ارجو المساعده هل فعلا ده عيب كربراتير

[agme]

يا جماعه انا معايا اونو 98 لسه شاريها من شهر ونص بس بقلها فتره فيها مشكله لما اجى ابطل العربيه على وضع المور العربيه بتفضل تترج كتير قوى لحد ما تبطل وكما لما تبقى دايره وجيبها على المور بعد شويه بتبطل هل ده فعلا كربراتير مع العلم ان 2 ميكانيكيه شافوها وقالولى عايزه ظبط كربراتير ارجو الافاده

[Mecha]

any smoke white or black during running ??
any missing during sudden acceleration??

[lada2010]

المشكلة الاسبراتير فى كهرباء زيادة عايز يتخفف من الكهرباء

[agme]

المشكلة الاسبراتير فى كهرباء زيادة عايز يتخفف من الكهرباء

معلىش انا لسه مبتدء يعنى الكلام ده الكهربائى اللى يعمله

[buddha]

قبل اى تعديل شوف اية اخبار سللك البوجيهات والبوجيهات نفسها

لو تمام يبقى العربية عايزة تعلى شوية السلانسية

[agme]

any smoke white or black during running ??
Any missing during sudden acceleration??

احيانا فعلا بيكون فى دخان ومعلش انا مش فاهم السؤال الثانى

[aboomar22]

محتاجة ظبط كهربة الاسبراتير ودى الميكانيكى اللى بيظبطه مش الكهربائى

[hugan]

محتاجة ظبط كهربة الاسبراتير ودى الميكانيكى اللى بيظبطه مش الكهربائى

+1111111
محتاجه مبكانيكي

[Elawany13]

زى ما الأخوة قالوا
ضبط الكهرباء والسلانسيه بيحل المشكلة ان شاء الله

كان عندى نفسى المشكلة بس برخامه فظيعة وعانيت منها كتير قوى فى الـ 8 شهور الماضيين
العربية كانت قطعت كاتينه وجابت صبابات
المهم غيرت طقم الصبابات واتعمل روديه فى المخرطة
ومن يومها والعربية مبرجله والمشكلة ديه كمان كانت مزهقانى
لو rpm زاد عن 500
العربية بترفض انها تطفى وتفضل تترج وتعافر علشان متطفيش
لازم أوطى السلانسيه الى 500 أو اقل وده غلط
بتلاقى العربية وهيه باردة بتطفى ومش مرتاحة
غلبت فى موضوع ضبط الكهرباء مفيش فايده
الكربراتير اتلعب فيه ومفيش فايده

الاسبوع الماضى فكيت الوش تانى لإنى شكيت ان شغل وش السلندر مكنش مضبوط
واتعمل روديه فى مخرطة تانية
فوجئت ان المشكلة ديه انتهت
رغم ان الكربراتير كان معكوك ومش مضبوط
والعربية بتهبب وبتطلع دخان اسود
ورغم ان الكهرباء مكنتش مضبوطه
بس فوجئت ان العربية بسم الله ماشاء الله كان الـ rpm عالى جدا
2000 بدلاً من 500
وبتطفى عادى جدا بمنتهى السلاسة

واضح ان المشكلة ديه ليها علاقة بالصبابات ايضاً والله اعلم

[agme]

زى ما الأخوة قالوا
ضبط الكهرباء والسلانسيه بيحل المشكلة ان شاء الله

كان عندى نفسى المشكلة بس برخامه فظيعة وعانيت منها كتير قوى فى الـ 8 شهور الماضيين
العربية كانت قطعت كاتينه وجابت صبابات
المهم غيرت طقم الصبابات واتعمل روديه فى المخرطة
ومن يومها والعربية مبرجله والمشكلة ديه كمان كانت مزهقانى
لو rpm زاد عن 500
العربية بترفض انها تطفى وتفضل تترج وتعافر علشان متطفيش
لازم أوطى السلانسيه الى 500 أو اقل وده غلط
بتلاقى العربية وهيه باردة بتطفى ومش مرتاحة
غلبت فى موضوع ضبط الكهرباء مفيش فايده
الكربراتير اتلعب فيه ومفيش فايده

الاسبوع الماضى فكيت الوش تانى لإنى شكيت ان شغل وش السلندر مكنش مضبوط
واتعمل روديه فى مخرطة تانية
فوجئت ان المشكلة ديه انتهت
رغم ان الكربراتير كان معكوك ومش مضبوط
والعربية بتهبب وبتطلع دخان اسود
ورغم ان الكهرباء مكنتش مضبوطه
بس فوجئت ان العربية بسم الله ماشاء الله كان الـ rpm عالى جدا
2000 بدلاً من 500
وبتطفى عادى جدا بمنتهى السلاسة

واضح ان المشكلة ديه ليها علاقة بالصبابات ايضاً والله اعلم

الف شكر على الأهتمام انا والله الموضوع ده مزهقنى قوى وان شاء الله صحابى وصفولى ميكانيكى كويس حروح له بعد بكره ان شاء الله

[Elawany13]

الشكر لله ياباشا
أنا سمعت كمان ان لو التقسيمة مش مضبوطه قوى بتبرجل العربية
وممكن تخليها مش راضيه تطفى
ربنا يعينك

[ابو لؤى]

لو بتسخن من حضرتك يبقى دى كهرباء زياده وبتتحل فى خمس دقايق مع الميكانيكى