إعـــــــلان

**saddam** · 02-12-2013, 05:27 AM

صديقي المواطن
يؤسفني أقلك معلوماتك عن العربيات خاطئة والميكانيكي سوبر كفته
الصح التليين 24 ساعة وهي واقفة عند الميكانيكي متمشيش وتسهر إنت معاها ويظبط تاكيهات أول ربع ساعة تدوير
مين قال لك إن العربية وهي دايرة ممكن تفتح الغطا بتاع الراديتير دي قمة ال لا مسؤولية وجريمة والعربية اللي بيتفتح غطاها وهي دايرة دي عربيات النقل البيجو وغيرها ويكون سواقها من السبعينات راجل قديم عمرا وتفكيرا ويكون الغطا منظر بس عمره منتهي ملوش أي لازمة
والصح بكره تنزل تجيبلي غطا نوع غالي مش تروح تجيبلي أبو 15 جنيه وتدور العربية 24 ساعة وهي واقفة وممنوع منعغ باتا حتى قيام الساعة تفتح غطا الراديتر وهي دايرة الماء يتفحص من القربة ويتزود من القربة ولو مفيهاش قربة تركبلها قربة والناس اللي بتشوفها كميكانيكيا بتفتح الغطا وتزود مياه أول مبتدور العربية فده عشان ياخد الهوا من دورة التبريد أنا مستاء جدا وعشان كده عربيتك جابت وش سلندر ﻷن غطا الراديتير عندك شبه منتهي فبيخرج المياه ومش بيسحبها تاني فعشان كده فضيت وإنت سايق على إعتبار معندكش أي تسريبات تانيه تصدق أنا من أسبوع شاري غطا راديتير ب 70 جنيه تصميم جديد أمريكاني من الجملة شامبليون به سوسته تفتحها لما الشركات المصنعة زهقت من إنها تنصح الناس زي حالاتك بأنه لا يجوز فتح غطا الراديتر والعربية دايرة وده بيه سوستة تفتحها حتنطر المياه المتمدده للقربة عشان تفتح براحتك إن إستوجب وأنا شايف مفيش حاجة توجب فتح الراديتير إلا لو فاتحه تغيره أو تنظفه أما التزويد فده الصبح ومن القربة ﻷن خد بالك كل مرة تفتح فيها الغطا يقل عمر الجلدة في الغطا
وهذا ما لزم بيانه ودمتم
وبالتوفيق وإلى اﻷمام ومن نصر إلى نصر
ودمتم للنضال

**adhamhossam** · 02-12-2013, 06:16 AM

هي مشكلة غريبة أوي إن يحصل معاك كدة و خصوصا بعد العمرة
شيء غير متوقع
عموما أنا متابع معاك
و هسال حد أعرفه يقدر يساعدنا في المشكلة دي
و إن شاء الله خير

**savant** · 03-12-2013, 01:40 AM

متايع لردودكم يا رجاله ...... ده تاني يوم تليين .... شغلت العربيه ساعه المغرب و بدات تاني الساعه الثانيه عشر الا تلت .... بقالي ساعه اهو يعني .... هيا بتطلع صوت عالي بس ف الاول .... كانه صوت جرار ... بس بيهدا ع طول .... و المره دي زودت المايه من القربه

**savant** · 03-12-2013, 02:45 AM

يا جدعاااااااااااااااان للاهميه بسرعه ....... العربيه بقالها كده ساعتين دايره ..... و فجاه مسمعتش صوتها .... و فصلت .... نزلت لاقيتها بطلت من نفسها .... فتحت القربه لاقيتها ناقصه شويه .... مرضتش افتح الردياتير .... بس لاقيت تحتها مايه كتير ..... زي متكون خرطوم اتقطه مايه ولا حاجه ...... فدورتها تاني دارت ... خفت..... بطلتها و قلت استني اما تبرد و اشوف موضوع المياه الي ع الارض دي ..... اي نصااااااايح ؟؟؟؟؟؟؟؟ مع العلم ان ف الايام العاديه قبل النص عمره دي .... كانت بتقطع خرطوم كل فتره ... و كل مره خرطوم مختلف ..... ف مش عارف بقي ؟؟؟؟ العيب كده ف الخراطيم ... تكون قديمه ... ولا المكنه فيها مشكله لسه و بتسخن جامد و بتقطع الخراطيم ...... بجد احترت

**savant** · 03-12-2013, 04:41 AM

الحمد لله ..... نزلت دلوقتي بعد ما العربيه بردت ..... بفتح الردياتير لاقيت فبه مايه .... و القربه فيها مايه ... دورت ... و زودت الردياتير .... و قفلت ... اما نشوووف .... هوه عااادي انها تبطل لوحدها ؟؟؟؟؟؟؟ اثناء التليين ؟؟؟؟؟

**savant** · 03-12-2013, 04:52 AM

للمتابعه لو حد رد عليا يعني ....... لاحظت ان المروحه بتشتغل كل حوالي 5 دقايق .... لمده 3 او 4 دقايق .... ده عادي ولا كده العربيه بتسخن ؟؟؟؟؟ مع اعلم اني قافل الكبوووت ... بس الساعه يعني 4 الصبح ... الجو كويس

**savant** · 03-12-2013, 05:56 AM

مش عارف الميه بتسخن و بتغلي فوران جوه القربه و الردياتير و بتتبخر و بتخرج من خرطوم الفايص بتاع القربه و بتنزل تحت العربيه .... و فيه نشع مش عارف مياه ولا زيت من ورا المكنه تحت الانجكشن زي ماهو واضح ف الفيديو .... الي يعرف حل المشكله يساعد
الصور اهي ....:-
1/
دي صوره خرطوم الفايص بتاع القربه و هوه بينزل المياه و بخار المايه

2/
دي صوره النشع الي جاي من المكنه من ورا تحت الانجكشن

3/
دي صوره الميه الي نازله من خرطوم الفايص بتاع القربه

--------------------------------------------------------------------------------
رابط الفيديو

ACCENT المكنه بتلين بعد نص العمره ..... و مش عارف الميه بتسخن و بتغلي فوران جوه القربه - YouTube

**savant** · 07-12-2013, 08:32 AM

لازم اكمل ال 1000 كيلو ؟؟؟؟ مينفعش بعد 200 كيلو كده اربط ع المكنه و اغير زيت و خلاص ؟؟؟
انا معملتش شغل مخرطه خالص هوه شنبر و جوانات بس
ايه الحكمه من الالف كيلو دول ؟؟؟

**م/سامح** · 22-06-2014, 12:13 PM

سوال هام

الموتور بطل لوحده اتناء فتره التليين بعد النص عمره ( لعربيه فرينا)....هل ده شيىء طبيعى ام فى حاجه خلط ؟؟!!!!!!!!

**adhamhossam** · 23-06-2014, 05:26 AM

كنت سمعت معلومة إن الموتور لما يبطل لوحده أثناء الفترة الأولي من التليين ((اول 50 كيلو مثلا)) ... دة دليل علي نجاح العمرة .... و الله أعلم بصحة المعلومة

Comment

Comment

إعـــــــلان

.

مساعده بعد نص عمره ل مكنه اكسنت 1500 في التليين

مساعده بعد نص عمره ل مكنه اكسنت 1500 في التليين

Comment

Comment

Comment

Comment

Comment

Comment

Comment

Comment

Comment

Comment