هل الساعه الانالوج اللى فى لوحه العدادات بتتصلح

[michohat]

الساعه اللى فى لوحه العدادات مش عارف اظبطها المفتاح اللى بيظبطها بيلف على الفاضى والساعه شغاله بس بتدى توقيت غلط
هل ينفع تتصلح؟
ومين اللى بيصلحها الكهربائى ولا بتاع العدادات؟

[michohat]

هل حد يعرف بتتصلح ولا لأ

[ahmedezzat78]

بتاع العدادات
ممكن خالد كوستا فى الحرفين

[michohat]

انا فى محافظة الشرقية ومعرفش عن الحرفيين غير الاسم ومكانها

[hazem_khidr]

شوف حد عندك بتاع عدادات يصلحهالك
واكيد حتلاقي و تصليحها سهل مش بياخد وقت
بس حتحتاج تفك التابلوه العدادات

[mrghost]

بصراحه حرام تنزل مصر علشان تصلحها شوف حد بتاع عدادات فى الزقازيق لو مالقتش اشترى واحده رقميه ب 5 جنيه وريح نفسك لان الانالوج شكلها وحش اساسا

[michohat]

شكرا على الافاده كنت فاكر انها تتبع شغل الكهربائى بس طلعت بتاع العدادات
ربنا يسهل و الاقى حد هنا لانى مش اتعاملت مع حد بتاع عدادات قبل كده

[michohat]

بصراحه حرام تنزل مصر علشان تصلحها شوف حد بتاع عدادات فى الزقازيق لو مالقتش اشترى واحده رقميه ب 5 جنيه وريح نفسك لان الانالوج شكلها وحش اساسا

المشكله مش فى كده عندى ساعه ديجيتال فى الكاسيت

مشكلتى اللى مش عارف اتخلص منها انى مش بطيق انه يكون فى العربية حاجه بايظه يعنى لو الساعه دى مش عرفت اصلحها مش بعيد دماغى تزن اجيب لوحه جديده

[hazem_khidr]

مشكلتى اللى مش عارف اتخلص منها انى مش بطيق انه يكون فى العربية حاجه بايظه يعنى لو الساعه دى مش عرفت اصلحها مش بعيد دماغى تزن اجيب لوحه جديده

:(:(:(
نفس مشكلتي
كانت باظت في ال 132 برضه عندي و صلحتها علشان مش بحب اشوف امبير عطلان
حظي مع الساعات دايما وحش
حتي يوم ما جبت السويفت الساعه الديجيتال بتاعها كانت بايظه:(
و غاليه لقيتها ب 150 جنيه لوحدها كده!!!!!
طب اعمل ايه ؟؟
و هي شكلها مضايقني رغم ان السي دي بتاعي فيه ساعه.
لقيت واحد قريبي بيبيع السويفت بتاعته
اخدت ساعته السليمه و اديته الساعه البايظه اول ما فكر انه يبيع
و قولت استغله
اخدت الولاعه الاوريجنال بتاع العربيه و اديته الولاعه بتاعي كنت شاريها.
ههههههههه

[mrghost]

:(:(:(
نفس مشكلتي
كانت باظت في ال 132 برضه عندي و صلحتها علشان مش بحب اشوف امبير عطلان
حظي مع الساعات دايما وحش
حتي يوم ما جبت السويفت الساعه الديجيتال بتاعها كانت بايظه:(
و غاليه لقيتها ب 150 جنيه لوحدها كده!!!!!
طب اعمل ايه ؟؟
و هي شكلها مضايقني رغم ان السي دي بتاعي فيه ساعه.
لقيت واحد قريبي بيبيع السويفت بتاعته
اخدت ساعته السليمه و اديته الساعه البايظه اول ما فكر انه يبيع
و قولت استغله
اخدت الولاعه الاوريجنال بتاع العربيه و اديته الولاعه بتاعي كنت شاريها.
ههههههههه

ايوه ياعم حازم ظبطت نفسك قبل العربيه ماتتباع هههههههههه

[hazem_khidr]

ايوه ياعم حازم ظبطت نفسك قبل العربيه ماتتباع هههههههههه

حنعمل ايه بس يا محمد باشا
ناكل عيالنا يعني
و لعلمك كان عندي لقمتين من بتوع دراعات التكييف ناقصين
اخدتهم هما كمان

[michohat]

طب مش تعرف حد قريبك ناوى يبيع 131 قريب؟؟:D

[hazem_khidr]

طب مش تعرف حد قريبك ناوى يبيع 131 قريب؟؟:D

هههههههههههههههههههههههه
يا ريت
مكنش يتعز
كنت جبتلك الساعه و فبره القايم البلاستيك كمان

[michohat]

تصدق انا حرمت اركب العربية تانى علشان مش اكتشف فيها شئ مش شغال و دلوقتى راكنها بقالى يومين فى الجراج و سايبها للمناسبات

[hazem_khidr]

بص هيا اي عربيه طالعه من تجديد لازم تلاقي فيها حاجات كده
و بالراحه واحده واحده كل حاجه بتتضبط