ايه افضل نوع زجاج امامى للعربية " غير الاصلى"

[Yarisawy]

السلام عليكم ,


انا عايز أغير الزجاج الامامى للعربية الياريس ... مش عايز اجيب الاصلى

انا سألت د.خالد قالى ب700ج مستورد

واسمع ان جريش ب 350ج


ياريت لو حد معلومات يقولى ... وياريت لو حد فى المعادى يبقى تمام

شكرا

[Lifz_Good]

متابع ياريت :d
للإفادة

[michohat]

حاليا زجاج عربيتي مشروخ من شهرين
ولما سئلت الكل نصحني بجريش وخصوصا لو هركب عنده
بس العيب اللي شايفه ف جريش بالنسبة لي ان الزجاج هيكون عليه لوجو جريش ومش هيكون عليه لوجو العربية زي الزجاج الاصلي
ومازلت لم اغير الزجاج حتى الان

[ahmedsamy90]

Safe افضل من جريش دور عليه لأن ده أحسن كتير

[panuccistorex]

جريش اقذر انواع الزجاج اولا بيكون فيه تعويمه فى الرويه من بعيد و بيعمل اللوان على الزجاج زى اللوان الطيف و بيتخدش بسهوله و كام شهر و هتلاقيه مش كويس و مش زى الاصلى استحاله و مبيستحملش الظلط زى الاصلى

الاصلى عندى ب 1950 و الجريش ب 400

يعنى اكيد فى فرق كبييييييييييير ولا نتوا شايفين ايه ؟

[michohat]

طبعا فرق كبير ف السعر
طيب مش جريش بيعمل ازاز لمصانع العربيات اللي بيجمعوا عربياتهم هنا؟
كان ف موضوع هنا بيتكلم عن ان اسباب غلو الزجاج الاصلي في التوكيل هحاول ادور عليه

[عبدالله برعى]

جريش احسن الموجود

[حاتم سليم]

Yarisawy بك

كان ف موضوع هنا بيتكلم عن ان اسباب غلو الزجاج الاصلي في التوكيل

سبب غلو الزجاج الاصلى هو انه يمنع نفاذ الاشعه فوق البنفسجيه
و بالتالى يقلل الحراره الداخله الى السياره عند تعرضها للشمش
و بالتالى يزيد كفاءة التكييف.

أمامك ثلاث اختيارات
1- زجاج اصلى من التوكيل او من محل مضمون. ( أغلى الحلول و أفضلها )

2- زجاج د. جريش ابيض شفاف و تلصق عليه فيلم خاص شفاف بنسبه لمنع
نفاذ الاشعه فوق البنفسجيه + 50 % من حرارة الشمس.

3- زجاج د. جريش ملون (يشبه الاصلى) و لكنى لا اعرف هل يمنع نفاذ
الاشعه فوق البنفسجيه ام لا ؟

و بالتوفيق إن شاء الله ...

[eng.octooo]

جريش احسن حاجة بعد الاصلى اولا لانة بيركب بنضافة عندهم وسعرة كويس جدااا و تصنيعة بتكنولوجيا عالية والامان فية عالى لا قد الله فى الحوادث

[Batman372]

عن عده تجارب >>> د. جريش لا يفرق كثيرا عن الاصلى و سعره منافس جدا ...
تحياتى ...