تغيير ركبة جديدة لسيارة 128 ضروري

[ashraf_sms]

السلام عليكم ورحمة الله وبركاته
انا رحت امبارح عشان اظبط زاويا الراجل قالي الركبة الشمال عندك عايزة تتلحم المهم رحت انهردة لسمكري قالي الركبة ديه مش نافعة عايزة تتغير ولستارة عايزة تتلحم اللي عند الريداتير المهم قولتله تتكلف كام قالي 150 جنيه تغيير ركبة بلحام الستارة بالمصنعية حلو السعر ده ولا كتير ولو كدة المفروض الحاجات ديه تتعمل بكام معلش انا العربية عنده وقولتله متشتغلش فيها دلوقتي قولت اسالكوا الاول واكون شاكر جدا ليكوا يارجالة

[ashraf_sms]

ايه يارجالة هي المشكلة كبيرة ولا ايه

[Zaibatsu]

تمام يا باشا 150 جنيه هيعملك ركبة عمولة و يلحم بس قوله خد مقاسااااااااااااااااااااات العربية الاول اياك تلحم من غير مقاسات بلاش تغلط نفس غلطتي, و خليه ينزل تحت العربية يبص على القنطرة, 150 جنيه كويس جدا يا عم زي الفل, دا انا روحت لسمكري كفتجي عملي كام لحام من غير مياخد مقاسات الحوض و خد 300 جنيه !!!! اهم حاجة بعد ما تلحم و تخلص حط عازل مكان الشغل عشان البارومة عدو ال128 اللدود و خليه يشوفلك بالمره لو فيه باروما في العربية و تقبل تحياتي يا معلم

[amr011111]

انت هتشترى ركبه جديده وهوه هيلحمها ليك السعر حسب كمية الشغل

[ashraf_sms]

تمام يا باشا 150 جنيه هيعملك ركبة عمولة و يلحم بس قوله خد مقاسااااااااااااااااااااات العربية الاول اياك تلحم من غير مقاسات بلاش تغلط نفس غلطتي, و خليه ينزل تحت العربية يبص على القنطرة, 150 جنيه كويس جدا يا عم زي الفل, دا انا روحت لسمكري كفتجي عملي كام لحام من غير مياخد مقاسات الحوض و خد 300 جنيه !!!! اهم حاجة بعد ما تلحم و تخلص حط عازل مكان الشغل عشان البارومة عدو ال128 اللدود و خليه يشوفلك بالمره لو فيه باروما في العربية و تقبل تحياتي يا معلم

الف الف شكر ليك ياباشا بس انت قلقتني من حكاية المقاسات ديه انا حاسس انه هيلحم وخلاص ولو لحم وخلاص ايه الاضرار اللي ممكن اقع فيها ومتشكر مرة تانية

انت هتشترى ركبه جديده وهوه هيلحمها ليك السعر حسب كمية الشغل

لا هو اللي هيجبها وهيلحمها بالمبلغ ده هو هيركب ركبة وهيلحم الستارة انا مش عارف ايه هي الستارة ديه هو قالي تحت الريداتير وكدة كل ده ب 150 جنيه

[aw2100]

الف الف شكر ليك ياباشا بس انت قلقتني من حكاية المقاسات ديه انا حاسس انه هيلحم وخلاص ولو لحم وخلاص ايه الاضرار اللي ممكن اقع فيها ومتشكر مرة تانية



لا هو اللي هيجبها وهيلحمها بالمبلغ ده هو هيركب ركبة وهيلحم الستارة انا مش عارف ايه هي الستارة ديه هو قالي تحت الريداتير وكدة كل ده ب 150 جنيه

من الأفضل انك انت اللى تشترى الركبة او تكون معاه علشان بيبقى فيها انواع خفيف وتقيل وبالنسبة للتركيب لو المقاسات اختلفت العجل بيتقدم للامام او الخلف والعربية تحدف معاك يمين او شمال وده طبعا بياكل الكاوتش وانا شايف انه رخيص بشكل يقلق 150 جنية شاملة الركبة قليل قوى وبراحتك ؟؟

[zastaffa]

الركبة الخفيفة بتعملها 20جنيه والتقيله ب30...وبتجيبها للسمكري من أي واحد شغال في صاج أل128...
عندك أتنين في شارع ذهني في الضاهر جنب محلات شفيق بتاعت المسامير...قول أنت بس شفيق بتاع المسامير و1000مين هايدلك
وفيه واحد تاني في التوفيقية أسمه المواردي ودا في ممر متفرع من شارع زكي في التوفيقية..الممر اللي علي بابه محل أسمه أفريقيا
والسمكري مصنعيته بتبقي في حدود 100 أو 120جنيه ع الأكتر.....وفيه ناس بتقولك 200 و250كمان...بس عموما هي بتتعمل زي ماقولتلك في حدود 100جنيه أو أزيد حاجات بسيطة
بيتفك فيها الراديراتير بالمروحة بتاعته وكمان الميزان من الناحية الشمال
أما حكاية المقاسات ديه فعلي حسب معلوماتي أن تغيير ركبة مش محتاج مقاسات طالما مش هايلعب في الستارة أو الكارتيرات وع العموم مقاس حوض أل128 المظبوط بيكون 99سم من صامولة المساعد اليمين لصامولة المساعد الشمال...ولو لقيت المسافة أقل من 99 تبقي العربية فاتحة شوية
خلي بالك عشان ناس كتير مش واخده بالها وفاكره أن فتح الشاسيه معناه أن المسافة أكبر من 99سم
بس هي في أل128 بتتحسب بالعكس..بمعني أن العربية لو قافلة من فوق والمسافة أقل من 99 تبقي فاتحة من تحت والعجل الأدماني مايل من قمته علي جوا...وعلي فكرة المنظر دا شائع جدا في معظم أل128 تلائيها ماشية كدا زي البطة ع الطريق وشغاله زحف وسريخ مع الفرامل
علي أي حال أنت عندك لحد 97سم تمشي وأنت متطمن وتقضيها ورد كبيرة ورا الكبالن لتفادي خروج الكوبلن من الشاسيه...أنما أقل من كدا في رأيي يبقي لا مفر من الزرجينة وعلي فكرة بتتعمل والماتور راكب ومافيهاش أي مشاكل

[Abo-Yousef]

الركبة الخفيفة بتعملها 20جنيه والتقيله ب30...وبتجيبها للسمكري من أي واحد شغال في صاج أل128...
عندك أتنين في شارع ذهني في الضاهر جنب محلات شفيق بتاعت المسامير...قول أنت بس شفيق بتاع المسامير و1000مين هايدلك
وفيه واحد تاني في التوفيقية أسمه المواردي ودا في ممر متفرع من شارع زكي في التوفيقية..الممر اللي علي بابه محل أسمه أفريقيا
والسمكري مصنعيته بتبقي في حدود 100 أو 120جنيه ع الأكتر.....وفيه ناس بتقولك 200 و250كمان...بس عموما هي بتتعمل زي ماقولتلك في حدود 100جنيه أو أزيد حاجات بسيطة
بيتفك فيها الراديراتير بالمروحة بتاعته وكمان الميزان من الناحية الشمال
أما حكاية المقاسات ديه فعلي حسب معلوماتي أن تغيير ركبة مش محتاج مقاسات طالما مش هايلعب في الستارة أو الكارتيرات وع العموم مقاس حوض أل128 المظبوط بيكون 99سم من صامولة المساعد اليمين لصامولة المساعد الشمال...ولو لقيت المسافة أقل من 99 تبقي العربية فاتحة شوية
خلي بالك عشان ناس كتير مش واخده بالها وفاكره أن فتح الشاسيه معناه أن المسافة أكبر من 99سم
بس هي في أل128 بتتحسب بالعكس..بمعني أن العربية لو قافلة من فوق والمسافة أقل من 99 تبقي فاتحة من تحت والعجل الأدماني مايل من قمته علي جوا...وعلي فكرة المنظر دا شائع جدا في معظم أل128 تلائيها ماشية كدا زي البطة ع الطريق وشغاله زحف وسريخ مع الفرامل
علي أي حال أنت عندك لحد 97سم تمشي وأنت متطمن وتقضيها ورد كبيرة ورا الكبالن لتفادي خروج الكوبلن من الشاسيه...أنما أقل من كدا في رأيي يبقي لا مفر من الزرجينة وعلي فكرة بتتعمل والماتور راكب ومافيهاش أي مشاكل

الله ينور يا معلم ... تصدق انت كدة هتخلينى اجيب المتر واقيس المقاسات دى اشوف ايه ظروفها اعرف العربية فاتحة ولا قافلة بس بجد الله ينور عليك

[ashraf_sms]

من الأفضل انك انت اللى تشترى الركبة او تكون معاه علشان بيبقى فيها انواع خفيف وتقيل وبالنسبة للتركيب لو المقاسات اختلفت العجل بيتقدم للامام او الخلف والعربية تحدف معاك يمين او شمال وده طبعا بياكل الكاوتش وانا شايف انه رخيص بشكل يقلق 150 جنية شاملة الركبة قليل قوى وبراحتك ؟؟

بصراحة ياوليد هو السمكري ده تبع الميكانيكي اللي انا بتعامل معاه وهو بصراحة بيحب يريحني ف الحاجة ويفاصللي فيها عشان هو جاري وبتعامل معاه من زمان ده الميكانيكي

الركبة الخفيفة بتعملها 20جنيه والتقيله ب30...وبتجيبها للسمكري من أي واحد شغال في صاج أل128...
عندك أتنين في شارع ذهني في الضاهر جنب محلات شفيق بتاعت المسامير...قول أنت بس شفيق بتاع المسامير و1000مين هايدلك
وفيه واحد تاني في التوفيقية أسمه المواردي ودا في ممر متفرع من شارع زكي في التوفيقية..الممر اللي علي بابه محل أسمه أفريقيا
والسمكري مصنعيته بتبقي في حدود 100 أو 120جنيه ع الأكتر.....وفيه ناس بتقولك 200 و250كمان...بس عموما هي بتتعمل زي ماقولتلك في حدود 100جنيه أو أزيد حاجات بسيطة
بيتفك فيها الراديراتير بالمروحة بتاعته وكمان الميزان من الناحية الشمال
أما حكاية المقاسات ديه فعلي حسب معلوماتي أن تغيير ركبة مش محتاج مقاسات طالما مش هايلعب في الستارة أو الكارتيرات وع العموم مقاس حوض أل128 المظبوط بيكون 99سم من صامولة المساعد اليمين لصامولة المساعد الشمال...ولو لقيت المسافة أقل من 99 تبقي العربية فاتحة شوية
خلي بالك عشان ناس كتير مش واخده بالها وفاكره أن فتح الشاسيه معناه أن المسافة أكبر من 99سم
بس هي في أل128 بتتحسب بالعكس..بمعني أن العربية لو قافلة من فوق والمسافة أقل من 99 تبقي فاتحة من تحت والعجل الأدماني مايل من قمته علي جوا...وعلي فكرة المنظر دا شائع جدا في معظم أل128 تلائيها ماشية كدا زي البطة ع الطريق وشغاله زحف وسريخ مع الفرامل
علي أي حال أنت عندك لحد 97سم تمشي وأنت متطمن وتقضيها ورد كبيرة ورا الكبالن لتفادي خروج الكوبلن من الشاسيه...أنما أقل من كدا في رأيي يبقي لا مفر من الزرجينة وعلي فكرة بتتعمل والماتور راكب ومافيهاش أي مشاكل

بصراحة تسلم ايدك شرح وافي وكلام سليم بس ليا سؤال معلش هو المسافة ديه من عند المساعد تحت عند الثرة ولا من فوق عند البطاحات كدة اقيس انهي يعني ولو اللي تحت ديه اقسها ازاي عشان اعرف اذا كان مظبوط ولا لا وتسلم مرة تانية ياكبير

[zastaffa]

من فوق يا معلم من عند البطاحة اللي في الحوض وبالتحديد المسمار ال17 اللي رابط المساعد في الكارتيرة...بتجيب متر أو مازورة وبتقيس المسافة من صامولة المساعد اليمين لصامولة المساعد الشمال

[ashraf_sms]

من فوق يا معلم من عند البطاحة اللي في الحوض وبالتحديد المسمار ال17 اللي رابط المساعد في الكارتيرة...بتجيب متر أو مازورة وبتقيس المسافة من صامولة المساعد اليمين لصامولة المساعد الشمال

تسلملي دماغك ياكبير الف الف شكر

[zastaffa]

الله ينور يا معلم ... تصدق انت كدة هتخلينى اجيب المتر واقيس المقاسات دى اشوف ايه ظروفها اعرف العربية فاتحة ولا قافلة :c_laugh[1]: بس بجد الله ينور عليك

اه بس بص عشان القياس يبقي دقيق أوي خلي حد يقفلك ع الناحية اليمين ويمسك أول المتر ويحطه بالظبط علي نوص الجويط بتاع المساعد اللي مربوطه فيه الصامولة أل17....وشد المتر بشرط يكون مستقيم وعديه من تحت العمة وثبته من عندك علي نوص الجويط بتاع المساعد الشمال....كدا المقاسات هاتبقي بالمللي....أهم حاجة المتر يبقي مستقيم والعمه ماتعاكسكش

[ashraf_sms]

اه بس بص عشان القياس يبقي دقيق أوي خلي حد يقفلك ع الناحية اليمين ويمسك أول المتر ويحطه بالظبط علي نوص الجويط بتاع المساعد اللي مربوطه فيه الصامولة أل17....وشد المتر بشرط يكون مستقيم وعديه من تحت العمة وثبته من عندك علي نوص الجويط بتاع المساعد الشمال....كدا المقاسات هاتبقي بالمللي....أهم حاجة المتر يبقي مستقيم والعمه ماتعاكسكش

تمام ياكبير وصلت المعلومة تسلم ايدك

[Abo-Yousef]

اه بس بص عشان القياس يبقي دقيق أوي خلي حد يقفلك ع الناحية اليمين ويمسك أول المتر ويحطه بالظبط علي نوص الجويط بتاع المساعد اللي مربوطه فيه الصامولة أل17....وشد المتر بشرط يكون مستقيم وعديه من تحت العمة وثبته من عندك علي نوص الجويط بتاع المساعد الشمال....كدا المقاسات هاتبقي بالمللي....أهم حاجة المتر يبقي مستقيم والعمه ماتعاكسكش

تسلم ايدك يا معلم