العربية مغلبانى فى الدوراة الصبح

[mohkhattab]

صباح الفل على احلى اعضاء
دلوقتى انا عاوز اعرف اتصرف ازاى فى العربية
انا عربيتى 128
بقالى كام يوم بدور الصبح ، اقعد ادور كذا مرة علشان العربية تدور ، فبصيت على فلتر البنزين لاقيته فاضى مع انى مفول العربية ، فرلوحت للميكانيكى فكشف على العربية و قالى ان طرمبة البنزين بتعلق فلازم تتغير ، فغيرت طرمبة البنزين و قلت كمان اغير فلتر البنزين علشان كله يبقى على نظيف و دورت العربية من اول تكة و دارات . وروحت
النهاردة جيت ادور من اول تكة مدرتش ، كارتكلها كذا مرة و دارتت بس طبعا خدت وقت اقل من قبل ما اغير الطرمبة و انا ماشى بيها ساعات كانت بتنتش معايا
فانتوا رائيكم ايه العيب و اغير ايه

[م.محمد علاء]

بص..هتعمل حاجتين الاول عشان تعرف العيب سكته ايه الاول..
انت بتقول انها بتغيب معاك في الدواره الصبح..
يبقى الصبح قبل متدور تحللك بوجيهين تلاته و تبص عليهم قبل اي حاجه..
لقيتهم معرقين زيت جامد.
يبقى المكنه معاك خفيفه و بتهرب زيت من الشنابر..
و طبيعي تغيب في الدوراره لأن البوجيه غرقان في الزيت و مش بيدي شرارته كما ينبغي,
و طبيعي كمان تنتش و انت ماشي و خصوصا و انت كابس عليها لنفس السبب الاول.
دي حلها طقم شنبر على أقل التقديرات.
________________________
تاني حاجه .
ممكن يكون بسبب ضعف سحب الرداخ للبنزين من التانك.
و بسبب ان مفيش بنزين واصل..فهتغيب معاك في الدواره.
و هتنتش منك و إنت ماشي.بس بعد متكون عملتلك مشوار طويل شويه بالعربيه يعني حوالي 20-30 كم.
و دي سببها غالبا هيكون(بعد مغيرت الرداخ أو الطلمبه) إن خرطوم فايظ التانك مكتوم.
يعني زي متكون بتسحب بنزين من علبة عصير بالشفاطه.
يقل المنسوب ولا يوجد تعويض هواء لأن التانك مكتوم.
فيتولد ضغط عكسي.فيسحب البنزين اللي رايح للمكنه عشان عايز يرجعه للتانك.
حلها بسيط.و هي الكشف على الفايظ لو مسدود بيغيره و دي شغلانه بملاليم.

[amr011111]

هى ال 128 فى دخلة الشتاء وفى الشتاء للأسف كده
حاول قبل ما تدور العربيه تدوس على دواسة البنزين كذا مره
ولما تيجى تدور دوس بنزين بزياده شويه عن الايام العاديه

[mohkhattab]

بص..هتعمل حاجتين الاول عشان تعرف العيب سكته ايه الاول..
انت بتقول انها بتغيب معاك في الدواره الصبح..
يبقى الصبح قبل متدور تحللك بوجيهين تلاته و تبص عليهم قبل اي حاجه..
لقيتهم معرقين زيت جامد.
يبقى المكنه معاك خفيفه و بتهرب زيت من الشنابر..
و طبيعي تغيب في الدوراره لأن البوجيه غرقان في الزيت و مش بيدي شرارته كما ينبغي,
و طبيعي كمان تنتش و انت ماشي و خصوصا و انت كابس عليها لنفس السبب الاول.
دي حلها طقم شنبر على أقل التقديرات.
________________________
تاني حاجه .
ممكن يكون بسبب ضعف سحب الرداخ للبنزين من التانك.
و بسبب ان مفيش بنزين واصل..فهتغيب معاك في الدواره.
و هتنتش منك و إنت ماشي.بس بعد متكون عملتلك مشوار طويل شويه بالعربيه يعني حوالي 20-30 كم.
و دي سببها غالبا هيكون(بعد مغيرت الرداخ أو الطلمبه) إن خرطوم فايظ التانك مكتوم.
يعني زي متكون بتسحب بنزين من علبة عصير بالشفاطه.
يقل المنسوب ولا يوجد تعويض هواء لأن التانك مكتوم.
فيتولد ضغط عكسي.فيسحب البنزين اللي رايح للمكنه عشان عايز يرجعه للتانك.
حلها بسيط.و هي الكشف على الفايظ لو مسدود بيغيره و دي شغلانه بملاليم.

بشمنهندس محمد شاكر لرد حضرتك جدا ، انا فعلا عندى المكنة خفيفة و مركب كرسين لعدد 2 بوجيه بيعرقوا زيت جامد ، اما بالنسبة لخرطوم الفايظ فدا هبص عليه

هى ال 128 فى دخلة الشتاء وفى الشتاء للأسف كده
حاول قبل ما تدور العربيه تدوس على دواسة البنزين كذا مره
ولما تيجى تدور دوس بنزين بزياده شويه عن الايام العاديه

يا باشا شاكر لردك و فعلا انا بعمل كده لانى ساكن فى التجمع و الجو عندنا الصبح جميل جدا

[amro1965]

انا سوف اسرد لك مشكلتى وعسى ان تفيدك وتفيد الاخرين
اولا انا سيارتى ريجاتا كانت بتغيب كتير فى الدوارة وانا من النوع اللى لا اذهب للميكانيكى الا بعد ان اكون استشرت اعضاء المنتدى لزياده معرفتى بالصيانة الاساسية
المهم
البوجيهات كانت عندى بخرجها بيبقى عليها بخار زيت احد الاعضاء قال لى انه سبب عدم الدواره صباحا او فى اى وقت بشرط ان تكون السيارة مركونه ليوم مثلا
كنت اسخن على البوجيهات فكانت بتدور لكن مكنش ده سبب المشكله
ومن كثره الدوارة لدرجه ان البطارية كانت بتفضى
فى اليوم اللى قررت انى اوديها للميكانيكى كانت السيارة مركونه فى مكان عملى مما جعلنى احاول ادورها واذهب بها الى الميكانيكى الذى اتعامل معه
وكانت البطارية نايمة مما جعلنى استعين بسيارة صديقى علشان اعمل وصله من بطاريته الى بطارية سيارتى
وبالفعل عملت الوصله ورغم انى اشتريت طقم بوجيهات جديد وركبته الا ان السيارة مش عايزة تقوم
قدرا كان شخص موجود فى مكان سيارتى يعمل فى شركة هيونداى شاف مشكلتى وحاول يساعدنى وفعلا تعلمت منه
اولا هو شيك على سلك الاسبراتير علشان يشوف فيه كهرباء خارجه ام لا
ثانيا شفط من الخرطوم اللى متصل بطرمبه البنزين وداخل لفلتر البنزين وجدته يعمل
ثالثا فك فلتر البنزين لعله يكون مكتوم طلع سليم
رابعا فك الاسبراتير وجد الابلاتين تعبان وقافش بالمعنى الدارج لادع وده عامل من عوامل عدم دوراه السيارة
خامسا فك العمة وبص على الكربراتير وقالى دور ليتاكد ان فى بنزين داخل للكربارتير تمام
سادسا وهو الاهم وجد فى بنزين فى الكربراتير وهو ده عامل ثانى من عوامل عدم الدوارة صباحا بالمعنى الدارج شرقانه (ملحوظه هامه التكرير الدائم غلط لانك بتملى الكربراتير بنزين فتشرق السيارة ومستحيل تدور وهى على الوضع ده ) تكريكة بسيطة ودور حتى تلقط وتدور
سابعا قال لى دور مره واثنين وثلاثه ولا تضغط بنزين نهائى حتى يستهلك الكربراتير البنزين اللى بداخله حتى تجد السيارة بدأت تلقط اضغط ثنه بنزين وبعدها هتدور ان شاء الله
وهذا ماحدث بالفعل ودور للى السيارة واخذتها وذهبت للميكانيكى غير لى الابلاتين والكوندنسر وانا كنت مغير البوجيهات واهم شىء بعد التغير الميكانيكى يضبط لك كهرباء الموتور ويضبط لك صوت الموتور وهذا مافعله الميكانيكى
والان السيارة عندى تمام وبدورها بتدور
اذا نخرج من موضوعى بالاتى
مش شرط ان بخار الزيت على بعض البوجيهات ان الموتور خفيف او انه سبب عدم الاداره
ثانيا عدم التكرير عند اداره السيارة لانك هتفقد شيئين شرق السيارة اى امتلاء الكربراتير بالبنزين وفقدان شحن البطارية لديك
هذه مشكلتى لعلها تفيد الاخرين

[aboomar22]

برضه ساقول قصتى فى الموضوع ده كانت العربية بتغيب فى الدوارة الصبح او لو ركنتها يومبن انما لو فى مشوار بتدور على طول طلعت المشكلة ان فيه بوابه فى الكربراتير بتلات مسامير صغيرين كانت المسامير مش مربوطة كويس فكانت مع الوقت بتسرب البنزين واجى ادور تاخد وقت لحد ماتحضر غيره انما لو فى مشوار مبتلحقش تفضى البنزين بص على البوابة دى هى بوابه مثلثة كده ومربوطة بثلاث مسامير صغيره