==> باب مش بيفتح مع الريموت، إيه السبب؟

[HRH_Sameh]

الموضوع بإختصار ان مع فتح العربية من الريموت: الباب اليمين قدام مش بيفتح ولكن:
* بيقفل من الريموت
* بيفتح ويقفل من المفتاح
* بيفتح ويقفل من مسوجر الباب الشمال قدام

مع العلم ان الانذار وولف راكب من 6 شهور على سنتر راكب من حوالي 9 سنين
بعد تركيب الانذار الجديد بفترة بدأ يحصل ان الباب (المقصود) المسوجر بتاعه مع الفتح بيطلع من مكانه مسافه أصغر من انها تفتح وفترة كان يشتغل عادي وفترة يعلّق تاني، حاليا بقى زي ما قلتلكم فوق

طبعاً سهل اني اروح لكهربائي يعمله لكن احب اعرف السبب واعمله انا

أشكركم مقدماً ع الافادة :)

[Elawany13]

حصلت عندى اول ما اشتريت العربيه من 3 سنوات
وسألت سمكرى قالى زمان القربة بايظة غيرها عند الكهرباءى
فكيت فرش الباب وركزت مع حركة المسوجر
وبصيت على الباب المقابل ليه علشان افهم ميكانيزم الحركة
لاقيت مسمار صغير واقع
ربطته والدنيا ضبطت من يومها

[م.محمد علاء]

وممكن البطاريه ضعيفه ..إحتمال ضعيف بس موجود في قائمة اسبااب الأعطال.

[gadoo30]

ممكن تكون فردة السنتر ضعيفة وممكن تكون السلكة اللى واصلة بين فردة السنتر والكالون معووجة

[mrghost]

ساعات الترس اللى جوه القربة بيفوت
او ممكن القربة مش متثبتة كويس او الباب عايز يترجلش عند بتاع ابواب

[akhatab]

زي ما قالك Elawany13 في جزء بيربط سيخ حديد رفيع خارج من مكنه السنتر مع السيخ الأصلي اللي واصل للمسوجر عادة الجزء الصغير ده بيربط بمسمارين واحد فيهم هيكون فاكك او مش موجود - الكهربائي هيحل الموضوع في 10 دقايق هي وقت فك وتركيب فرش الباب وممكن انت تعملها بنفسك

[HRH_Sameh]

أشكر كل اللي رد وأفادني
امبارح طول اليوم كان شغال كويس :)
ده اللي كسلني افك واشوفه
لو علّق تاني هفكه

بس محدش يعرف الاقي المسمار بتاعه فيه؟ عشان الباب الشمال من فترة كان مساميره حالقه وملقيتش منها...