تربيط العفشة

[nubera97]

السلام عليكم
اسمع كثيرا عن موضوع تربيط العفشة !!! وبما اني جديد في كار العربيات مستجد يعني فاحب اعرف من الاخوة ذو الخبرة في هذا المجال اعطاءنا نبذة ولو بسيطة عن الموضوع دة من ناحية الاجزاء الهامة في العفشة التي يجب تربيطها علشان لو صادفت يوم ورحت للعفشجي لا يأكل عيش علي ... حسابي

[chihab18]

وياريت يحط لنا سعر تركيب كل حاجه تقريبا

[bee]

يا باشا التربيط ما هو الا انه يعيد على المسامير والصواميل الي بتمسك العفشة ببعضها
يعني تربيط فقط لا غير ..
وده مش بياخد خمس دقايق على العفشة كلها ورا وقدام
ومش بيعدي بالكتير اوىىىىىىىىى 10 جنيه

اما بالنسبة للتركيب بتفرق في مصنعية واحد لواحد تاني
ملهاش سعر محدد

بس متوسط يعني لو نزل العفشة كلها وغير كاوتشات مقطوعة وكاوتشات كوبلن وشحم وربط وغير الي محتاج يتغير يعني تقدر تقول عمل ك الحاجات :) حوالي 50 جنيه في المتوسط

تحياتي

[Nader]

التربيط ما هو الا انه يعيد على المسامير والصواميل الي بتمسك العفشة ببعضها
يعني تربيط فقط لا غير ..

تحياتي

You'll bay about 20 L.E

[mkhalifa73]

مصنعية العفشجى دلوقتي بتوصل 150 جنيه

[bee]

والله يا باشا انا الي بتكلم عنه عن تجربة
مع ملاحظة اني في بورسعيد

معرفش عندكوا ايه النظام

[eng_elnaggar]

بنزينة شل اللي في مصر الجديدة بشارع دمشق بتاخد 5 جنيه تربيط للعفشة لا اكثر ولا اقل
والموضوع ما هو الا اعاده على ربط المسامير والصواميل لمجموعة التعليق

[bee]

كلام سليم انا قلت 10 بالكتيرررررر
لان انا فعلا بدفع 5 بس هنا
ومعرفش عندكو ايه النظام

[Akram]

150ج دا لو هيغير حاجات زي البيض و البارات و المساعدين ,
يعني هيفك العفشة كلها و يغير و يظبط كل حاجة و يركب تاني ,
يعني ممكن يفضل شغال في العربية اكتر من 3 ساعات ,

لكن التربيط بدون تغيير أي حاجة مش هياخد كتير لأن الموضوع ذي ما الأخوة قالوا مش هياخد خمس دقائق ....

[homme49]

حصلت معى مرتان مع عفشجى متمكن من شغله و قام بعمل التالى
1 - فك علبة الدركسيون القديمة و تركيب جديدة
2- تغيير المساعدين الأماميين
3- تغيير الكبالن
4-تغيير البطاحات

و كانت المصنعية 70 جنيه لسيارة ريجاتا