تانى نفس المشكلة يا شباب الغيار الخامس

[aldesha989]

السلام عليكم ورحمة الله وبركاتة

ازيكم يا شباب كل سنه وانتم طيبين

انا دلوقتى روحت اسكندريه للقاهره الحمد لله يعنى المفروض ان لو فى حاجه فى الشكمان كانت تنضف بس برضه الغيار الخامس بطئ جدآ فى التسارع بتاعه مش فاهم ليه

انا كنت رايح مشغل التكيف وطفيته برضه علشان اجرب

دلوقتى الرابع كنت بجيب 100 او 110 وكان ال rpm بيوصل لاربعه وكسور بسيطه وكنت بديها الغيار الخامس علشان اريحها بس هى ما بتريحنيش اول ما اديها الغيار الخامس الار بى ام يبدأ تانى تلاته ويثبت عند 3 ونص وكسور بسيطه لما اكبس بدال البنزين كذى مره

السرعه 110 اول ما اجيب الخامس ترجع حاجات بسيطه وبعدين تبتدى تثبت وتزيد بطئ بطئ بطئ وصوت الماتور هادى جدآ ولا كانى بعمل حاجه ووصلت 120 بطلوع الروح ولولا انى بشيل رجلى وازود واشيل واحط لحد ما توصل 120 وبكون مثبت رجلى بقى على اخر البدال اول ما تيجى السرعه ولو نزلت برجلى حاجه بسيطه تبتدى السرعه ترجع تانى

لما طفيت التكيف وجربت التانى زادت السرعه قبل ال 130 بحاجه بسيطه جدآ كأنى ما عملتش حاجه يعنى ممكن نقول من غير تكيف وصلت 125

وبعدين لما كنت نازل من نزلايه على الصحراوى وصلت 135 او 140 وطبعآ انا كنت ماسك اخر بدال البنزين فالسرعه ثبت على كده لحد ما وصلت كارته القاهره وطبعآ ولا ليها لزوم لانى لو لما بشيل رجلى واحطها تانى او انقص السرعه حاجه بسيطه بتنقص تانى مش بتزيد والموضوع مخنوق وصوت الشكمان تحس انه مكتوم مش زى ما بتكون على الغيارات الاولى

اول تانى تالت رابع زى الفل وومكن اوصل الار بى ام لخمسه وسته من غير اى مشكلة من اول الغيار الخامس وتبتدى المشاكل والقرف المفروض ان الباب التانى شغال كويس والا ماكنتش زادت ل 110 و120 صحيح ؟

دلوقتى ايه الحل لان بجد الموضوع ده مقريفنى جدآ اوقات عايز امشى 140 مش لازم اكتر من كده بس عايز اجيبهم بسهوله مش بطلوع الروح يعنى مش معقوله اول تانى تالت رابع السرعات فيهم بتيجى فى منتهى السهوله والغيار الخامس بيطلع عينى علشان 120

ياريت الله يكركم تساعدونى فى الموضوع ده

الديسك والاسطوانه من خمس الاف كيلو متغيرين طقم كامل بالبليه
سير التقسيمه متغير والتقسيمه مظبوطه مش خالفه ولا حاجه
السيور كلها جديده
البوجيهات جديده وتلاته شمعه
موبينه لسه مركبها اول امبارح والقديمه كانت نفس النظام بس كانت مبتهدله قولت اغيرها افضل
الكربراتير متنضف كذى مره ومافيهوش حاجه الحمد لله
فاكيوم التكيف شغال ومغير واحد منهم
بلى العجل امامى متغير
كبالن متغيره
مساعدين اربع مساعدين زيرو تيل فرامل كل حاجه فى العربيه انا تقريبآ ربنا قدرنى وغيرتها ولسه قرفانى

الماتور 1100 سى سى على عينى وراسى بس مدام الماتور لسه فيه كمان ايه اللى بيمنعنى حتى لو التسارع بطئ شويه بس مش مشكلة لكن تسارع الغيار الخامس مقتول ط

[mada3030]

مش عارف بس يمكن العربيه اخرها كده

[aldesha989]

اكيد لا لما يكون الار بى ام على فى الغيارات الاولى بيوصل لخمسه وسته وعلى الغيار الخامس اللى هو المفروض فيه الار بى ام يبقى مفتوح ما يقدرش يوصل للاربعه والخمسه والسته يبقى اكيد فى حاجه وبعدين كمان من 100 ل 120 بطئ جدآ يعنى اكيد فى حاجه هو فى عربيه اخر سرعتها 100 ؟

وكمان اانا شوفت عربيات زيها بتقفل امبير وشوفت والكتالوج بيقول ان سرعتها بتوصل ل 155 ميل حاجه زى كده انا مش عايز كل ده انا عايزها تجيب 140 بسهوله مش بعناء يعنى حرام ال 120 تيجى بعناء ومش قادر ازود عن كده اكيد لا فى مشكلة

[aldesha989]

ايه يا رجاله ؟

[mada3030]

انت بتحط بنزين كام
تانى حاجه شوف فلتر الهواء والبنزين
تالت حاجه العربيه عامله كام الف كيلو
لو الكيلو متر كتير اعتقد ان 120 دا عادى على الخامس لان هيا سرعتها فى المانيوال زى ما انت بتقول 155 فدا اعتقد انه طبيعى

[mada3030]

حاجه كمان سواقه الخامس دى مش كبس وخلاص فى حاجه اسمها التلقيط يعنى لما تحس ان انت دايس ومافيش استجابه ارفع رجلك ودوس تانى

[aldesha989]

انت بتحط بنزين كام
تانى حاجه شوف فلتر الهواء والبنزين
تالت حاجه العربيه عامله كام الف كيلو
لو الكيلو متر كتير اعتقد ان 120 دا عادى على الخامس لان هيا سرعتها فى المانيوال زى ما انت بتقول 155 فدا اعتقد انه طبيعى

انا بتكلم يا باشا ان بعد ال 100 بتجيب 120 بطلوع الروح

حاجه كمان سواقه الخامس دى مش كبس وخلاص فى حاجه اسمها التلقيط يعنى لما تحس ان انت دايس ومافيش استجابه ارفع رجلك ودوس تانى

يا باشا انتا لو ركزت فى كلامى هتلاقينى قولت انى عملت كده كتير جدآ لحد ما زهقت
شيلت رجلى كتير جدآ وحطتها تانى وكبست واديتها بالراحه وعملت المستحيل مافيش مصممه انها ما تعديش 120 الا فى المنازلات بس بتجيب لحد 140 لكن دى مش سرعه الماتور نفسه دى نزول الطريق

الفكره ان على الخامس الار بى ام 3 ونص وبيزيد بطلوع الروح والسرعه بتجمع بطئ جدآ ومش بتزيد مش طبيعى بالمره

انا بحط 90 دايمآ وكنت مفول 92 من تلات ايام وقبل ما اطلع القاهره حطيت 6 لتر على ال 92 لانى كنت عايز اطلع بالتانك مفول يعنى مخلط ما بين 90 و92

والموضوع ده مش جديد بس كنت دايمآ بقول مافيش وقت اجرى اكتر من كده لانى اول مره اسافر بالعربيه واطلع بيها مشوار كتير

انا بقولك 155 ميل يا باشا مش كيلو والامبير عندى 180 يعنى مش حلو فى حقها انها ما تجيبش ال 140 وال 120 مستريح حرام يعنى

العربيه بتجيب ال 120 وال 110 على الرابع مع الحرق بسرعه لكن لما اديها الخامس اكنى ما اديتهاش حاجه ممكن السرعه تقل مش تزيد

فاكيد يا باشا فى حاجه غلط علشان كده مستغرب وهتجنن

يعنى لو اتسرعت فى الغيار الرابع ونقلت خامس على ال 100 مش هتجيب ال 120 الا بعد خمس او عشر دقايق لازم يكون فى حاجه مستحيل تكون هى كده

والديسك والاسطوانه خمس الاف ولو الموضوع ديسك واسطوانه كان على الاقل هيبقى صوت الماتور عالى مش تحس انها مكتومه والشكمان صوته مش باين ومش سامع غير صوت الهوا

انا كمان مغير فلاتر هواء وبنزين وبوجيهات

[aldesha989]

ايه يا رجاله ماحد يعبرنا

دلوقتى وانا راجع من القاهره جابت مره واحد 130 وما جتش تانى ابدآ والطلوع لل 120 من اصعب ما يكونش

[aldesha989]

يا رجاله ؟

[Eng.Gogo]

غير فلتر البنزين واشترى منظف بخاخات من البنزينة علبيتن وحطهم مع البنزين وشيك على الشكمان ممكن يكون مسدود

[amrelsaqqa]

قيس كبس الموتور عشان تعرف حالة الموتور بتاعك ، 155 ميل ده للعربية الزيرو خلى بالك واكيد الموتور عندك بدأ يتعب ...
وعادى ان العربية تجيب اخرها ويبقى الار بي ام لسة فيه ده يعتمد على انك جبت اقصى قدرة حصانية الموتور بيطلعها ودى بتتأثر بحالة الموتور
هل الزيت بينقص عندك ولو حاجة بسيطة ؟
وانت حاطط زيت ايه ولزوجته كام ؟
حالة دورة التبريد وهل العربية بتسخن ولا لا ، و راجع على ظبط التاكيهات

[aldesha989]

قيس كبس الموتور عشان تعرف حالة الموتور بتاعك ، 155 ميل ده للعربية الزيرو خلى بالك واكيد الموتور عندك بدأ يتعب ...
وعادى ان العربية تجيب اخرها ويبقى الار بي ام لسة فيه ده يعتمد على انك جبت اقصى قدرة حصانية الموتور بيطلعها ودى بتتأثر بحالة الموتور
هل الزيت بينقص عندك ولو حاجة بسيطة ؟
وانت حاطط زيت ايه ولزوجته كام ؟
حالة دورة التبريد وهل العربية بتسخن ولا لا ، و راجع على ظبط التاكيهات

لا الزيت مش بينقص نهائى الزيت اللى كنت بحطه موبيل 3 الاف وبعدين اخر غيار كان موبيل 5 الاف مش فاكر اللزوجات بتاعتهم كام بس اكيد معروفه

العربيه ثابته على النص مش بتسخن نهائى والمراوح بتبرد مظبوط وبتشتغل فى مواعيدها وتفصل عادى التكيهات مظبوطه لان الموضوع ده كان بيحصل معايا وبعدين ظبط تكيهات ومافيش حاجه اتغيرت

الفكره ان الغيار الخامس لسه فيه ولو بحرق على الرابع يجيب بسهوله ايه الفكره ؟

يعنى ال 120 اجيبهم على الرابع اسهل ما اجيبهم على الخامس ايه الفكره ؟

حتى لو اخر الماتور 120 وطلع كل الهورس بور بتاعه ايه الفكره ان ال 120 على الخامس صعب جدآ وعلى الرابع سهل وعادى لكن انا ما بحبش احرق على الرابع لان الار بى ام بيكون على اربعه ونص وبحس من صوت الماتور ان كده كفايه عليه ومش برضى اكبس اكتر مت كده لحسن حاجه تحصل

[Citrooh]

بص ايام ما كان معانا نوبيرا مكنتش بتعدي ال 160 عشان كان في حاجة اسمها تقريبا مكنة هوا او حاجة زي كده
مسئولة عن انها تدخل هوا اكتر للماتور كانت عايزة تتغير
فمهما عملت مكنتش بتعدي ال 160 فشوف كده يمكن عندك نفس المشكلة :)