ارجو المساعده بخصوص الدريكسيون

[mina]

يوجد طقة بسيطة (صادرة من الطارة)عند تحريك الدريكسيون لليمين فقط و بتحصل بس لما احرك الدريكسيون لأقصى الشمال و لما ارجعة يمين بعد النص بالظبط يعنى لما الفة الشمال تخلص و ابتدي فى اليمين.
هل هذا له علاقة بعلبة الدريكسيون أم العفشة ؟مع العلم أنة فى التوكيل لما كان بيربط عالعفشة كان مسمار البيضة اليمين مهوى سنة و قام محرق علية و الموضوع دة ملاحظتوش غير لما رجعت من التوكيل

[sab3aawy]

ممكن يكون لها اكثر من مصدر

ممكن تكون الصليبة اللى بتربط عمود القطمة بعلبة الديريكسيون مش مربوطة كويس ، او الصليبة نفسها متآكلة

وممكن تكون بيضة ديريكسيون مش مربوطة كويس

وممكن تكون مشكلة فى جريدة علبة الديريكسيون

بس لو العربية جديدة فغالبا هى مشكلة تربيط ، لا يتوقع ان تكون مشكلة تآكل

[mina]

شكرا لمساعدتك
يعني رأي حضرتك اي عفشجى كويس يحل الموضوع ولا لازم التوكيل( معنتش بثق فيهم شكلهم بيخبطوا و خلاص)
و هل موضوع التربيط دة شىء عادى مع الاستخدام خصوصا ان العربية عاملة 5000 بس

[hazem_khidr]

و هل موضوع التربيط دة شىء عادى مع الاستخدام خصوصا ان العربية عاملة 5000 بس

بالنسبه لشوارع مصر 5000 كويس طبعا للتربيط.
انا بربط العفشه كل شهر او بمعني اصح كل ما بروح اقص شعري :lol: :lol:
بالنسبه للعيب زي ما الباشمهنس سبعاوي قال كده بالضبط