سؤال للأعضاء

[AMRSPEED]

انا معايا اسبيرانزا موديل 2007 وبيحصل معايا حاجه بس مش عارف ايه السبب وبجد تعبانى فياريت نوصل لحل ليها مع بعض وانا عامل 15000 ك ودى المشكله
مش احنا لما بنشغل التكيف العربيه سحبها بيبقى اقل من الطبيعى
انا بقى عندى من غير تكيف بحس بالأحساس ده وكمان بحس بشده جامده لما بدوس دبرياج عشان انقل وبالذات الأول والتانى

[sab3aawy]

لو المضوع ده جديد عليك والعربية كانت مختلفة قبل كدة يبقى ممكن تكون الرشاشات مكتومة

استعمل منظف رشاشات على تفويلة بنزين ، وامتنع عن التموين من مصر للبترول والتعاون ووطنية وغالبا العربية هتفك معاك بس ممكن تاخد وقت شوية(يعنى 400-500 كيلو على ما منظف الرشاشات يكمل تأثيره)

[AMRSPEED]

هجرب وايه رأيك ممكن افول 95 تأثيره هيكون احلى

[KoDaK_Gti]

انا معايا اسبيرانزا موديل 2007 وبيحصل معايا حاجه بس مش عارف ايه السبب وبجد تعبانى فياريت نوصل لحل ليها مع بعض وانا عامل 15000 ك ودى المشكله
مش احنا لما بنشغل التكيف العربيه سحبها بيبقى اقل من الطبيعى
انا بقى عندى من غير تكيف بحس بالأحساس ده وكمان بحس بشده جامده لما بدوس دبرياج عشان انقل وبالذات الأول والتانى

من كلامك انك بتقول العربية تحس انها تقيلة وبتحس جامد كمان لما بتشيل رجلك من على البنزين وتدوس دبرياج علشان تنقل

انا فى اعتقادى ان العجل عندك آفش
ممكن يكون التيل آفش على العجل ومخلى العربية تقيلة ( ابقة جرب كده حط ايدك على الجنوط شوفها سخنة كده ولا عادية بعد مشوار جامد )
ونشوف بردو رأى الخبراء هنا هيقولولك ايه

[AMRSPEED]

لآ مش كده خالص هى بتبان مع الدبرياج لاكن لما بشيل رجلى من على البنزين عادى مفيش حاجه

[AMRSPEED]

انا غيرت البوجيهات وبرضه الرجه لسه موجوده مع الدبرياج ياريت تقولولى ممكن يكون من ايه الرجه اللى مع دوسه الدبرياج دى

[hazem_khidr]

هجرب وايه رأيك ممكن افول 95 تأثيره هيكون احلى

لا مش حيأثر مع العربيه
هو منظف الرشاشات
و يا ريت تطلع للتوكيل ممكن تكون في عجله فرامله قافشه شويه

[AMRSPEED]

لآ انا كشفت على الفرامل وحطيت منظف رشاشات هو اللى بيحصل ملوش علاقه بكده ياريت سبعاوى باشا يقولى ايه الحل وهقولك اللى بيحصل تانى
مع دوسه الدبرياج بحس بشده او رجه من عند قواعد الماتور او الفتيس
وقبل كده القواعد كانت بتخبط فى القنطره فرحت لعفشجى وبعدلى القنطره عن القواعد بورد فممكن ده ليه علاقه

[AMRSPEED]

محدش عايز يرد ليه ياجماعه

[medolemo]

بص يا سيدي انا كمان كان عندي حوار شبه ده و الدبرياج كان بيعلق و ناشف اوي و كمان كنت حاسس ان الدبرياج معلق كاني دايس عليه و انا شايل رجلي من عليه و سحب كان ضعيف
المهم لو مشكلتك نفس مشكلتي روح اكشف علي الماستر بتاع الدبرياج و البلي الدبرياج

[AMRSPEED]

بص يا سيدي انا كمان كان عندي حوار شبه ده و الدبرياج كان بيعلق و ناشف اوي و كمان كنت حاسس ان الدبرياج معلق كاني دايس عليه و انا شايل رجلي من عليه و سحب كان ضعيف
المهم لو مشكلتك نفس مشكلتي روح اكشف علي الماستر بتاع الدبرياج و البلي الدبرياج

شكرا على ردك بس مش ده اللى بيحصل عندى

[medolemo]

لا شكر علي واجب