ارجوكم الحقونى العربيه بترعش وبتقطع الحقونى

[seeika]

انا عربيتى كليو رينو 2004 المهم العربيه بدات ترعش وتقطع ولما اكون واقف والعربيه ديره تبرجل وترعش وتبطل المهم رحت توكيل الميكانيكيون العرب بتاع رينو والله العظيم العربيه قعدت عندهم اكتر من عشرين يوم وفى الاخر معرفوش يوصلو للعيب اخر حاجه قالوها ممكن يكون الشكمان الخدمه طبعا هناك زاى الزفت اه والله العظيم سحبت العربيه وودتتها لميكانيكى تانى واهو مستنى الفرج بس واحد اتعرفت عليها لسه قالى انه كان عنده المشكله ديه وطله حساس الكرنك انا مش عارف اتخنقت حد عنده حل ا

[seeika]

العربيه 1200 سى سى عمله 83 الف

[waled369]

شوف الحساسات أو الانجيكشن أو طقم الأسلاك أو الفلاتر أو طلمبة البنزين أو ربما شئ في كهرباء السيارة

[seeika]

شكرا لمشاركتى يا اخى

والله العظيم لما سيبتها فى التوكيل التعبان واللى بحذر الناس منه قالولى انهم شافو الحساسات والرشاشات والكهرباء وكل شى وفى الاخر قالو ممكن يكون الشكمان وميكانيكى قال لا مينفعش الشكمان يكون المشكله وهى دلوقت عند مهندس ميكانيكى وشاف الميكانيكا بتعتها وقال مفيهش حاجه فاضل الكهربا واهو مستنى الفرج بس

[seeika]

بس هو ممكن يكون حساس الكرنك ده هو السبب

[ma7oo]

العيب ده مش ميكانيكا وديها لكهربائى كويس

[chihab18]

انا عندي العيب ده طلع عيب كربون

[badblood]

بس هو ممكن يكون حساس الكرنك ده هو السبب

+1000000000

[badblood]

حطها على السكانر روح لمحمد علي في الدقي كهربائي ممتاز وان شاء الله خير

[kimo]

انا عندي العيب ده طلع عيب كربون

ممكن حضرتك توضح ايه هو عيب الكربون دة
شكرا

[chihab18]

الميكانيكي قال لي ان في قطعه كربون بخمسه جنيه بتركب تحت الابلاتين لما تكون القطعه متاكله هي اللي بتسبب البرجله في الماتور وتخليه يقطع وترعش وتبطل الماتور ؛ ومجرد ماغيرها الماتور اشتغل عادي وخذ خمسه جنيه بس ثمن القطعه .

[samarko_SDF]

ينهار اسود والتوكيل مخدش باله من السبب التافهه ده حسبى الله ونعم الوكيل فى توكيلات مصر الزباله