ممكن اعرف اجراءات تثبيت مووتور؟!!

[Rapper]

السلام عليكم و رحمه الله و بركاته
انا معروض عليا عربيه bmw 520
سنتر
ازاز امامي كهربا
جنوط 17
شكمان ديفيل الماني
المهم انا اتكلمت معاه في السعر و كله تمام .
بس نيجي بقي للمهم ان دلوقتي الموضوع متسقط و مركب موتور 2000 cc
بس مش متسجل ع الرخصه و مده الفحص خلصت و الرخصه عنده اتنهت و هو بيقولي
انا مستني الي يشتري مني علشان اخلص له الحوارات دي
المهم عاوزني اديله 2000 الفين جنيه مقدما و نعمل عقد ابتدائي و بيقولي اضمن حقك
و بعد كده يروح يسجل الموتور و استلم منه رخصه سنه و لما يخلص الورق
يحولي باسمي و ياخد الفلوس.
ممكن اعرف الموضوع فيه نصب او لأ
لو لو مش فيه نصب ممكن اعرف الوقت الي ممكن يخلص فيه حوار الورق ده بالظبط
..
شكرا.

[mody112]

معلش هو انا فيه حاجة مش فاهمها
يعنى ايه لما يخلص الورق
بص هو الموضوع باختصار ان الموتور بيكون معاه صورة الافراج الجمركى وبيكون الملف اتبعت على المرور وانت بتقعد تسال فى المرور كل فترة لغاية ما تعرف ان الملف جه ولما ييجلا عندك حلين يااما تستنى لميعاد التجديد بتاع الرخصة وتثبت الموتور ساعتها ( وطبعا فى الحالة دى هتفحص العربية حتى لو ميعاد الفحص لسه بدرى عليه ) او انك تروح للمرور وتفحص وتثبت الموتور على طول .
فهو بيقولك عقد ابتدائى لغاية ما يجددلك الرخص ة وهل هو هيجدد باسمه ؟ وهل هيجدد بالموتور الجديد ولا القديم ؟
لو هيجدد بالموتور القديم من غير ما يثبت الجديد يبقى كانك بتشترى سمك فى ميه لان ساعتها هياخد فلوسه كلها ولو فى اى مشاكل ظهرت هتلبسها انت
لكن لو هيجدد بالموتور الجديد خلى التجديد باسمك وانقل ملكية على طول واخلص
واى استفسار تحت امرك .

[Rapper]

معلش هو انا فيه حاجة مش فاهمها
يعنى ايه لما يخلص الورق
بص هو الموضوع باختصار ان الموتور بيكون معاه صورة الافراج الجمركى وبيكون الملف اتبعت على المرور وانت بتقعد تسال فى المرور كل فترة لغاية ما تعرف ان الملف جه ولما ييجلا عندك حلين يااما تستنى لميعاد التجديد بتاع الرخصة وتثبت الموتور ساعتها ( وطبعا فى الحالة دى هتفحص العربية حتى لو ميعاد الفحص لسه بدرى عليه ) او انك تروح للمرور وتفحص وتثبت الموتور على طول .
فهو بيقولك عقد ابتدائى لغاية ما يجددلك الرخص ة وهل هو هيجدد باسمه ؟ وهل هيجدد بالموتور الجديد ولا القديم ؟
لو هيجدد بالموتور القديم من غير ما يثبت الجديد يبقى كانك بتشترى سمك فى ميه لان ساعتها هياخد فلوسه كلها ولو فى اى مشاكل ظهرت هتلبسها انت
لكن لو هيجدد بالموتور الجديد خلى التجديد باسمك وانقل ملكية على طول واخلص
واى استفسار تحت امرك .

لا بص هو الرخصه بتاعته انتهت تمام؟!!
و عليه مخلفات و مش هيعرف يروح يثبت الموتور الا لما يعمل الفحص
يعني هو لسه ماعملش حاجه .
بس انا الي بساله اديله 2000 جنيه لحد لما الموتور يتسجال؟!!
و عاوز اعرف وقت تثبيت الموتور اد ايه؟!!
كام يوم يعني

[lad]

و تديله ليه هو يخلص ورق العربية و اشتريها بعد لما يخلص ورقه

[Rapper]

و تديله ليه هو يخلص ورق العربية و اشتريها بعد لما يخلص ورقه

ما هو مش عاوز يصرق جنيه تاني علي العربيه :)
عاوز الي يشتري يخلص له علي طول

[lad]

ياسيدى ممكن يحصل مشكلة و يقولك اصل وفصل انا شايف تاخدها مظبوطة مدخلش نفسك فى حوار انت فى غنى عنه

[Rapper]

ياسيدى ممكن يحصل مشكلة و يقولك اصل وفصل انا شايف تاخدها مظبوطة مدخلش نفسك فى حوار انت فى غنى عنه

كلامك مظبوط :) تسلم والله

[Rapper]

محدش عارف بياخد وقت اد ايه؟!!

[mody112]

الموتور ممكن يقعد من شهرين الى ماشاء الله حسب الظروف لان الورق بييجى من بورسعيد وده شغل حكومة يعنى صباح الفل ومن الاخر كده احنا ولا انت مش حمل لبس فى الحيطة وخصوصا فى الظروف دى وتوقع دايما سوء النية ( انا اسف فى التعبير )ولكن على راى المثل ولاد الحرام مخلوش لولاد الحلال حاجة وحتى لو هنفترض حسن النية ممكن هو يكون فى حاجة مش واخد باله منها تعكنن عليك انت حياتك .
وبعدين العربية ممكن ورقها يخلص من غير ما تثبت الموتور ( ده لو انت هتموت عليها ) مفيش حد فى المرو بيعرف ان الموتور متغير انت اللى بتقولهم وبتشترى نموذج تملاه ولو ماقلتش شكرا هيجددو بالموتور القديم برضه جد بالك انه ممكن يعمل الحركة دى ويقولك خلصتلك كل حاجة .

[m7med_dola]

انت ملكش فية قولو خلص وانا اشتري لكن تقولي ادفع او اعمل لا