العربية مش راضيه تدور بعد ما ركنتها

[Drbadawy]

السلام عليكم
دي اول مشاركه ليا هنا
انا جديد في السواقة
المهم حاولت اركن العربية 10 دقايق يمين شمال معرفتش زي منا عاوز المهم ركنتها بس مش جنب الرصيف اوي لانه شارع جانبي
المهم جيت ادورها بعد مركنتها مش راضيه تدور
قعدت ادوس علي البنزين وانا بدور مش فاكر حد قالي ممكن تكون شرقت
لو سبتها هتدور والا لازم حد يشوفها
العربية سيات ابيزا 92
سؤال تاني انا لقيت قربه عالجنب فتحتها وحطيت فيها مياه هو ممكن تكون القربه دي مش للمية :d

[Maged_Samy]

لما تدوس بنزين كتير قبل ما تقوم بأدارة المحرك ينزل البنزين على البوجيهات ويبلها وميطلعش منها الشرارة المطلوبة (تشرق ) لبدء الاشعال لازم تغير البوجيهات او تفكها وتحطها على البوتاجاز ..
بالنسبة للقربة شوف لو واصل خراطيمها بالريدراتير (المبرد ) اللى بيبقى عليه مروحة تبقى قربة مياه .
ملحوظة :
لو فكيت البوجيهات تأكد من ترتيب اسلاك البوجيهات عند اعادة تركيبها .

[Drbadawy]

شكرااااا يباشاااااااااااا
:d
لو عرفت فين البوجيهات دي مكنتش شرقتها من الاول
بس مسيري هعرف
هي دارت لوحدها تاني يوم رباني