

شاكر لكم مقدماً.

[r0xer]

طيب نوضح أكتر..

زرار قفل الأوكرة اللي في باب السائق المفروض بيقفل كل الأبواب صح؟ طيب لو باب من الأبواب الاخرى داس على الزرار اللي عنده...هل يفتح باقي الأبواب ولا يفضلو مقفولين؟

هو دا سؤالي يمكن أنا ناسي إذا كان بيفتح ولالا.

ولو المفروض ميفتحش يبقى المشكلة في أيه بالضبط!؟

[Ahmed_Ezz]

البابين اللى قدام يفتحو كلو و ده فى عربيات كتير لكن اللى فى الخلف لأ مش بيفتحو كلو
و انا حجرب و اقولك برده

[r0xer]

هو فعلا الباب اللي قدام فتح كله!

طب هجرب انا كمان كدا في اللي ورا بكرة الصبح .

وشكرا ليك يا أستاذ بيكو.

[r0xer]

هااااا ياجماعة حد تاني جرب؟ هل جربت يا أستاذ بيكو؟

أنا أصلا عندي مشكلة قديمة من 3 شهور كدا وهو إن الباب مبيفتحش غير من برا و مبيفتحش من جوا!! بجد بدأت أتدايق من الرفايع الصغيرة دي لكن بتحرق الدم و متحسش إنك راكب زيرو.

[TheCar]

أنا أصلا عندي مشكلة قديمة من 3 شهور كدا وهو إن الباب مبيفتحش غير من برا و مبيفتحش من جوا!! .

لو المشكلة اللي بتقول عليها دي في الابواب اللي ورا يبقى انت قافل اللوك بتاع الاطفال علشان الباب ميفتحش من جوا
اتأكد كدا ان اللوك ملغي

[ahmedfawzy14]

انا عندى فى الفيرنا الباب اللى جنب السواق يفتح كله برده

ومن يومها وهيا كده

اظن ده العادى يعنى

[r0xer]

لو المشكلة اللي بتقول عليها دي في الابواب اللي ورا يبقى انت قافل اللوك بتاع الاطفال علشان الباب ميفتحش من جوا
اتأكد كدا ان اللوك ملغي

أنا عارف الأوبشن دا وجربته قفلته وفتحته كذا مرة لكن مفيش خالص..الظاهر إن السلك بتاع الاوكرة مقطوع.

أستاذ أحمد فوزي كلام حضرتك نفس اللي عندي بالظبط..يبقى الحمد لله دي مش مشكلة على كدا. وانا اللي موسوس من ساعة المشوار اللي وقع قلبي دا.

[M.Mokhtar]

بعض السيارات البابين اللى قدام بيفتحوا كل الابواب
شوف حد معاه نفس عربيتك عنده نفس الحكاية دى ولا لأ
موضوع الباب مش بيفتح الا من بره ده لو انت مشغل اللوك بتاعه من الاكره نفسها زى ما قال TheCar
افتح الباب وشوف القفل اللى فى اكره الباب نفسها
بيبقى ليه وضع يمنع فتح الباب من جوه ووضع تانى بيسمع بالموضوع ده

سؤال بقى ملوش علاقة بالموضوع
هى الناس دى كانت خايفه من ايه :)

[r0xer]

أنا جربت فعلا يا باشمهندس محمد الأوبشن بتاع فتح الباب من برة فقط و جربه معايا مهندس في التوكيل و لكنهم رفضوا يصلحوها وقالولي أروح فرع تاني وانا كسلت طبعا.

بخصوص كانو خايفين من أيه...فبعيد عنك و عن كل السامعين تعرض أحد أقربائي لحادثة بشعة في الإسماعيلية و طبعا ربنا مايوريك الهوجة و تفكك الأعصاب بيبقى عامل إزاي!.

[M.Mokhtar]

أنا جربت فعلا يا باشمهندس محمد الأوبشن بتاع فتح الباب من برة فقط و جربه معايا مهندس في التوكيل و لكنهم رفضوا يصلحوها وقالولي أروح فرع تاني وانا كسلت طبعا.

بخصوص كانو خايفين من أيه...فبعيد عنك و عن كل السامعين تعرض أحد أقربائي لحادثة بشعة في الإسماعيلية و طبعا ربنا مايوريك الهوجة و تفكك الأعصاب بيبقى عامل إزاي!.

يارب تكون جت سليمة
وربنا يسترها معانا كلنا