العربية مكتومة وبتقطع

[Mahmoud_405]

السلام عليكم....

وانا ماشي بعربيتي بحس بتقطيعة وكتمة في الموتور وبتزيد مع السرعات العالية وسعات تكتم خالص لدرجة ان العربية متجبشي اكتر من 80 فا ققفلها وترجع تاني..

المشكلة دي مبتجيش علي طول سعات وسعات يعني....

عربيتي بيجو 405 برستيج اتوماتك انجكشن
لسة مغير طلمبة البنزين جديده من حوالي شهر وبحط 92 ومنظف الرشاشات ومغير فلتر من 14000 كيلو....

سؤال تاني معلش .... سعات وانا علي السلانسية تعلي ( ال Rpm يجيب 15 ) لوحدها كاني بدوس بنزين وتوطي تاني...

هل المشكلة دي مرتبطة بالكتمة وياتري اية الاسباب؟؟؟
وشكرا

[Mahmoud_405]

اية ياجماعة مفيش حد عارف اية المشكلة دي

[chihab18]

احتمال يكون بلف الاتوماتيك عاوز يضبط

[yaskhl]

اكشف على الرشاشات

[MEDO80]

الرشاشات و حاول تروح التوكيل يكشفوا عليها بجهاز الهاي سكان

[Adham]

وانا ماشي بعربيتي بحس بتقطيعة وكتمة في الموتور وبتزيد مع السرعات العالية وسعات تكتم خالص لدرجة ان العربية متجبشي اكتر من 80 فا ققفلها وترجع تاني..


.... سعات وانا علي السلانسية تعلي ( ال Rpm يجيب 15 ) لوحدها كاني بدوس بنزين وتوطي تاني...

1-الايدل كونترول و ال TPS يتنضف (هوة دة اللي بيخللي الار بي ام طالع نازل و انت واقف سيلانسية)

2- راجع دورة البنزين (سدد - وساخة في التنك او الطلمبة او الرشاشات ......)

3 لو البوجيهات قديمة غيرها

4- لو فلتر الهواء قديم انفخه بالكومبريسور او غيرة برضة

[katkootaya]

اعتقد ممكن يكون السبب من الرشاشات انها عايزه تتنظف كويس جدا ...

او فلتر الهواء عايز يتغير لو قديم ... أو التانك نفسه بتاع البنزين عايز يتنظف ممكن يكون في وساخه

ربنا يعينك :)

[Mahmoud_405]

الف شكر يارجالة علي الرد بس انا لسة مغير فلتر الهواء والبنزين........
شكلها كده رشاشات وربنا يستر علي سعرها

[amir_ezzat]

بص انا واحد صحبى كان عنده المشكله زى دى تقريبا وفى الاخر طلع الشكمان مسدود خالص بس كان بيصاحب الكتمه دى ارتفاه درجه حراره العربيه

[Mahmoud_405]

فعلا العربية بتسخن بس اعرف ازاي ان الشكمان مسدود

[hakeemkimo]

شوف وصلات الشكمان وركز على علبة البيئة
amir_ezzat كلامه صح

[megodahab]

بص يا باشا انا كانت عندي نفس المشكله في عربيتي جراند شيروكي تلاقيها كانها مكتومه ومهما تضغط بنزين برضه بس لمده قصيره تقريبا خمس ثواني وبرضه لما بتكون واقفه علي N تلاقيها تزود لنفسها بنزين وصوتها يعلي وترجه تهدي تاني وطلع العيب في الاتي : فلتر الهواء كان مكتوم وقديم وغيرته وبعد كده غيرت البوجيهات لانها قديمه وبعد التغيير زالت المشكله نهائيا

[FLYINGPEUGEOT]

hi 7oda
1-check fuel filter and injectors holder
2-there`s no TPS in peugeot 405 that`s all from the damn part
STEPPER MOTOR ,,give me a call and i`ll send you a good one that i have before
B.R